మదర్స్ డే

మదర్స్ డే
ప్రతి సంవత్సరం మే రెండవ ఆదివారం మదర్స్ డేను జరుపుకుంటారు. తల్లుల త్యాగాలు, ప్రేమ, వారి సేవలను గుర్తించి, వారిని గౌరవించడానికి ఈ ప్రత్యేక రోజును జరుపుకుంటారు.. అలాగే ఈ రోజును తల్లికి అంకితం చేస్తారు. ప్రతి రోజు తల్లిదే అయినప్పటికీ, ఈ రోజున ప్రతి ఒక్కరికీ తమ తల్లికి ప్రత్యేకమైన అనుభూతిని కలిగించేందుకు ఇష్టపడతారు. మదర్స్ డే అమెరికాలో ప్రారంభమైంది. 1908లో అన్నా జార్విస్ తన తల్లి జ్ఞాపకార్థం ఈ రోజును ప్రారంభించారు. ఆమె తల్లి మహిళల సంక్షేమం, సామాజిక సేవలు చేసేది. ప్రతి ఒక్కరూ తమ తల్లి పట్ల ప్రేమ, కృతజ్ఞత వ్యక్తం చేయాలని అన్నా భావించారు. ఆమె ప్రచారం క్రమంగా ప్రపంచవ్యాప్తంగా వ్యాపించింది. తల్లి.. జీవితంలో మొదటి గురువు, స్నేహితుడు, ప్రేరణకు మూలం.. కాబట్టి మదర్స్ డేను అందరూ జరుపుకుంటారు. మాతృమూర్తి ఎటువంటి స్వార్థం లేకుండా పగలు, రాత్రి కుటుంబానికి అంకితం అవుతుంది. ఈ రోజున, ప్రజలు బహుమతులు, పువ్వులు, కార్డులు, పార్టీలు ఇవ్వడం ద్వారా తల్లికి కృతజ్ఞతలు తెలుపుతారు. ఇంకా ప్రత్యేకంగా వారికి అభినందలు తెలుపుతారు. మదర్స్ డే అనేది ఒక రోజు మాత్రమే కాదు, తల్లుల పట్ల నిరంతర గౌరవానికి చిహ్నం..