గ్లామర్ సీక్రెట్ రివీల్ చేసిన రష్మిక
రష్మిక మందన్న టాలీవుడ్ అరంగేట్రం నుండి విజయ్ దేవరకొండతో వివాహం, రణబాలిలో నటన, అలాగే మైసాలో అండర్ వాటర్ యాక్షన్ సీన్ల వరకు తన ప్రయాణాన్ని పంచుకున్నారు. ఆమె తన గ్లామర్ రహస్యాన్ని కూడా వెల్లడించారు. గోరువెచ్చని కొబ్బరి నూనెను ముఖానికి, జుట్టుకు వాడటమే తన అమ్మమ్మ, అమ్మ నేర్పిన చిట్కా అని తెలిపారు.
టాలీవుడ్లో “చలో” సినిమాతో అడుగుపెట్టిన రష్మిక మందన్న, విజయ్ దేవరకొండను పెళ్లాడి తెలంగాణ కోడలిగా మారిపోయారు. ప్రస్తుతం ఆమె తన భర్త విజయ్తో కలిసి ముచ్చటగా మూడోసారి “రణబాలి” సినిమాలో నటిస్తున్నారు. ఈ చిత్రం షూటింగ్ ఇటీవల పూర్తయింది. ఈ సందర్భంగా రష్మిక తన వ్యక్తిగత జీవితం, సినీ విశేషాలతో పాటు తన అద్భుతమైన గ్లామర్ వెనుక ఉన్న అసలు రహస్యాన్ని వెల్లడించారు. “రణబాలి” విజయ్ దేవరకొండ, రష్మిక మందన పెళ్లి తర్వాత కలిసి నటిస్తున్న మొదటి సినిమా కావడంతో దీనిపై భారీ అంచనాలు నెలకొన్నాయి. ఇటీవల ఒక ఇంటర్వ్యూలో, రష్మిక తన వర్క్ లైఫ్ గురించి ఆసక్తికరమైన వ్యాఖ్యలు చేశారు.ప్రస్తుతం రష్మిక యాక్షన్ థ్రిల్లర్ మూవీ “మైసా” షూటింగ్లో పాల్గొంటున్నారు. ఈ సినిమా కోసం ఆమె స్పెషల్ ట్రైనింగ్ తీసుకున్నారు. “మైసా”లో ఆమె ఒక అండర్ వాటర్ యాక్షన్ సీన్లో నటించి, ఏషియాలోనే ఇలాంటి రిస్కీ అండర్ వాటర్ యాక్షన్ సీన్ చేసిన మొదటి మహిళా నటిగా రికార్డ్ సృష్టించారు.