PM Modi: 76 ఏళ్ల వయసులో ఇంత యాక్టివ్ గా ఎలా? మోదీ హెల్త్ సీక్రెట్ ఇదే
ప్రధానమంత్రి నరేంద్ర మోదీ 76 ఏళ్ల వయసులోనూ అలుపెరగకుండా పనిచేయడానికి కారణం ఆయన క్రమశిక్షణతో కూడిన జీవనశైలి. నిత్యం యోగా, ధ్యానం, సాత్విక ఆహారం, సమయపాలన పాటిస్తారు. ప్రజల సమస్యలను నేరుగా తెలుసుకోవడం, దీర్ఘకాలిక విజన్తో పథకాలను అమలు చేయడంలో ఆయన అంకితభావం ప్రస్ఫుటంగా కనిపిస్తుంది.
భారత ప్రధానమంత్రి నరేంద్ర మోదీ 76వ వసంతంలోకి అడుగుపెడుతున్నప్పటికీ, ఆయన అంకితభావం, నిరంతర కార్యశీలత దేశ ప్రజలకు స్ఫూర్తిదాయకం. రోజుకు 16 నుంచి 18 గంటలు కష్టపడి పనిచేసే మోదీ, గుజరాత్ ముఖ్యమంత్రిగా, ఆ తర్వాత ప్రధానిగా ఒక్కరోజు కూడా సెలవు తీసుకోలేదు. ఈ అద్భుతమైన శక్తి సామర్థ్యాల వెనుక క్రమశిక్షణతో కూడిన జీవనశైలి ఉంది. మోదీ ప్రతిరోజు సూర్యోదయానికి ముందే నిద్రలేచి యోగాసనాలు, సూర్యనమస్కారాలు, ప్రాణాయామంతో తన దినచర్యను ప్రారంభిస్తారు. శారీరక దృఢత్వానికే కాక, మానసిక ప్రశాంతతకూ యోగాను ప్రధాన సాధనంగా భావిస్తారు. క్రమం తప్పకుండా చేసే ధ్యానం ఆయనలో ఏకాగ్రతను పెంచి, ఒత్తిడిలోనూ కీలక నిర్ణయాలు తీసుకునేందుకు తోడ్పడుతుంది. ఆయన ఆహార నియమాలు అత్యంత నిరాడంబరంగా, సాత్వికంగా ఉంటాయి. తక్కువ నూనె, మసాలాలు ఉండే గుజరాతీ వంటకాలు, కిచిడీని తీసుకుంటారు. పరిమితంగా, సమయానికి భోజనం చేయడం ఆయన ఫిట్నెస్లో కీలక భాగం. చాతుర్మాస కాలంలో రోజుకు ఒకసారి మాత్రమే ఆహారం తీసుకుంటారు. దసరా, చైత్ర నవరాత్రులలో ఉపవాసం ఉంటూ, కేవలం వేడినీరు లేదా ఒక పండుతో సరిపెట్టుకుంటారు. ఈ క్రమశిక్షణాయుతమైన అలవాట్లు, ప్రజా సేవ పట్ల అంకితభావమే 76 ఏళ్ల వయసులోనూ మోదీని ఉత్సాహంగా ముందుకు నడిపిస్తున్నాయి.
మరిన్ని వీడియోల కోసం ఇక్కడ క్లిక్ చేయండి
Also Watch:
Tirumala: తిరుమల వెళ్తున్నారా..? ఇది తెలియకపోతే ఇబ్బందులు తప్పవు
ఆంధ్రప్రదేశ్ మహిళలకు గుడ్న్యూస్.. ఇకపై గ్యాస్ సబ్సిడీ కోసం నో వెయిటింగ్!
ఇక..రేషన్ కార్డ్ ఉంటే చాలు.. ఏపీలో రెసిడెన్స్ సర్టిఫికెట్ కొత్త రూల్స్