రోజుకి 2.5 కిలోల మాంసం తినే ప్రపంచంలోనే అతి భయంకరమైన బాడీబిల్డర్ మృతి.. కారణం ఇదేనట..!
తాను రోజుకు 16,500 కేలరీల ఆహారాన్ని తీసుకుంటానని, ఇందులో 2.5 కిలోల మాంసం కూడా ఉంటుందని గతంలో ఇల్లియా చెప్పాడు. రోజుకు ఏడు సార్లు తింటానని చెప్పాడు.. 6 అడుగులకు పైగా పొడువు ఉండే అతని బరువు దాదాపు 155 కిలోలు.
ప్రపంచంలోనే అతి భయంకరమైన బాడీబిల్డర్‌గా పేరొందిన వ్యక్తి అతి చిన్న వయసులోనే కన్నుమూశాడు. బెలారస్‌కు చెందిన బాడీ బిల్డర్‌ ఇల్లియా యెఫిమ్ చిక్ 36 ఏళ్ల వయసులో చనిపోయాడు. ఆరు అడుగుల ఎత్తు, భయంకరమైన శరీర ఆకృతితో ప్రసిద్ధి చెందిన యోఫిమ్‌ చిక్ గుండెపోటుతో మృతిచెందినట్టుగా తెలిసింది. ఇటీవల గుండెపోటుకు గురైన అతను ఆ తరువాత కోమాలోకి వెళ్లి కొద్దిరోజులకు మృతి చెందినట్లు సమాచారం.
తాను రోజుకు 16,500 కేలరీల ఆహారాన్ని తీసుకుంటానని, ఇందులో 2.5 కిలోల మాంసం కూడా ఉంటుందని గతంలో ఇల్లియా చెప్పాడు. రోజుకు ఏడు సార్లు తింటానని చెప్పాడు.. 6 అడుగులకు పైగా పొడువు ఉండే అతని బరువు దాదాపు 155 కిలోలు.
సెప్టెంబరు 6, 2024న యెఫిమ్‌చిక్‌కి ఇంట్లోనే గుండెపోటు వచ్చిందని తెలిసింది. కుటుంబ సభ్యులు వెంటనే అతనికి సీపీఆర్‌ చేశారు. హుటాహుటిన విమానంలో ఆస్పత్రికి తరలించారు. కానీ, అప్పటికే అతడికి బ్రెయిన్‌ డెడ్‌ అయినట్టుగా వైద్యులు వెల్లడించారు. ఈ క్రమంలోనే కోమాలోకి వెళ్లిన యోఫిమ్‌ చిక్ ఇటీవలే తుదిశ్వాస విడిచినట్టుగా తెలిసింది.
మరిన్ని ట్రెండింగ్ న్యూస్ కోసం క్లిక్ చేయండి..