కట్టెలు కొట్టుకునే వ్యక్తిని వరించిన అదృష్టం..!అడవిలో దొరికిన దుంగను రెండుగా చీల్చగా..

Honey Comb Inside Log

సోషల్ మీడియాలో అప్పుడప్పుడు కొన్ని విచిత్ర వార్తలు వింటుంటాం..అదృష్టం వరించడంతో కటిక పేదవాడు రాత్రికి రాత్రే కోటీశ్వరుడుగా మారిన సంఘటనలు వైరల్‌ కావడం చూస్తుంటాం. అలాగే, కోటీశ్వరులు దివాలా తీయడం వంటి ఘటనలు కూడా వింటుంటాం..అందుకే అదృష్టం ఎప్పుడు ఎలా ఎవ‌ర్ని త‌లుపు తడుతుందో చెప్ప‌లేం. అన్ని రోజులు ప‌డిన క‌ష్టం మొత్తం ఒక్క‌రాత్రితో ప‌టాపంచ‌లైపోతుంది. ఇలాంటి సంఘ‌ట‌న‌లు ఎన్నో జ‌రిగాయి. అందులో ఇదికూడా ఒక‌టి. ఓ కథలో కట్టెలు కొట్టి అమ్ముకుని బ్రతికే ఓ వ్యక్తిని అనుకోకుండా లక్ష్మీదేవి వరిస్తుంది. దాంతో అతని దశ తిరిగి అతడు ధనవంతుడు అవుతాడు.. సరిగ్గా ఇక్కడ కూడా అలాంటిదే జరిగింది..! అడవిలో కట్టెలు కొట్టుకునే ఓ వ్యక్తికి ఓ పెద్ద దుంగ దొరికింది. దాన్ని రెండు ముక్కలుగా కట్‌ చేయగా, అందులో ఊహించని దృశ్యం కనిపించింది..

వైరల్‌ వీడియో ప్రకారం.. ఓ వ్యక్తికి అడవిలో ఒక పెద్ద దుంగ దొరికింది. అతడు గొడ్డలితో నరికి ముక్కలుగా చేసేందుకు ప్రయత్నిస్తున్నాడు. ఈ క్రమంలో లోపల నుండి ఒక తేనెటీగ బయటకు రావడం కనిపిస్తుంది. అతడు దాన్ని పెద్దగా పట్టించుకోలేదు. అలాగే, కొడుతూ పోయాడు. చివరకు ఆ దుంగ రెండుగా విడిపోయింది. ఇక ఆ దుంగలో కనిపించిన దృశ్యం చూస్తే.. ఒళ్లు జలదరిస్తుంది. పైగా మామూలుగా కనిపించిన ఆ దుంగ లోపల మాత్రం ఒక పెద్ద తేనె తుట్టి ఉండటం కనిపించింది. అది చూసిన ఆ వ్యక్తి కూడా షాక్‌ తిన్నాడు. దుండ నిండా వేల సంఖ్యలో తేనెటీగలు నిండివున్నాయి. కానీ, చుక్క తేనె కనిపించటం లేదు. కానీ, అతడి అదృష్టం బాగుంది.. అతడిపై తేనెటీగలు దాడి చేయలేదు. అతడు కూడా ఒంటి నిండుగా ఉండే దుస్తులు ధరించి ఉన్నాడు. ఈ వీడియోని X లో @visualfeastwang అనే ఖాతా ద్వారా షేర్‌ చేశారు.

ఇక్కడ క్లిక్ చేయండి..

వైరల్‌ అవుతున్న ఈ వీడియోకు సోషల్ మీడియాలో విపరీతమైన వ్యూస్‌ వచ్చాయి. వేల సంఖ్యలో లైకులు, కామెంట్లు కూడా వచ్చాయి. చాలా మంది వీడియోపై తమ అభిప్రాయాలను తెలియజేశారు. మీ అదృష్టం బాగుంది. కాబట్టి, తేనెటీగల దాడి నుంచి తప్పించుకోగలిగారు అని ఒకరు రాయగా, ఎండిపోయిన చెక్క లోపల నుండి తీపి ఆశ్చర్యంగా ఉందంటూ మరొకరు రాశారు.

మరిన్ని ట్రెండింగ్ న్యూస్ కోసం క్లిక్ చేయండి..