Breaking News
  • దిశ నిందితుల ఎన్‌కౌంటర్‌పై మహిళా సంఘాల అభ్యంతరం. ఎన్‌కౌంటర్‌కు వ్యతిరేకంగా హైకోర్టుకు లేఖ రాసిన మహిళా సంఘాలు. కస్టడీలో ఉన్న నిందితులను ఎలా ఎన్‌కౌంటర్‌ చేస్తారని లేఖ. కోర్టులో కేసు నడుస్తుండగా చట్టాన్ని ఎలా చేతుల్లోకి తీసుకుంటారు. ఎన్‌కౌంటర్‌ చేసిన వారిపై చర్యలు తీసుకునేలా డీజీపీని ఆదేశించాలి. మృత దేహాలకు ఫోరెన్సిక్‌ నిపుణులతో పోస్టుమార్టం చేయించాలి. పోస్టుమార్టం వీడియో తీయించాలి-లేఖలో మహిళా సంఘాలు. హైకోర్టు చీఫ్‌ జస్టిస్‌ అందుబాటులో లేకపోవడంతో సోమవారం విచారిస్తామన్న హైకోర్టు.
  • కేంద్రీయ సైనిక్‌ బోర్డ్‌కు పవన్‌కల్యాణ్‌ విరాళం. కోటి రూపాయలు విరాళం ప్రకటించిన పవన్‌కల్యాణ్‌. స్వయంగా ఢిల్లీ వెళ్లి డీడీ అందిస్తా-పవన్‌కల్యాణ్‌.
  • ఎన్‌కౌంటర్లు సమస్యకు పరిష్కారం కాదు-ట్విట్టర్‌లో ఆర్జీవీ. సమాజంలో ఉద్రేకాలను తగ్గించేందుకు ఎన్‌కౌంటర్లు దోహదం చేయొచ్చు-ట్విట్టర్‌లో రామ్‌గోపాల్‌వర్మ.
  • తూ.గో: ఆంధ్రా పాలిటెక్నిక్‌ కాలేజ్‌లో విద్యార్థులపై దాడి. విద్యార్థులపై దాడి చేసిన బయటి వ్యక్తులు. ఇద్దరు విద్యార్థులకు గాయాలు పోలీసులకు ఫిర్యాదు, కేసు నమోదు.
  • గుంటూరు: పిడుగురాళ్ల సబ్‌ రిజిస్ట్రార్‌ కార్యాలయంలో ఏసీబీ తనిఖీలు. లెక్కలు చూపని రూ.56,700 స్వాధీనం, కేసు నమోదు.
  • ధరల నియంత్రణలో ప్రభుత్వం విఫలమైంది-చంద్రబాబు ట్వీట్‌. ఉల్లి ధరలతో జనం అల్లాడుతుంటే దేశమంతా ధరలు పెరిగాయని వైసీపీ మంత్రులు చెప్పడం హాస్యాస్పదం-ట్విట్టర్‌లో చంద్రబాబు. ఆరు నెలల్లోనే రాష్ట్రాన్ని దళారుల రాజ్యంగా మార్చారు. ఒక్క ఉల్లి మాత్రమే కాదు.. నిత్యావసరాల ధరలన్నీ చుక్కలనంటాయి. రూ.5 వేల కోట్లతో ధరల స్థిరీకరణ నిధి అన్నారు.. ఏమైంది. ఉల్లి కోస్తే వచ్చే కన్నీళ్లు.. ఉల్లిని కొంటున్నప్పుడే వస్తున్నాయి. ఉల్లి ధరల తడాఖా ఏంటో స్థానిక సంస్థల్లో మహిళలు చూపిస్తారు -ట్విట్టర్‌లో చంద్రబాబు
  • మహబూబ్‌నగర్‌: దిశ నిందితుల మృతదేహాలకు పోస్ట్‌మార్టం పూర్తి. రాత్రికి మహబూబ్‌నగర్‌ ప్రభుత్వాస్పత్రిలోనే నిందితుల మృతదేహాలు. రేపు మహబూబ్‌నగర్ ఆస్పత్రికి వెళ్లనున్న ఎన్‌హెచ్ఆర్సీ ప్రతినిధులు. ఎన్‌హెచ్‌ఆర్సీ ప్రతినిధుల బృందం పరిశీలించిన తర్వాతే నిందితుల మృతదేహాలకు అంత్యక్రియలు. మహబూబ్‌నగర్‌ ప్రభుత్వాస్పత్రి దగ్గర భారీగా పోలీస్‌ బందోబస్తు.

బిగ్ బ్రేకింగ్: టిఆర్ఎస్ ఎమ్మెల్యే భారత పౌరసత్వం రద్దు

union home ministry shocks trs, బిగ్ బ్రేకింగ్: టిఆర్ఎస్ ఎమ్మెల్యే భారత పౌరసత్వం రద్దు

టిఆర్ఎస్ పార్టీకి చెందిన వేములవాడ ఎమ్మెల్యే చెన్నమనేని రమేశ్‌కు కేంద్ర హోం శాఖ విచారణలో చుక్కెదురైంది. డ్యూయల్ సిటిజెన్‌షిప్ కలిగి వున్న చెన్నమనేని మన దేశంలో జరిగే ఎన్నికల్లో పోటీకి అనర్హుడంటూ ఆయనపై పోటీ చేసి ఓటమి పాలైన కాంగ్రెస్ పార్టీ నేత ఆది శ్రీనివాస్ దాఖలు చేసిన పిటిషన్‌ను విచారించిన సుప్రీంకోర్టు గతంలోనే రమేశ్‌ భారత పౌరసత్వం చెల్లదని తీర్పునిచ్చింది. దానిపై రివ్యూకు వెళ్ళిన రమేశ్ కేసును కేంద్ర హోం శాఖ సుదీర్ఘ కాలం పరిశీలించింది. బుధవారం కేంద్ర హోం శాఖ తన నిర్ణయాన్ని వెల్లడించింది. చెన్నమనేని రమేశ్ భారత పౌరసత్వాన్ని రద్దు చేసింది.

జర్మనీలో సెటిలైన చెన్నమనేని రమేశ్.. 2009 అసెంబ్లీ ఎన్నికల్లో పోటీ చేసేందుకు తప్పుడు పత్రాలతో భారత దేశ పౌరసత్వం పొందాడన్నది ఆయనపై ప్రధానమైన ఆరోపణ. 1955 భారత పౌరసత్వ చట్టం ప్రకారం విదేశాల్లో సెటిలైన భారతీయులు తిరిగి మనదేశ పౌరసత్వం పొందాలంటే ఇక్కడ కనీసం ఒక సంవత్సరం పాటు నివాసం వున్నట్లుగా ధృవీకరణ పత్రాలు సమర్పించాల్సి వుంటుంది. అయితే.. 2009 ఎన్నికలకు ముందు కేవలం 96 రోజులు మాత్రమే మనదేశంలో వున్న చెన్నమనేని రమేశ్.. ఒక సంవత్సరం పాటు ఇక్కడ వున్నట్లు తప్పుడు పత్రాలు సమర్పించారు.

ఈ పత్రాలను, రమేశ్ భారతీయ పౌరసత్వాన్ని వేములవాడ నుంచి పోటీ చేసి ఓటమి పాలైన ఆది శ్రీనివాస్ అప్పట్లోనే సవాల్ చేశారు. ఉమ్మడి రాష్ట్రంలోని హైకోర్టు కేసును విచారించి రమేశ్ పౌరసత్వం చెల్లదని తీర్పు చెప్పింది. హైకోర్టు తీర్పుపై రమేశ్ సుప్రీంకోర్టును ఆశ్రయించారు. అక్కడా ఆయనకు చుక్కెదురైంది. 2017 డిసెంబర్ 17న రమేశ్ పౌరసత్వం చెల్లదని అత్యున్నత న్యాయస్థానం ప్రకటించింది. అయితే.. సుప్రీంకోర్టు తీర్పుపై రమేశ్ రివ్యూ పిటిషన్ దాఖలు చేశారు. ప్రజాప్రతినిధిగా తానిక్కడ చేసిన సేవలను కూడా పరిగణనలోకి తీసుకోవాలని కోరారు రమేశ్.

రమేశ్ దాఖలు చేసిన రివ్యూ పిటిషన్‌ను సుప్రీంకోర్టు కేంద్ర హోం శాఖకు రెఫర్ చేసింది. పత్రాలను పరిశీలించి, తగిన నిర్ణయం తీసుకోవాలని సుప్రీం ఆదేశించింది. దాంతో గత నాలుగు నెలలుగా కేంద్ర హోంశాఖాధికారులు రమేశ్ సమర్పించిన పత్రాలను పున:పరిశీలించారు. బుధవారం కేంద్ర హోంశాఖ నిర్ణయం తీసుకుంది. రమేశ్ పౌరసత్వం చెల్లదని తేల్చి చెప్పింది. దాంతో రమేశ్ ఎన్నిక కూడా రద్దయ్యే పరిస్థితి తలెత్తింది.

అయితే.. రమేశ్ ఎమ్మెల్యే పదవికి అనర్హుడైనందున ఇప్పుడు వేములవాడ నియోజకవర్గానికి ఉప ఎన్నిక నిర్వహిస్తారా లేక గత ఎన్నికల్లో రెండో స్థానంలో నిలిచిన వ్యక్తిని ఎమ్మెల్యేగా ప్రకటిస్తారా అన్నది ఆసక్తిగా మారింది.