Viral Video: మనదేశంలో ఇక్కడ ప్రతి గంటకు లక్షల్లో గోల్ గప్పలు అమ్ముడవుతాయట.. స్పెషాలిటీ ఏమిటంటే

Golgappa Mega Factory

స్ట్రీట్ ఫుడ్ లో రారాజు పానీపూరి అని చెప్పవచ్చు. దేశవ్యాప్తంగా పానీపూరి లవర్స్ ఉన్నారు. ముఖ్యంగా అమ్మాయిలకు అయితే పానీపూరి ఉంటే చాలు ఇంకేమీ అక్కర్లేదు అన్నట్లుగా ఇష్టపడరు. అందుకనే దేశంలో అత్యంత ఇష్టమైన వీధి స్నాక్స్‌లో పానీపూరి ఒకటిగా నిలిచింది. పుల్లని, కారంగా ఉండే నీటితో నిండిన గొల్లగప్పను ఒక్కసారిగా నోట్లో పెట్టుకుని తినడం అందరికీ ఇష్టమే.. తీపి-పులుపు-కారం రుచి ఒక్కసారి నాలుకకు తగిలితే ఆహా అనాల్సిందే. అందుకనే పానీ పురీ అమ్మే వ్యక్తి సంపాదన ఒక సాఫ్ట్ వేర్ ఉద్యోగికి ఏమాత్రం తీసిపోదు అంటే అతిశయోక్తి లేదు. పట్టణం పల్లె అనే తేడా లేదు ఏ వీధిలో చూసినా ఇప్పుడు పానీపూరి బండి కనిపిస్తుంది. అయితే  ఒక ప్రాంతంలో గంటకు లక్షల్లో గొల్గప్పలు అమ్ముడవుతాయట. దీని స్పెషాలిటీ ఏమిటంటే..

దేశ రాజధాని ఢిల్లీలోని ప్రముఖ ప్రాంతం ఆగ్రాలో ఉన్న మెగా ఫ్యాక్టరీలో గంటకు లక్షల గోల్ గప్పాలు అమ్ముడవుతాయట. ఇక్కడ గత యాభై ఏళ్లుగా గొల్గప్పలు తయారవుతున్నాయి. ఈ ఫ్యాక్టరీ నిత్యం రద్దీతో నిండిపోయి ఉంటుంది. ఫ్యాక్టరీ చుట్టుపక్కల ప్రాంతాల నుంచి మాత్రమే కాదు ఆగ్రాలోని అనేక ప్రాంతాల  నుంచి కూడా స్ట్రీట్ ఫుడ్ అమ్మకం దారులు ఇక్కడ నుంచి గొల్గప్పలను తీసుకెళ్తారు. ఇక్కడ పూరీల ప్రత్యేకత ఏమిటంటే.. వీటిని పిండితో కాకుండా రవ్వతో తయారు చేస్తారు.

ఇక్కడ వీడియో చూడండి

ఈ మెగా ఫ్యాక్టరీలో గొల్గప్పలను చేతితో తయారు చేయడాన్ని వీడియోలో చూడవచ్చు. రవ్వను తీసుకుని దానిలో సరిపడా నూనె వేసి పిండిలా కలిపి బాగా చేతితో మెత్తగా చేస్తారు. తర్వాత అప్పడంలా ఒత్తి.. దానిని గోల్ గప్పాలుగా కట్ చేసి.. వేడి నూనెలో వేయిస్తున్నారు. ఈ పనిని ఎంతో సునాయాసంగా, వేగంగా  చేస్తున్నారు. ఇది చూస్తే మీరు షాక్ అవుతారు. ఈ పద్ధతిలో గోల్గప్పను తయారు చేయడం సాధారణ చేతివృత్తిదారులందరికీ కష్టం.

ఇన్‌స్టాలో ఈ వీడియోను ఈటీసాగ్రా అనే ఖాతాలో షేర్ చేశారు. వేలాది మంది చూస్తున్నారు. ఇష్టపడుతున్నారు. రకరకాలుగా కామెంట్స్ చేస్తున్నారు కూడా..

మరిన్ని ట్రెండింగ్ వీడియో వార్తల కోసం ఇక్కడ క్లిక్ చేయండి..