Video: తిక్క కుదిరిందా? పది అడుగుల పాముతో ఏంటా పరాచకాలు
రీల్స్ పిచ్చిలో పడి యువత ప్రాణాలు లెక్కచేయకుండా ప్రమాదకర పనులు చేస్తున్నారు. తాజాగా, ఓ యువకుడు విష సర్పంతో రీల్ తీసే ప్రయత్నంలో పాము కాటుకు గురయ్యాడు. ఇలాంటి మతిలేని సాహసాలు ప్రాణాలను తీయగలవు. సోషల్ మీడియాలో వైరల్ అవ్వాలనే తపనలో భద్రతను విస్మరించడం తీవ్ర పరిణామాలకు దారితీస్తుందని ఈ ఘటన స్పష్టం చేస్తుంది.
చాలా మంది రీల్స్ పిచ్చిలో పడి పిచ్చి పిచ్చి పనులన్నీ చేస్తున్నారు. ఒకడు రైలుకు ఎదురెళ్తున్నాడు, ఇంకొకడు కొండ మీద నుంచి దూకేస్తున్నాడు, మరొకడు ర్యాష్ డ్రైవింగ్తో రోత పుట్టిస్తున్నాడు. ఈ రీల్స్ పిచ్చితో ప్రాణాలంటే లెక్కలేకుండా ఉన్నారు. తాజాగా ఓ యువకుడు కూడా అలాంటి మతిలేని పనితో ప్రాణాల మీదకు తెచ్చుకున్నాడు. ఒక పెద్ద దాదాపు పది అడుగులు ఉన్న విషపూరిత పామును పట్టుకొని గాల్లోకి లేపుతూ రీల్ షూట్ చేసేందుకు రెడీ అయ్యాడు.
మీరు కూడా ఆ వీడియో చూసేయండి..
అనుకున్నట్లే పెద్ద పామును పట్టుకొని గాల్లోకి లేపుతూ మరో వైపు ఫొటో పెట్టుకున్నాడు. కానీ విషజీవి ఊరుకుంటుందా? వీడు నన్నేదో చేసేలా ఉన్నాడని భయపడిందో ఏమో కానీ దాని సహజ గుణం చూపించింది. తనను పట్టుకున్న ఆ యువకుడి చెంపపై కస్సు కాటేసింది. అంతే.. దెబ్బకు షాక్ తిన్న యువకుడు ఆ పామును విసిరేస్తూ ప్రాణభయంతో పరిగెత్తాడు. అయితే పాముతో రీల్ చేసి వైరల్ అవుదాం అనుకున్నవాడు.. ప్రాణాలు కాపాడుకునేందుకు ఆస్పత్రికి పరుగులు తీశాడు. ప్రస్తుతం పాము కాటేసిన ఈ వీడియో వైరల్ అవుతోంది. ఈ వీడియో chitransh_bhai_2.0 అనే ఇన్స్టా అకౌంట్లో పోస్ట్ అయి ఉంది. ఆ అకౌంట్ చెక్ చేయగా.. అతను పాములు, ఇతర బల్లి జాతి జంతువులను పట్టుకుంటూ వాటితో రీల్స్ తీసుకుంటూ ఉంటాడనే విషయం తెలుస్తోంది.
మరిన్ని ట్రెండింగ్ వార్తల కోసం ఇక్కడ క్లిక్ చేయండి