Kerala: కేరళలో షాకింగ్‌ ఘటన.! ఆక్యుపంక్చర్‌ ద్వారా డెలివరీ.. తల్లీ బిడ్డ మృతి.
ఆన్‌లైన్‌లో చూస్తూ ఆక్యుపంక్చర్‌ వైద్యం ద్వారా ఇంట్లోనే బిడ్డను ప్రసవించాలని ప్రయత్నించిన ఓ మహిళ ప్రాణాలు కోల్పోయింది. ఈ క్రమంలో బిడ్డ ప్రాణాలు కూడా పోయాయి. ఈ ఘటనలో ఆమె భర్తను పోలీసులు అరెస్ట్ చేశారు. ఈ షాకింగ్‌ ఘటన కేరళలోని తిరువనంతపురంలో చోటు చేసుకుంది. షెమీరా బీవీ అనే మహిళకు ఇప్పటికే ముగ్గురు సంతానం. నాలుగోసారి గర్భం దాల్చిన షెమీరా 9 నెలలు నిండే వరకూ వైద్యులను సంప్రదించలేదు.
ఆన్‌లైన్‌లో చూస్తూ ఆక్యుపంక్చర్‌ వైద్యం ద్వారా ఇంట్లోనే బిడ్డను ప్రసవించాలని ప్రయత్నించిన ఓ మహిళ ప్రాణాలు కోల్పోయింది. ఈ క్రమంలో బిడ్డ ప్రాణాలు కూడా పోయాయి. ఈ ఘటనలో ఆమె భర్తను పోలీసులు అరెస్ట్ చేశారు. ఈ షాకింగ్‌ ఘటన కేరళలోని తిరువనంతపురంలో ఫిబ్రవరి 20 మంగళవారం నాడు చోటు చేసుకుంది. షెమీరా బీవీ అనే మహిళకు ఇప్పటికే ముగ్గురు సంతానం. నాలుగోసారి గర్భం దాల్చిన షెమీరా 9 నెలలు నిండే వరకూ వైద్యులను సంప్రదించలేదు. ఆక్యుపంక్చర్‌ నిపుణుడు ఇంటికే వచ్చి వైద్యం అందించేవాడు. తాజాగా ఆమెకు పురిటినొప్పులు వచ్చాయి. అయితే ఇంట్లోనే ఆక్యుపంక్చర్‌ వైద్యం ద్వారా బిడ్డకు జన్మనిచ్చేందుకు ఆమె ప్రయత్నించింది. నొప్పులతో తీవ్ర రక్తస్రావమై పరిస్థితి విషమించడంతో చివరకు ఆమెను ఓ ప్రైవేట్‌ ఆస్పత్రిలో చేర్పించారు. అక్కడ తల్లీబిడ్డా మరణించారు. ఈ వార్త బయటికి పొక్కడంతో స్థానిక కౌన్సిలర్, ఆశా కార్యకర్తలు పోలీసులకు ఫిర్యాదు చేశారు. నయాజ్‌ తన భార్యను వైద్యుడి వద్దకు తీసుకెళ్లేందుకు అనుమతించలేదని, ఆమెకు సరైన వైద్యం అందించలేదని ఆరోపించారు. ఆశా వర్కర్లు వారి ఇంట్లోకి వెళ్లేందుకు, కనీసం గర్భిణీతో మాట్లాండేకు కూడా నయాజ్‌ అనుమతించలేదని వార్డు కౌన్సిలర్ దీపిక పోలీసులకు తెలిపారు. అయినా ఓసారి ఎలాగోలా ఆమె ఇంట్లోకి వెళ్లి మాట్లాడగా, అది ఆమెకు నాలుగో గర్భం అని తెలుసుకున్నామన్నారు. అంతేకాకుండా గత ప్రసవాలన్నీ సిజేరియన్ ద్వారా జరిగాయని, ఆమెకు ఏ విధంగానూ నార్మల్‌ డెలివరీ అయ్యే అవకాశం లేదని తెలిపారు.
అయితే భర్త నయాజ్‌ మాత్రం భార్యకు సాధారణ ప్రసవం కావాలని, అందుకు యూట్యూబ్‌లో నార్మల్‌ డెలివరీకి సంబంధించిన వీడియోలు చూసేవాడని తెలిపారు. షెమీరాను ఇరుగుపొరుగువారితో మాట్లాడేందుకు సైతం అనుమతించేవాడు కాదని ఆరోపించారు. ఎవరైనా ఫోన్‌ చేసినా మాట్లాడటానికి ఆమె భయపడేది. గర్భిణీకి సరైన చికిత్స చేయించమని తాము అతనికి సలహా ఇచ్చినా.. ఆమె తన భార్య అని, ఆమె ఆరోగ్యం గురించి ఇతరులు ఆందోళన చెందాల్సిన అవసరం లేదంటూ కటువుగా సమాధానం చెప్పేవాడని ఇరుగుపొరుగు చెప్పారు. కేసు నమోదు చేసుకున్న పోలీసులు షెమీరా భర్త నయాజ్‌ను అరెస్ట్ చేశారు. ప్రస్తుతం తల్లి, బిడ్డ మృతికి కారణాలపై విచారణ జరుగుతోంది. వివరాలు సేకరించిన తర్వాత చట్టపరమైన చర్యలు తీసుకుంటామని రాష్ట్ర ఆరోగ్య శాఖ మంత్రి వీణా జార్జ్ తెలిపారు. ఈ ఘటనను హత్యానేరం కింద పరిగణిస్తామన్నారు.
మరిన్ని వీడియోస్ కోసం:
Videos
Allu Arjun: నేషనల్ అవార్డు విన్నర్స్.. ఈ అవార్డు ప్రైజ్‌ మనీ తెలిస్తే షాకవుతారు..!
Mahesh Babu: హాలీవుడ్‌ గడ్డపై మహేష్‌ దిమ్మతరిగే రికార్డ్.. సౌత్ లోనే ఒక్క మగాడిగా రికార్డు.
Viral Video: ప్రభుత్వ స్కూల్ టీచర్స్ ఓవర్ యాక్షన్.. నుదుట బొట్టు, తలలో పూలతో వచ్చారని శిక్ష..