జీతం పెరిగినా బ్యాంక్ బ్యాలెన్స్ పెరగటం లేదా..?
మీ సంపాదన రెట్టింపు అయినా మీ బ్యాంక్ బ్యాలెన్స్ పెరగడం లేదా? అయితే మీరు జీవనశైలి ద్రవ్యోల్బణం బారిన పడినట్లే. ఆదాయం పెరిగే కొద్దీ ఖర్చులు పెంచుకోవడం వల్ల ఆర్థిక ఇబ్బందుల్లో పడుతుంటాం. ఈ ఉచ్చు నుంచి బయటపడాలంటే, ముందుగా పొదుపు, పెట్టుబడులకు ప్రాధాన్యత ఇవ్వాలి, ఆ తర్వాతే మిగిలిన మొత్తాన్ని ఖర్చులకు కేటాయించాలి. నిజమైన సంపద, ఆర్థిక స్వేచ్ఛే విజయమని గుర్తించండి.
మీ సంపాదన రెట్టింపు అయినా మీ బ్యాంక్ బ్యాలెన్స్ పెరగడం లేదా? అయితే మీరు జీవనశైలి ద్రవ్యోల్బణం అనే ఆర్థిక ఉచ్చులో చిక్కుకున్నట్లేనని ఆర్థిక నిపుణులు హెచ్చరిస్తున్నారు. జీతం పెరిగిన కొద్దీ పెద్ద ఇల్లు, ఖరీదైన కార్లు, ట్రిప్స్, సబ్స్క్రిప్షన్ల పేరుతో ఖర్చులు కూడా విపరీతంగా పెరిగిపోవడాన్నే జీవనశైలి ద్రవ్యోల్బణం అంటారు. సాధారణ ద్రవ్యోల్బణం వల్ల వస్తువుల ధరలు పెరుగుతాయి. కానీ ఈ జీవనశైలి ద్రవ్యోల్బణంలో మనమే స్వయంగా మన ఖర్చులను పెంచుకొని ఆర్థికంగా చిక్కుల్లో పడుతుంటాం. పెట్టుబడుల గురించి తెలియకపోవడం కంటే, కొత్త ఫోన్ లేదా కారు కొనే ముందు గంటల తరబడి రీసెర్చ్ చేసే చాలామంది రిటైర్మెంట్ ప్లానింగ్ గురించి పట్టించుకోకపోవడం వంటి ప్రవర్తనాపరమైన పొరపాట్లే ఉద్యోగులకు ఎక్కువ నష్టాన్ని తెచ్చిపెడతాయి. ప్రతి శాలరీ హైక్తో ఈఎంఐలు పెరగడం, ఖరీదైన అద్దెలు, నెల చివరి దాకా చూసి మిగిలిన డబ్బును దాచుదాం అనుకోవడం వంటివి జీవనశైలి ద్రవ్యోల్బణం యొక్క ముఖ్యమైన హెచ్చరిక సంకేతాలు.