వార్నీ ఇదెక్కడి కచోరీ పిచ్చి.. డబ్బు పోయినా ప్లేట్‌ వదల్లేదు! రూ.20 లక్షల చోరీలో ఈ వ్యాపారి తీరు వైరల్!

Jaipur Theft Case

రాజస్థాన్‌లోని జైపూర్‌లో చోటుచేసుకున్న ఒక విచిత్రమైన ఘటన సోషల్ మీడియాలో వైరల్ అవుతోంది. చంపాలాల్ అనే వ్యాపారి తన స్కూటర్‌పై రూ. 20 లక్షల నగదు ఉన్న బ్యాగ్‌ను ఉంచి, కచోరీ తినడానికి ఆగాడు. ఆ సమయంలో హెల్మెట్ ధరించి వచ్చిన ఇద్దరు దొంగలు ఆ నగదు బ్యాగ్‌ను ఎత్తుకెళ్లారు. దీంతో బాధితుడు దొంగల వెంట పరిగెత్తిన దృశ్యాలు సీసీటీవీలో రికార్డ్డయ్యాయి. అసలు ఏం జరిగిందంటే?

జైపూర్‌కు చెందిన చంపాలాల్ అనే వ్యాపారి కలెక్షన్ ఏజెంట్‌గా పనిచేస్తున్నాడు. అక్టోబర్ 26వ తేదీన ఆయన తన స్కూటర్‌పై రూ. 20 లక్షల నగదు ఉన్న బ్యాగ్‌ను ఉంచాడు. మార్గమధ్యలో ఆకలి వేయడంతో నహర్‌గఢ్ ప్రాంతంలో స్కూటర్ నిలిపి, రోడ్డు పక్కన కచోరీ తింటున్నాడు. ఇదే సమయంలో హెల్మెట్ ధరించిన ఇద్దరు దుండగులు మరో స్కూటర్‌పై వచ్చారు. చంపాలాల్ తినుబండారంలో నిమగ్నమై ఉండటాన్ని గమనించిన ఆ దొంగలు, క్షణాల వ్యవధిలో స్కూటర్ పైనుంచి ఆ నగదు బ్యాగ్‌ను అపహరించుకుని పరారయ్యారు.

చేతిలో కచోరీ ప్లేట్‌తోనేరుగు:

తన బ్యాగ్ చోరీకి గురైందని గుర్తించిన చంపాలాల్ ఒక్కసారిగా షాక్‌కు గురయ్యాడు. వెంటనే తేరుకుని దొంగలను పట్టుకోవడానికి వారి వెనుక పరిగెత్తాడు. అయితే, ఆయన హడావుడిలో తన చేతిలో ఉన్న కచోరీ ప్లేట్‌ను కింద పెట్టడం మర్చిపోయాడు. ప్లేట్ పట్టుకుని అలాగే రోడ్డుపై దొంగల వెనుక పరుగులు తీస్తున్న దృశ్యాలు సమీపంలోని సీసీటీవీ కెమెరాలో స్పష్టంగా రికార్డ్డయ్యాయి. ఇది చూసిన స్థానికులు కూడా కొందరు దొంగలను పట్టుకోవడానికి ప్రయత్నించినప్పటికీ, అప్పటికే నిందితులు బైక్‌పై వేగంగా పరారయ్యారు.

వీడియో ఇక్కడ చూడండి..

నెటిజన్ల భిన్న స్పందనలు:

ఈ ఘటనకు సంబంధించిన వీడియో సోషల్ మీడియాలో వైరల్ కావడంతో నెటిజన్లు రకరకాలుగా స్పందిస్తున్నారు. రూ. 20 లక్షల వంటి భారీ మొత్తాన్ని అంత నిర్లక్ష్యంగా స్కూటర్‌పై వదిలివేయడం ఏంటని కొందరు ప్రశ్నిస్తుండగా, కచోరీ తింటూ దొంగల వెంటపడిన ఆయన అమాయకత్వాన్ని మరికొందరు కామెంట్లు చేస్తున్నారు. బాధితుడి ఫిర్యాదు మేరకు నహర్‌గఢ్ పోలీసులు కేసు నమోదు చేసుకుని, సీసీటీవీ ఫుటేజ్ ఆధారంగా నిందితుల కోసం గాలింపు చర్యలు ముమ్మరం చేశారు.

మరిన్ని ట్రెండింగ్ న్యూస్ కోసం క్లిక్ చేయండి..