Viral: వల బరువెక్కడంతో సంబరపడిన జాలరి.. చిక్కిన చేప ఎంతకు అమ్ముడయ్యిందో తెలిస్తే..!
స్థానికంగా ఉన్న నదిలో ఓ జాలరి చేపల కోసం వల వేశాడు. కొద్దిసేపటి తర్వాత ఆ వల బరువెక్కింది.. ఎంతగానో సంబరపడి..
స్థానికంగా ఉన్న నదిలో ఓ జాలరి చేపల కోసం వల వేశాడు. కొద్దిసేపటి తర్వాత ఆ వల బరువెక్కింది.. ఎంతగానో సంబరపడి.. దాన్ని పైకి లాగగా.. చిక్కింది ఓ భారీ చేప.. ఇక ఆ చేపకు మార్కెట్‌లో దక్కిన ధరకు అతగాడికి దిమ్మతిరిగే మైండ్ బ్లాంక్ అయింది. ఈ ఘటన కోల్‌కతాలో చోటు చేసుకుంది.
వివరాల్లోకి వెళ్తే.. హౌరాకు చెందిన మృత్యుంజయ్ అనే జాలరి స్థానికంగా ఉన్న దామోదర్ నదిలో చేపల వేటకు వెళ్లాడు. నీళ్ళలోకి వల విసిరి కాసేపు చూడగా.. అది కాస్తా బరువెక్కింది. దానితో వెంటనే ఆ జాలరి వలను పైకి లాగాడు. అందులో సుమారు 19 కేజీల బరువున్న భారీ బ్లాక్ కార్ప్ చేప చిక్కింది.
అనంతరం ఆ చేపను తీసుకెళ్లి స్థానిక ఫిష్ మార్కెట్‌లో సేల్ చేయగా.. ఓ చేపల వ్యాపారి.. ఈ బ్లాక్ కార్ప్ ఫిష్‌ను ఏకంగా రూ. 5 వేలు ఇచ్చి కొనుగోలు చేశాడట. కాగా, గతంలోనూ అక్కడి స్థానిక జాలర్లకు ఇలాంటి భారీ సైజులోనే ‘భోళా’ చేపలు చిక్కాయట. అవే చివరికి కాసుల వర్షం కురిపించాయట.