Viral Video: ఈ వ్యక్తిని చూడండి.. 10 మందిని ఎక్కించుకొని ఎలా బైక్ నడుపుతున్నాడో..!
ప్రస్తుతం ఇంటర్నెట్ లో ఒక వీడియో చాలా వైరల్ అవుతోంది. ఈ వీడియోలో ఒక వ్యక్తి తన కుటుంబంతో కలిసి బైక్ పై వెళ్తున్న తీరు చూసి అందరూ ఆశ్చర్యపోతున్నారు. ఇది సాధారణంగా జరిగే విషయం కాదు. పంజాబ్ లో జరిగిన ఈ సంఘటన ఇప్పుడు ప్రపంచవ్యాప్తంగా చర్చనీయాంశమైంది.
వీడియోను చూస్తే.. బైక్ ను ఒక వ్యక్తి నడుపుతున్నాడు. అతని పక్కన ఇద్దరు మహిళలు ఒక చిన్నారి కూర్చున్నారు. అంటే బైక్ సీటుపై ఇప్పటికే నలుగురు ఉన్నారు. కానీ ఆశ్చర్యకరమైన విషయం ఏమిటంటే.. బైక్ వెనుక భాగంలో ఇంట్లోనే తయారు చేసుకున్న ఒక చిన్న ట్రాలీని కలిపారు. ఈ ట్రాలీలో మరో ఆరుగురు చిన్న పిల్లలు కూర్చుని ప్రయాణిస్తున్నారు. మొత్తం 10 మంది ఒకే బైక్ పై ప్రయాణించడం నిజంగా ప్రమాదకరం. వీడియోలో వారంతా చాలా ధైర్యంగా కనిపిస్తున్నారు.
ఈ ఘటనను ఒక ఆటోలో ఉన్న ప్రయాణికుడు తన మొబైల్ ఫోన్ లో రికార్డు చేసి సోషల్ మీడియాలో పోస్ట్ చేశాడు. soo_funny_memes అనే ఇన్ స్టాగ్రామ్ ఖాతా ఈ వీడియోను షేర్ చేసింది. అప్పటి నుంచి ఈ వీడియోకు చాలా రెస్పాన్స్ వస్తోంది. వేల మంది ఈ వీడియోను చూసి తమ అభిప్రాయాలను చెబుతున్నారు.
ఈ వీడియోపై కొంతమంది నెటిజన్లు కోపం వ్యక్తం చేస్తున్నారు. ఇలాంటి తల్లిదండ్రులపై చర్యలు తీసుకోవాలి. పిల్లల ప్రాణాలను ఇంత ప్రమాదంలోకి నెట్టడం బాధ్యత లేకపోవడమే అని కొందరు అన్నారు. ఇంకొందరు వ్యాఖ్యానిస్తూ ఇలాంటి దృశ్యాలు ఇప్పుడు తప్పా ఇంకెక్కడా చూడలేం అని అభిప్రాయపడ్డారు.
కొంతమంది మాత్రం ఈ పనిని తెలివైనదిగా భావిస్తూ.. దేశీయ పరిష్కారాలు అవసరాన్ని తీరుస్తాయి అని పొగిడారు. కానీ ట్రాఫిక్ నిపుణులు మాత్రం దీనిని చాలా ప్రమాదకరంగా చెబుతున్నారు. ఇలాంటి ప్రయాణాలు చిన్నపిల్లల ప్రాణాలకే ప్రమాదం తెచ్చిపెట్టవచ్చని వారు హెచ్చరిస్తున్నారు.
పిల్లలతో పాటు ఈ రకమైన ప్రయాణం రోడ్డుపై ఇతర ప్రయాణికులకూ ప్రమాదం కలిగించవచ్చు. ఈ వీడియో మొదట చూస్తే నవ్వొచ్చు. కానీ దీని వెనక ఉన్న అసలు సమస్యను బట్టి చూస్తే ఇది బయపెట్టే అంశమే. ఇది స్పష్టంగా రోడ్డు భద్రత నిబంధనలకు వ్యతిరేకంగా ఉండటమే కాకుండా.. పిల్లలపై తల్లిదండ్రుల బాధ్యతలపై ప్రశ్నలు పెంచుతోంది.
ఇలాంటి ఘటనలపై సంబంధిత అధికారులు సీరియస్ గా స్పందించి.. అవసరమైన చర్యలు తీసుకోవడం ముఖ్యం. కేవలం వైరల్ వీడియోగా కాకుండా.. ఇది ప్రజల్లో అవగాహన కలిగించే విషయంగా మారాలి.