Breaking News
  • ఏడు నెలల పాలనలో జగన్‌ విఫల నాయకుడిగా పేరుపొందారు. ప్రతిపక్ష నేతను అసెంబ్లీలోకి రాకుండా అడ్డుకోవడం ఎన్నడూ చూడలేదు. ఉద్యోగ సంఘాలు కూడా చంద్రబాబు మాటలను వక్రీకరించడం బాధాకరం. చౌకబారు రాజకీయాలు సరికాదు-నక్కా ఆనందబాబు.
  • ప్రకాశం: ఒంగోలులో సీపీఎస్‌ ఎంప్లాయిస్‌ అసోసియేషన్‌ ఆధ్వర్యంలో మనోవేదన నిరసన ర్యాలీ, పాల్గొన్న కృష్ణా, గుంటూరు, ప్రకాశం, నెల్లూరు జిల్లాల ప్రభుత్వ ఉద్యోగులు.
  • కృష్ణాజిల్లా: కీసర టోల్‌ప్లాజా దగ్గర పనిచేయని ఫాస్టాగ్‌. ఇబ్బందులు పడుతున్న వాహనదారులు. రెండు క్యాష్‌ కౌంటర్ల ద్వారా టోల్‌ వసూలు చేస్తున్న సిబ్బంది.
  • చిత్తూరు టూటౌన్‌ పీఎస్‌ దగ్గర ఉద్రిక్తత. ఆత్మహత్య చేసుకున్న ఫాతిమా మృతదేహంతో తల్లిదండ్రుల ధర్నా. నిందితుడిని తప్పించేందుకు పోలీసులు యత్నిస్తున్నారని ఆరోపణ. పోలీస్‌స్టేషన్‌ ఎదుట ఫాతిమా మృతదేహంతో తల్లిదండ్రుల ఆందోళన.
  • చెన్నై వన్డేలో టాస్‌గెలిచి ఫీల్డింగ్‌ ఎంచుకున్న విండీస్‌. భారత్‌-విండీస్‌ మధ్య తొలివన్డే.
  • తిరుమల: ధనుర్మాసం సందర్భంగా ఈ నెల 17 నుంచి జనవరి 14 వరకు శ్రీవారి సుప్రభాత సేవ రద్దు.
  • విశాఖ: హుకుంపేట మండలం రంగశీలలో కాల్పులు. రైతుభరోసా నగదు కోసం అన్నదమ్ముల మధ్య వివాదం తనవాటా డబ్బులు అడిగిన తమ్ముడు జయరాం, భార్య కొండమ్మపై నాటు తుపాకీతో కాల్పులు జరిపిన అన్న కృష్ణ. తమ్ముడి భార్య కొండమ్మ చేతిలోకి దూసుకెళ్లిన బుల్లెట్. కొండమ్మను చికిత్స నిమిత్తం కేజీహెచ్‌కు తరలింపు. కాల్పులు జరిపి సమీప కొండల్లోకి పారిపోయిన కృష్ణ.

అమెరికాలో తెలుగు విద్యార్థి మృతి..!

Telugu Student Died in Road accident at America, అమెరికాలో తెలుగు విద్యార్థి మృతి..!

అమెరికాలో తెలుగు యువకుడు మృతి చెందాడు. విధులు ముగించుకుని ఇంటికి వస్తుండగా షార్లెట్ నగరంలో గుర్తుతెలియని వాహనం ఢీ కొట్టింది. ఈ ఘటనలో చిత్తూరు జిల్లా మిరియం గంగనపల్లికి చెందిన వివేక్ అక్కడికక్కడే ప్రాణాలు కోల్పోయారు. ఈ ఘటనపై వివేక్ ఫ్రెండ్స్ బంధువులకు సమాచారం ఇచ్చారు.

చిత్తూరు జిల్లాకు చెందిన పత్తిపాటి ఉమాపతినాయుడు.. ఉమాదేవి ఫ్యామిలీ బెంగుళూరులో స్థిరపడింది. వీరి సంతానం వివేక్. బెంగళూరులో బీటెక్ పూర్తి చేసిన వివేక్ ప్రస్తుతం అమెరికాలోని నార్త్ కరేలిన యూనివర్శిటీలో ఎంటెక్ చేస్తున్నాడు. శుక్రవారం పార్ట్ టైం జాబ్ ముగించుకుని తిరిగి వస్తుండగా గుర్తు తెలియని వాహనం ఢీ కొట్టింది. ఈ ఘటనలో వివేక్ అక్కడికక్కడే ప్రాణాలు కోల్పోయాడు.

వివేక్ మృతి వార్తతో వారి స్వగ్రామం మిరియం గంగనపల్లిలో విషాద ఛాయలు అలుముకున్నాయి. ఉన్నత చదువుల కోసం ఫారెన్ వెళ్లిన కొడుకు ఇక లేడు. తిరిగి రాడని తెలిసి తల్లిదండ్రులు కన్నీరుమున్నీరుగా రోదిస్తున్నారు. వివేక్ డెడ్‌బాడీనీ స్వస్థలానికి తీసుకొచ్చే ఏర్పాట్లు చేస్తున్నారు.