
RS Praveen Kumar: ‘మాపై ప్రేమ ఉంటే మీ ఆస్తులమ్మి ఖర్చు పెట్టండి’ అంటూ బడా రాజకీయనేతలపై సంచలన ప్రకటన చేశారు ఐపీఎస్ మాజీ అధికారి ఆర్ఎస్ ప్రవీణ్ కుమార్. జీవితాంతం బానిసలుగా ఉంచాలనే కుట్రలు చూడలేకనే ఐపీఎస్ ఉద్యోగం నుంచి బయటికి వచ్చానని ఆయన చెప్పారు. ఎన్ని కుట్రలు చేసిన.. ఈ జన సునామీనీ ఎవరూ ఆపలేరున్నారాయన.
నల్లగొండలో ఇవాళ నిర్వహించిన రాజ్యాధికార సంకల్ప సభలో ఆర్ఎస్పీ బీఎస్పీ సభ్యత్వం తీసుకున్నారు. తెలంగాణలో ఆకలికి అన్నం దొరకని కుటుంబాలున్నాయని చెప్పిన ప్రవీణ్ కుమార్.. 1300 మంది ప్రాణత్యాగాలతో వచ్చిన తెలంగాణలో సుఖాలు అనుభవిస్తున్నది మరొకరంటూ హాట్ కామెంట్స్ చేశారు.
నల్లగొండ రాజ్యాధికార సంకల్ప సభ.. రాష్ట్ర రాజకీయాల్లో మార్పుకు నాంది అని చెప్పిన ఆర్ఎస్పీ.. తెలంగాణ రాష్ట్రంలో కీలకమైన చరిత్ర ఉన్న నల్గొండ గడ్డ మీద బహుజన రాజ్యం కోసం అడుగుపెట్టానని చెప్పుకొచ్చారు. మాటల గారడీతో ఏడున్నరేళ్లుగా తెలంగాణ ప్రజలను మోసం చేస్తున్నారు.. జనాభా దామాషా ప్రకారం దళితులకు రాజ్యాధికారంలో వాటా ఇవ్వాలని ఆయన డిమాండ్ చేశారు.