Viral Video: కిడ్నీ దానంతో మిగిలిన ప్రాణం.. దాత ఎవరో తెలిసి అతడి గుండె చెరువయ్యింది

Kidney Donor

తండ్రీకూతుళ్ల బంధం చాలా మధురమైనది. ఒక తండ్రి ఎప్పుడూ తన కొడుకు కంటే తన కూతుర్ని ఎక్కువగా ప్రేమిస్తాడు. అలాంటి తండ్రీకూతుళ్ల అనుబంధానికి నిదర్శనంగా నిలుస్తున్న ఒక మంచి మంచి ఉదాహరణ . కిడ్నీ ఫెయిల్యూర్‌తో బాధపడుతున్న తన తండ్రికి ఓ కూతురు కిడ్నీ దానం చేసింది. తన కూతురు తనకు ప్రాణం పోస్తోందని తెలిసి ఆస్పత్రిలో విలపిస్తున్న తండ్రి వీడియో ఒకటి సోషల్ మీడియాలో వైరల్‌ అవుతోంది. ఫిబ్రవరి 27న ట్విట్టర్‌లో పోస్ట్ చేసిన ఈ వీడియో రెండు మిలియన్లకు పైగా వీక్షణలను సంపాదించుకుంది. అంతేకాకుండా ఇది మనసుకు హత్తుకునే సన్నివేశమని పలువురు నెటిజన్లు కామెంట్‌ చేశారు.

తన కూతురిని చూడగానే, ఆ వ్యక్తి తీవ్ర భావోద్వేగానికి గురవుతాడు. తనకు కిడ్నీ దానం చేసి పునర్‌ జన్మనిస్తుంది తన కూతురే అని తెలిసి ఆ తండ్రి కన్నీటి పర్యాంతమవుతున్నాడు. తండ్రి ఆవేదన చూసిన ఆ కూతురు తన తండ్రిని ఓదార్చడానికి చిరునవ్వుతో సమాధానం ఇవ్వడం వీడియోలో కనిపిస్తుంది.

నేను చాలా దురదృష్టవంతుడిని, నాకు కిడ్నీ దానం చేసిన వ్యక్తి ఎవరో కనుక్కోలేకపోయాను అంటూ ఆ తండ్రి కన్నీళ్లు పెట్టుకున్నాడు. ఇక ఈ వీడియో చూసిన చాలా మంది నెటిజన్లు సైతం స్పందించారు. ఇది నిజంగా కంటతడి పెట్టించే సన్నివేశం అంటున్నారు. ఆ కూతురు తన తండ్రిపై ఉన్న ప్రేమను ఈ విధంగా చాటుతోందంటూ పలువురు కామెంట్‌ చేశారు. వ్యాఖ్యానించారు.

మరిన్ని ట్రెండింగ్ న్యూస్ కోసం..