Viral Photo: ఎంక్వైరీ కోసం ఏకంగా ఆఫీస్‌కు వచ్చేసిన అనుకోని అతిధి.. భయంతో సిబ్బంది పరుగులు
Viral Photo: ప్యానల్ రూమ్‌లోకి చొరబడి అధికారి డెస్క్ వద్ద కనిపించడంతో సిబ్బంది అందరూ భయాందోళనతో పరుగులు తీశారు.
Viral Photo: ఈ రోజుల్లో పాములు నివాస ప్రాంతాల్లోకి రావడం సర్వసాధారణమైపోయింది. తాజాగా.. ఆరు అడుగుల కోబ్రా రైల్వే స్టేషన్‌లోని ఎంక్వైరీ ఆఫీస్ రూమ్‌లోకి వెళ్లి హల్‌చల్ చేసింది. ఏదో ఎంక్వైరీ కోసం వచ్చినట్లు స్టేషన్ ఆఫీసర్ డెస్క్ దగ్గర మకాం వేసింది.. ఈ షాకింగ్ ఘటన రాజస్థాన్‌లోని కోట రైల్వే స్టేషన్‌లో చోటుచేసుకుంది. భారీ కోబ్రా పాము ప్యానల్ రూమ్‌లోకి చొరబడి అధికారి డెస్క్ వద్ద కనిపించడంతో సిబ్బంది అందరూ భయాందోళనతో పరుగులు తీశారు. అయితే.. దాన్ని చూసి ఓ అధికారి ఆ గదిలోని ఓ మూలకు టేబుల్‌పై కూర్చున్నాడు. అయితే.. అప్పుడు కోబ్రా పడగ విప్పి మరి కంట్రోల్ ప్యానెల్‌పై కూర్చొని కనిపించింది. ప్రస్తుతం దీనికి సంంధించిన ఫొటో నెట్టింట షేక్ చేస్తుంది. సోషల్ మీడియా ప్లాట్‌ఫారమ్‌లలో వైరల్‌గా మారిన ఈ ఫొటో.. కోట డివిజన్ పరిధిలోని రవ్తా రోడ్ (ఆర్‌డిటి) స్టేషన్‌లోని కంట్రోల్ రూమ్‌కు సంబంధించినదని అధికారులు పేర్కొన్నారు. ఈ ఘటన బుధవారం జరిగిందని అధికారులు పేర్కొన్నారు. దాదాపు 20 నిమిషాలపాటు పాము అలానే అక్కడ కూర్చున్నట్లు అధికారులు తెలిపారు.
అయితే.. ఈ ఫోటోను చూసి అందరూ షాక్ అవుతున్నారు. దీంతోపాటు పలు రకాల కామెంట్లు చేస్తున్నారు. నాగుపాము ‘బాస్ లాగా’ డెస్క్ వద్ద కూర్చుంటే.. రైల్వే అధికారి వెనుకన ఓ మూలకు కూర్చున్నాడంటూ ఫన్నీ కామెంట్లు చేస్తున్నారు. ఏదో ఎంక్వైరీకి వచ్చినట్లు ఆఫీస్ లోపలికి పాము వచ్చిందని.. ఫొటో చూస్తే భయమేస్తుందంటూ పేర్కొంటున్నారు.
ఫొటో చూడండి..
A six feet Cobra sneaked on the table of railway officer at Panel room of Ravtha Road (RDT), Kota Division.
It however did not affect train services on the busy section. Station is thronged by thousands of engineering/medical aspirants daily.@Sanjay_IRTS @rahmanology pic.twitter.com/MUPddvkkKK— Rounak?? (@Happytohelp_007) June 1, 2022
Cobra
మరిన్ని ట్రెండింగ్ వార్తల కోసం ఇక్కడ క్లిక్ చేయండి..