Watch: ముసలోడా మజాకా..! కత్తితో పొడిచేస్తానంటూ.. ట్రాఫిక్ పోలీస్‌కు స్ట్రాంగ్‌ వార్నింగ్..

Will Stab A Knife In Your Stomach

వాహనానికి చలాన్ వేయడంతో ఓ వృద్ధుడు రెచ్చిపోయాడు. ట్రాఫిక్ పోలీసును బహిరంగంగా బెదిరించాడు. ఉత్తరప్రదేశ్‌లోని సంభాల్ జిల్లా చందౌసి కొత్వాలి ప్రాంతంలో ఈ ఘటన చోటుచేసుకుంది. హెల్మెట్ ధరించకపోవడంతో ఓ ట్రాఫిక్ పోలీస్ సదరు బైక్‌కి చలాన్ వేశాడు. చలాన్ అందుకున్న వృద్ధుడు ట్రాఫిక్ అధికారిని బెదిరిస్తూ ‘ఇంకెప్పుడైనా నా వాహనాన్ని ఆపివేస్తే, నేను కత్తితో వచ్చి నిన్ను పొడుస్తాను’ అన్నాడు. ఈ ఘటన అనంతరం పోలీసులు అతడిని అరెస్ట్ చేశారు.

సంభాల్ జిల్లాలోని చందౌసి కొత్వాలి ప్రాంతంలో జరిగిన గొడవలో ఓ వృద్ధుడు ట్రాఫిక్ పోలీసు అధికారిని బెదిరిస్తున్న దృశ్యాలు సోషల్ మీడియాలో చక్కర్లు కొడుతున్నాయి. మంగళవారం రోజున విధుల్లో భాగంగా ట్రాఫిక్ పోలీసులు వాహనాల చెకింగ్‌ నిర్వహిస్తున్నారు. నిబంధనలు ఉల్లంఘించిన వారిపై చలాన్‌ విధించారు. ఈ క్రమంలోనే ఓ వృద్ధుడికి ట్రాఫిక్‌ పోలీస్‌కి మధ్య వాగ్వాదానికి దారితీసింది.

ఈ వీడియో చూడండి..

వైరల్ వీడియోలో వృద్ధుడు ట్రాఫిక్ అధికారిని బెదిరిస్తూ, ఇంకెప్పుడైనా నా వాహనాన్ని ఆపివేస్తే నేను కత్తితో వచ్చి నిన్ను పొడుస్తాను అని బెదిరింపులకు దిగాడు. అదే సమయంలో, ట్రాఫిక్ పోలీసు తన మొబైల్ ఫోన్‌లో ఘర్షణ మొత్తాన్ని రికార్డ్‌ చేశాడు.  వీడియో ప్రస్తుతం నెట్టింట వైరల్ గా మారింది.

మరిన్ని ట్రెండింగ్ వార్తల కోసం క్లిక్ చేయండి..