Honey: తేనె అంటే వాంతేనా? అసలు నిజం తెలిస్తే షాక్ అవుతారు
చాలామంది తేనెను తేనెటీగల వాంతిగా భావిస్తారు, కానీ అది నిజం కాదు. తేనెటీగలకు మకరందం నిల్వ చేయడానికి ప్రత్యేకమైన హనీ స్టమక్ ఉంటుంది. ఇది జీర్ణ వ్యవస్థకు సంబంధం లేనిది. అవి పూల మకరందాన్ని సేకరించి, ఎంజైమ్‌లతో మార్చి, నీటిని ఆవిరి చేసి మనకు రుచికరమైన తేనెను అందిస్తాయి. ఇది ఒక అద్భుతమైన సహజ ప్రక్రియ.
మనం నిత్యం ఎంతో ఇష్టంగా తినే తేనె తయారీ వెనుక ఉన్న రహస్యం చాలామందికి తెలియదు. చాలాకాలంగా తేనెటీగలు వాంతి చేయడం వల్ల తేనె తయారవుతుందని నమ్ముతుంటారు. అయితే, ఈ వాదనలో ఏ మాత్రం నిజం లేదని నిపుణులు స్పష్టం చేస్తున్నారు. సైన్స్ చెబుతున్న అసలు వాస్తవం వింటే మీరు ఆశ్చర్యపోవడం ఖాయం. తేనెటీగలు తేనెను కేవలం తమ ఆకలి తీర్చుకోవడానికి మాత్రమే కాకుండా, పూలు పూయని శీతాకాలం కోసం ఆహారాన్ని నిల్వ చేసుకోవడానికి తయారు చేస్తాయి. మకరందాన్ని నోటి ద్వారా బయటికి కక్కుతాయి కాబట్టి అది వాంతి అని అనుమానం రావడం సహజం. అయితే, సైంటిఫిక్ రీసెర్చ్ ప్రకారం తేనెటీగలకు రెండు వేర్వేరు పొట్టలు ఉంటాయి. ఒకటి వాటి సొంత ఆహారాన్ని జీర్ణం చేసుకునే డైజెస్టివ్ స్టమక్ కాగా, మరొకటి కేవలం మకరందాన్ని భద్రపరిచే ప్రత్యేకమైన హనీ స్టమక్ లేదా క్రాప్. తేనెటీగలు పీల్చే మకరందం నేరుగా ఈ హనీ స్టమక్‌లోనే నిల్వ ఉంటుంది తప్ప, వాటి జీర్ణ వ్యవస్థలోకి వెళ్ళదు. కాబట్టి, ఇది జీర్ణమైన ఆహారం బయటికి రావడానికి జరిగే వాంతి కాదు. ఇది పూర్తిగా నియంత్రణలో ఉండి, కావాలని బయటికి పంపే రీగర్జిటేషన్ మాత్రమే. తేనెటీగలు హైవ్‌లోకి చేరాక మకరందాన్ని ఒకదాని నోటి నుండి మరొకటి పంచుకుంటాయి. ఈ ప్రక్రియలో లాలాజలంలోని ఎంజైమ్‌లు చక్కెరలను మారుస్తాయి. అనంతరం రెక్కలతో గాలిని విసురుతూ అదనపు నీటిని ఆవిరి చేస్తాయి. అలా తయారైన చిక్కటి ద్రవమే అసలైన తేనె. కనుక, తేనె వాంతి కాదు, అదొక అద్భుతమైన సహజ ఇంజనీరింగ్ అద్భుతం.
మరిన్ని వీడియోల కోసం ఇక్కడ క్లిక్ చేయండి
Also Watch:
యజమాని కోసం.. ఎనిమిదేళ్లుగా ఆసుపత్రిలోనే తిరుగుతున్న కోడిపుంజు!
రిటైర్‌మెంట్‌ జీవితానికి బెస్ట్ డెస్టినేషన్స్ ఇవే.. భారత్‌లో ఈ 9 నగరాలు టాప్!
కుక్కను చూసి చిరుత పరుగో.. పరుగు.. ఏం జరిగిందో మీరే చూడండి!
కోతుల బెడదకు చెక్.. బామ్మగారి ఐడియా అదిరిందిగా!
అత్తారింటికి దారేది? అయ్యో.. ఈ నవ వధువుకి ఎంత కష్టం వచ్చింది!