పాకిస్తాన్లో దోసె రేటు వింటే షాక్ అవుతారు.. వైరల్ వీడియోలో బయటపడిన నిజం!
ప్రస్తుతం సోషల్ మీడియాలో ఫుడ్ వ్లాగింగ్ వీడియోలు విపరీతమైన ఆదరణ పొందుతున్నాయి. ముఖ్యంగా విదేశీ వ్లాగర్లు వివిధ దేశాల్లోని వీధి ఆహారాన్ని అన్వేషిస్తూ రూపొందించే వీడియోలు ప్రేక్షకులను బాగా ఆకట్టుకుంటున్నాయి. తాజాగా పాకిస్తాన్లోని కరాచీ నగరంలో చిత్రీకరించిన ఒక ఫుడ్ వ్లాగ్ వీడియో ఇంటర్నెట్లో వైరల్గా మారింది. ఈ వీడియోలో ఓ విదేశీ వ్లాగర్ కరాచీ వీధుల్లో తిరుగుతూ స్థానిక ఆహార పదార్థాలను పరిశీలిస్తున్న సమయంలో ఒక ప్రత్యేకమైన ఫుడ్ స్టాల్ అతని దృష్టిని ఆకర్షించింది.
ప్రస్తుతం సోషల్ మీడియాలో ఫుడ్ వ్లాగింగ్ వీడియోలు విపరీతమైన ఆదరణ పొందుతున్నాయి. ముఖ్యంగా విదేశీ వ్లాగర్లు వివిధ దేశాల్లోని వీధి ఆహారాన్ని అన్వేషిస్తూ రూపొందించే వీడియోలు ప్రేక్షకులను బాగా ఆకట్టుకుంటున్నాయి. తాజాగా పాకిస్తాన్లోని కరాచీ నగరంలో చిత్రీకరించిన ఒక ఫుడ్ వ్లాగ్ వీడియో ఇంటర్నెట్లో వైరల్గా మారింది. ఈ వీడియోలో ఓ విదేశీ వ్లాగర్ కరాచీ వీధుల్లో తిరుగుతూ స్థానిక ఆహార పదార్థాలను పరిశీలిస్తున్న సమయంలో ఒక ప్రత్యేకమైన ఫుడ్ స్టాల్ అతని దృష్టిని ఆకర్షించింది.
ఆ స్టాల్లోని మెనూలో మసాలా దోసె, పావ్ భాజీ, వడా పావ్ వంటి భారతీయ వంటకాలు కనిపించడంతో అతను ఆశ్చర్యానికి గురయ్యాడు. దక్షిణ భారతదేశం, మహారాష్ట్రకు చెందిన ఈ ప్రసిద్ధ వంటకాలు పాకిస్తాన్లో కనిపించడం అతనికి ఆసక్తిని కలిగించింది. అయితే మెనూ కార్డును దగ్గరగా చూసిన తర్వాత అతని ఆశ్చర్యం మరింత పెరిగింది. ఎందుకంటే అక్కడ ఒక మసాలా దోసె ధర 800 పాకిస్తానీ రూపాయలుగా ఉండగా, పావ్ భాజీ వంటి ఇతర వంటకాల ధరలు కూడా చాలా ఎక్కువగా ఉన్నాయి.
దీంతో వ్లాగర్ ఆ ధరల గురించి స్టాల్ యజమానిని ప్రశ్నించాడు. అనంతరం దోసె తయారీ ప్రక్రియను కూడా తన వీడియోలో చూపించాడు. వీడియో సోషల్ మీడియాలో వైరల్ కావడంతో భారతీయ నెటిజన్లు పెద్ద ఎత్తున స్పందించారు. “మా దగ్గర 80 నుంచి 100 రూపాయలకే మంచి మసాలా దోసె దొరుకుతుంది” అని కొందరు వ్యాఖ్యానించగా, “అంత డబ్బు ఖర్చు చేయకండి, భారతదేశానికి రండి.. తక్కువ ధరకే రుచికరమైన భోజనం పెడతాం” అంటూ మరికొందరు సరదాగా కామెంట్లు చేశారు.
అయితే ధరలపై వస్తున్న విమర్శలకు వ్లాగర్ వివరణ కూడా ఇచ్చాడు. ఈ స్టాల్ కరాచీలోని ఒక ఉన్నత వర్గాల ప్రాంతంలో ఉందని, పాకిస్తాన్లో దోసె సాధారణ వీధి ఆహారం కాదని పేర్కొన్నాడు. అక్కడ ఇది ప్రత్యేక వంటకంగా, కొంత విలాసవంతమైన ఆహారంగా భావిస్తారని, అందుకే ధరలు ఎక్కువగా ఉంటాయని వెల్లడించాడు. దీంతో ఈ వీడియో కేవలం ఆహారం గురించే కాకుండా, రెండు దేశాల ఆహార సంస్కృతి మరియు ధరల మధ్య ఉన్న తేడాలపై కూడా ఆసక్తికరమైన చర్చకు దారితీసింది.
వైరల్ వీడియోను ఇక్కడ చూడండి..
మరిన్ని ట్రెండింగ్ వార్తల కోసం ఇక్కడ క్లిక్ చేయండి..