Viral: డేటింగ్‌ తర్వాత ప్రపోజ్ చేయని ప్రియుడు.. కోపంతో ప్రేయసి ఏం చేసిందో తెలిస్తే మైండ్ బ్లాక్.!
ఈ మధ్యకాలంలో యువత ఎంత త్వరగా లవ్‌లోకి పడుతున్నారో.. అంత త్వరగానే బ్రేకప్ అవుతున్నారు. ఇందుకు చాలానే కారణాలు ఉండొచ్చు...
Ravi Kiran | Edited By: Anil kumar poka
Updated on: Nov 06, 2021 | 1:32 PM
ఈ మధ్యకాలంలో యువత ఎంత త్వరగా లవ్‌లోకి పడుతున్నారో.. అంత త్వరగానే బ్రేకప్ అవుతున్నారు. ఇందుకు చాలానే కారణాలు ఉండొచ్చు. సరిగ్గా ఇదే కోవకు చెందిన ఓ వార్త తాజాగా సోషల్ మీడియాలో వైరల్ అవుతోంది. 8 ఏళ్ల పాటు డేటింగ్‌ చేసినప్పటికీ.. తన ప్రియుడు తనకి ప్రపోజ్ చేయలేదని ఓ యువతి ఏకంగా అతడిపై కేసు వేసింది. ఇది కొంచెం మీకు వింతగా అనిపించినా.. నిజమండీ.! ఆ యువతి తన బాధను సామాజిక మాధ్యమాల ద్వారా నెటిజన్లతో పంచుకుంది. జాంబియాలో జరిగిన ఈ వింత కేసు వివరాలు ఇలా ఉన్నాయి.
జాంబియాలో నివసిస్తున్న గెర్ట్రూడ్ న్గోమా అనే 26 ఏళ్ల యువతి తన బాయ్‌ఫ్రెండ్ తనకు ప్రపోజ్ చేయకపోవడంతో అతడిపై కోపంతో కోర్టు మెట్లెక్కింది. గెర్ట్రూడ్ న్గోమా తన 28 ఏళ్ల బాయ్‌ఫ్రెండ్ హెర్బర్ట్ సలాలికితో కలిసి 8 ఏళ్లుగా లివ్-ఇన్ రిలేషన్‌షిప్‌లో ఉంది. ఇద్దరికీ ఓ పాప కూడా ఉంది.
ఈ 8 ఏళ్లలో.. ఏదొక సందర్భంలో హెర్బర్ట్ ఉంగరంతో తనకు ప్రపోజ్ చేస్తాడని గెర్ట్రూడ్ న్గోమా వేచి చూసింది. అయితే ఆమె కోరిక నెరవేరలేదు. దీనితో ఆగ్రహించిన గెర్ట్రూడ్ న్గోమా అతడిపై కేసు పెట్టింది. తన ప్రియుడు.. రిలేషన్‌షిప్‌ను సీరియస్‌గా తీసుకోలేదని.. తన సమయాన్ని వృధా చేశాడంటూ ఆరోపించింది.
హెర్బర్ట్ తమ బంధాన్ని సీరియస్‌గా తీసుకోకపోవడమే కాకుండా.. తమ బిడ్డ భవిష్యత్తు విషయంలో ఎలాంటి నిర్ణయం తీసుకోలేదని.. అసలు మేం ఉన్నామన్న సంగతి అతడికి గుర్తులేకుండా.. తాను ఒక్కడే ఉన్నట్లుగా ప్రవర్తిస్తున్నాడని గెర్ట్రూడ్ న్గోమా కోర్టులో తన వాదనలు వినిపించింది.
మరోవైపు హెర్బర్ట్ కోర్టులో తమ వాదనలు వినిపిస్తూ.. ” ఆర్ధికంగా ఇంకా తాను స్థిరపడలేదని.. అందుకే పెళ్లికి సిద్దంగా లేనని అన్నాడు. రిలేషన్‌షిప్ విషయంలో అయితే తాను సీరియస్‌గా ఉన్నానని చెప్పుకొచ్చాడు. కాగా, ఇరువైపులా వాదనలు విన్న కోర్టు.. ఈ జంటకు కౌన్సిలింగ్ నిర్వహించి ఒప్పించేందుకు ప్రయత్నించింది.
Read Also: ఉపకారం మరువని ఉడత… వీడియో చూస్తే మైమరచిపోతారు
ప్రతి ఒక్కరు విమానంలో తినే సదా అవకాశం… ఎయిర్‌క్రాఫ్ట్‌ రెస్టారెంట్‌.. ఎక్కడ ఉన్నదో తెలుసా..??
