పెరగనున్న స్మార్ట్‌ఫోన్‌, ల్యాప్‌టాప్‌, టీవీల ధరలు!

కొత్త స్మార్ట్‌ఫోన్, ల్యాప్‌టాప్, టీవీ కొనాలనుకునే వారికి బ్యాడ్ న్యూస్. అంతర్జాతీయంగా నెలకొన్న తీవ్రమైన మెమరీ చిప్‌ల కొరత కారణంగా ఎలక్ట్రానిక్ వస్తువుల ధరలు భారీగా పెరగనున్నాయి. ఆర్టిఫిషియల్ ఇంటెలిజెన్స్ రంగంలో పెరిగిన డిమాండ్‌తో చిప్ తయారీ కంపెనీలు తమ ఉత్పత్తిని అటువైపు మళ్లించడమే ఈ సంక్షోభానికి ప్రధాన కారణంగా తెలుస్తోంది. దీంతో సాధారణ వినియోగదారుల కోసం ఉత్పత్తి చేసే గ్యాడ్జెట్లపై తీవ్ర ప్రభావం పడుతోంది. ప్రపంచవ్యాప్తంగా ఏఐ డేటా సెంటర్ల నిర్మాణం ఊపందుకోవడంతో శాంసంగ్, ఎస్‌కే హైనిక్స్ వంటి ప్రధాన కంపెనీలు అధిక లాభాలనిచ్చే హై-బ్యాండ్‌విడ్త్ మెమరీ (HBM) చిప్‌ల తయారీకి ప్రాధాన్యం ఇస్తున్నాయి. ఫలితంగా, స్మార్ట్‌ఫోన్లు, ల్యాప్‌టాప్‌లలో వాడే డీ-ర్యామ్ (DRAM), నాండ్ (NAND) ఫ్లాష్ మెమరీ చిప్‌లకు కొరత ఏర్పడింది. ఇప్పటికే కొన్ని రకాల చిప్‌ల ధరలు 60 శాతం వరకు పెరిగాయి. రాబోయే రెండు నెలల్లో స్మార్ట్‌ఫోన్లు, టీవీలు, ల్యాప్‌టాప్‌ల ధరలు 4 నుంచి 8 శాతం వరకు పెరగవచ్చని మార్కెట్ వర్గాలు అంచనా వేస్తున్నాయి. ఈ ప్రభావం ఇప్పటికే భారత మార్కెట్‌పైనా పడింది. కొన్ని కంపెనీలు తమ ఫోన్ల ధరలను రూ.3,000 నుంచి రూ.5,000 వరకు పెంచాయి. ఈ ధరల పెరుగుదల వల్ల 2026లో అమ్మకాలు 10 నుంచి 12 శాతం వరకు తగ్గొచ్చని ఆల్ ఇండియా మొబైల్ రిటైలర్స్ అసోసియేషన్ (AIMRA) తెలిపింది. మరోవైపు, ఖర్చు తగ్గించుకునేందుకు కంపెనీలు డిస్‌ప్లే వంటి ఇతర భాగాల నాణ్యతలో రాజీ పడే అవకాశం ఉందని నిపుణులు హెచ్చరిస్తున్నారు. కొత్తగా తయారీ ప్లాంట్లు అందుబాటులోకి వచ్చే వరకు అంటే 2027 వరకు ఈ కొరత కొనసాగే అవకాశం ఉందని అంచనా వేస్తున్నారు.

మరిన్ని వీడియోల కోసం ఇక్కడ క్లిక్ చేయండి

Also Watch:

గొర్రె రక్తానికి అంత పవర్ ఉందా.. అసలు నిజాలు తెలిస్తే షాకవుతారు

ఎండు చేపలను ఇష్టంగా తింటున్నారా.. డేంజర్‌ సుమా

Deepika Padukone: 40 ఏళ్లలో ఫిట్‌గా దీపిక.. రోజూ భోజనంలో ఇవి ఉండాల్సిందే

జుట్టు రాలిపోతోందా.. ఈ డ్రింక్‌ ట్రై చేయండి.. ఒత్తైన జుట్టు మీ సొంతం

ఎముకలకు పుష్టినిచ్చే ఆహారాలు ఇవే