బాబోయ్.. మీరు ఎన్నడూ చూసి ఉండరు.. రక్త పింజర పాముల సయ్యాట..
రస్సెల్ వైపర్లుగా గుర్తించిన రెండు అత్యంత విషపూరిత పాములు ఒకదానికొకటి పెనవేసుకుని సయ్యాట ఆడినట్లు కనిపించిన అరుదైన దృశ్యం స్థానికులను ఆశ్చర్యానికి గురిచేసింది. నిపుణుల ప్రకారం ఇది సంభోగ కాలంలో మగ పాముల మధ్య జరిగే ఆధిపత్య పోరాటం. దూరం నుంచి నృత్యంలా కనిపించిన ఈ సహజ విన్యాసాన్ని పలువురు తమ మొబైల్ ఫోన్లలో బంధించారు.
పామును చూస్తేనే చాలా మంది భయపడిపోతారు. అలాంటిది ఒకేసారి రెండు రక్త పింజర పాములు ఎదురెదురుగా నిలబడి, ఒకదానికొకటి పెనవేసుకుని సయ్యాట ఆడుతున్నట్లు కనిపిస్తే.. ఆ దృశ్యం ఎంత ఆసక్తికరంగా, భయానకంగా ఉంటుందో ఊహించవచ్చు. తాజాగా రెండు రస్సెల్ వైపర్(రక్త పింజర) పాములు చేసిన విన్యాసం స్థానికులను ఆశ్చర్యానికి గురి చేసింది.
మొదట చూసిన వారికి అవి పోట్లాడుతున్నాయా..? లేక జతకట్టే ప్రయత్నంలో ఉన్నాయా..? అన్న సందేహం కలిగింది. అయితే నిపుణుల ప్రకారం ఇలాంటి దృశ్యాలు ఎక్కువగా సంభోగ కాలంలో కనిపిస్తాయి. ఆడ పాముపై ఆధిపత్యం సాధించేందుకు రెండు మగ పాములు ఒకదానికొకటి చుట్టుకుంటూ పైకి లేస్తాయి. ఈ ప్రక్రియను “కాంబాట్ డ్యాన్స్” అని పిలుస్తారు.
ప్రపంచంలో అత్యంత ప్రమాదకరమైన విషపాముల్లో ఒకటైన రస్సెల్ వైపర్ సాధారణంగా ఒంటరిగా సంచరిస్తుంది. కానీ సంభోగ కాలంలో మాత్రం ఇలాంటి అరుదైన దృశ్యాలు కనిపిస్తుంటాయి. ఈ సమయంలో అవి ఒకదానిపై మరొకటి పైచేయి సాధించేందుకు ప్రయత్నిస్తాయి. దూరం నుంచి చూస్తే ఇది నృత్యంలా అనిపించినా, వాస్తవానికి ఇది బలం, ఆధిపత్యానికి సంబంధించిన పోటీ. ఈ దృశ్యాన్ని చూసిన స్థానికులు వెంటనే మొబైల్ ఫోన్లలో చిత్రీకరించారు. కొన్ని నిమిషాల పాటు కొనసాగిన ఈ సహజ ప్రకృతి విన్యాసం అందరినీ ఆకట్టుకుంది.
అయితే నిపుణులు హెచ్చరిస్తున్న విషయం ఒక్కటే. రస్సెల్ వైపర్ అత్యంత విషపూరితమైన పాము. ఇలాంటి దృశ్యాలు కనిపించినప్పుడు దగ్గరకు వెళ్లడం, వాటిని రెచ్చగొట్టడం, వీడియో కోసం మరీ సమీపానికి చేరడం ప్రమాదకరం. సురక్షిత దూరం పాటిస్తూ మాత్రమే వీక్షించాలని సూచిస్తున్నారు. ప్రకృతి ప్రపంచంలో అరుదుగా కనిపించే ఈ “రక్త పింజర పాముల సయ్యాట” నెట్టింట వైరల్గా మారింది.
