మల్లారెడ్డి సక్సెస్ వెనకున్న శక్తి ఎవరో తెలుసా..? TV9 పోడ్కాస్ట్లో మాజీ మంత్రి ఇంట్రెస్టింగ్ కామెంట్స్..
రాజకీయాల్లో తనదైన శైలిలో డైలాగులు విసురుతూ..కష్టపడ్డా.. పాలమ్మినా.. అంటూ అందరినీ అలరించే మల్లారెడ్డి, ఈసారి రాజకీయాల జోలికి వెళ్లకుండా తన వ్యక్తిగత జీవితంలోని మధుర జ్ఞాపకాలను పంచుకున్నారు. తన 50 ఏళ్ల సుదీర్ఘ వివాహ ప్రయాణాన్ని పురస్కరించుకుని, తన విజయాల వెనుక ఉన్న అసలు శక్తి ఎవరో వెల్లడించారు. ఈ విషయాలు ఇప్పుడు తెలుసుకుందాం..
నేను కష్టపడ్డా.. పాలమ్మినా.. కాలేజీలు పెట్టినా.. అంటూ తనదైన మేనరిజంతో అందరినీ అలరించే మల్లా రెడ్డి.. ఈసారి రాజకీయాల గురించి కాకుండా తన వ్యక్తిగత జీవితం గురించి మనసు విప్పి మాట్లాడారు. తన 50 ఏళ్ల సుదీర్ఘ వివాహ ప్రయాణాన్ని పురస్కరించుకుని TV9 పోడ్కాస్ట్లో ఇంట్రెస్టింగ్ విషయాలను పంచుకున్నారు. తాను ఈ రోజు ఈ స్థాయిలో ఉన్నానంటే దానికి కారణం తన సతీమణి కల్పన అని మల్లా రెడ్డి గర్వంగా చెప్పుకొచ్చారు. కష్టకాలంలో పాలు అమ్ముకున్న రోజుల్లో , ఆ తర్వాత విద్యా సంస్థలను నిర్మించే క్రమంలో ఆమె వెన్నుదన్నుగా నిలిచారని ఆయన వివరించారు. కుటుంబం నుంచి వచ్చిన ప్రోత్సాహం, ఆమె సహనమే తన విజయ రహస్యమని ఆయన భావోద్వేగానికి లోనయ్యారు.
సోషల్ మీడియాను షేక్ చేసిన మళ్లీ పెళ్లి
ఇటీవల మల్లా రెడ్డి తన గోల్డెన్ జూబ్లీ సెలబ్రేషన్స్ సందర్భంగా చేసిన మళ్ళీ పెళ్లి హడావుడి అందరినీ ఆశ్చర్యపరిచింది. అసలు ఈ ఐడియా ఎలా వచ్చింది? ఎందుకు చేయాల్సి వచ్చింది? అనే విషయాలపై ఆయన ఆసక్తికర కామెంట్స్ చేశారు. ఆ ముచ్చట్లన్నీ పైన వీడియోలో చూడండి..