Viral Video: ఎక్కడినుంచి వస్తారయ్యా బాబు..! 11 లక్షల బైక్ మీద పాల డెలివరీ.. షాకవుతున్న నెటిజన్లు..

Viral Video

సోషల్ మీడియా ప్రపంచంలో నిత్యం ఎన్నో రకాల వీడియోలు వైరల్ అవుతుంటాయి. వాటిలో కొన్ని ఫన్నీగా.. మరికొన్ని ఆశ్చర్యకరంగా ఉంటాయి. అలాంటి వీడియోలనే నెటిజన్లు తెగ ఇష్టపడుతుంటారు. తాజాగా.. పాలు అమ్మేందుకు ఓ వ్యక్తి.. అత్యంత ఖరీదైన ప్రీమియం బైక్‌ హార్లే డేవిడ్‌సన్‌ను ఉపయోగించడం నెట్టింట సంచలనంగా మారింది. ఈ వీడియోను చూసి నెటిజన్లు షాకవుతున్నారు. సాధారణంగా పాలు అమ్మే వ్యక్తులు సైకిల్ లేదా చిన్నపాటి ద్విచక్రవాహనాన్ని ఉపయోగిస్తారు. పాల క్యాన్లు తగిలించుకునేందు వీలుగా వాటిని మార్చి ఇంటింటికీ వచ్చి పాలు పోసి ఇళ్లకు వెళ్తుంటారు. అయితే.. ఈ వ్యక్తి మాత్రం.. రూ.11 లక్షలకు పైగా ఉండే హార్లే డేవిడ్‌సన్‌ బైక్ ను ఉపయోగించడం సంచలనంగా మారింది.

వైరల్ అవుతున్న వీడియోలో ఓ వ్యక్తి హార్లే డేవిడ్‌సన్‌ బైకు వెనక రెండు పాల క్యాన్లు పెట్టుకొని వీధుల్లో చక్కర్లు కొడుతుండటాన్ని చూడవచ్చు. హార్లే డేవిడ్ సన్ బైక్ కు పాల క్యాన్లకు తగిలించుకుని ఇంట్లో నుంచి వచ్చిన వ్యక్తి.. పాలు పోసేందుకు వెళ్తూ కనిపించాడు. ఈ వీడియోను అటుగా వెళ్తున్న వారు ఏవరో తీసి పోస్ట్ చేయగా.. సోషల్ మీడియాలో వైరల్ గా మారింది.

వీడియో చూడండి..

అయితే.. ఈ సంఘటన ఎక్కడ, ఎప్పుడు జరిగింది.. అనేది తెలియలేదు. ఈ వీడియోను అమిత్‌ బదనా అనే వ్యక్తి ఇన్‌స్టాగ్రామ్ లో పోస్టు చేయగా.. దీనిపై నెటిజన్లు రకరకాల కామెంట్లు చేస్తున్నారు. పాలు అమ్మడానికి హార్లే డేవిడ్‌సన్‌ బైక్‌పై వెళ్లడం.. అదుర్స్ అంటూ పేర్కొంటున్నారు.

మరిన్ని ట్రెండింగ్ వార్తల కోసం..