Hyderabad: పై అంతస్తుకు వెళ్తుండగా కూలిన లిఫ్ట్.. ఉప్పల్ ఎమ్మెల్యే సుభాష్ రెడ్డికి తృటిలో తప్పిన ప్రమాదం..

Bethi Subhas Reddy

Uppal MLA Bethi Subhas Reddy: హైదరాబాద్ పరిదిలో ఉప్పల్ ఎమ్మెల్యే భేతి సుభాష్ రెడ్డి లిఫ్ట్ ప్రమాదం నుంచి సుర‌క్షితంగా బ‌య‌ట‌ప‌డ్డారు. నియోజకవర్గంలోని ఓ ప్రైవేటు ఆసుపత్రి వార్షికోత్సవానికి ఎమ్మెల్యే సుభాష్ రెడ్డితో పాటు బోడుప్పల్ మేయ‌ర్ బుచ్చిరెడ్డి, ప‌లువురు హాజ‌ర‌య్యారు. ఈ క్రమంలో ప్రైవేటు ఆసుపత్రిలోని లిఫ్టు ద్వారా పైకి వెళుతుండగా.. ఒక్కసారిగా కుప్పకూలింది. ఈ ప్రమాదంలో బోడుప్పల్‌ మేయర్‌ బుచ్చిరెడ్డికి స్వల్ప గాయాలయ్యాయి. ఈ ఘటన ఉప్పల్‌ నల్ల చెరువు ప్రాంతంలోని ఓ ప్రైవేటు ఆసుపత్రిలో జరిగింది. ఆసుపత్రి ప్రథమ వార్షికోత్సవానికి హాజరైన ఎమ్మెల్యేతో పాటు మరికొంత మంది.. లిఫ్టులో పై అంతస్తుకు వెళ్తుండగా ఒక్కసారిగా పెద్ద శబ్దంతో కుప్పకూలింది.

ఈ ప్రమాదంలో బోడుప్పల్ మేయర్ బుచ్చిరెడ్డి, మరికొందరు స్వల్పంగా గాయపడ్డారు. వెంటనే అప్రమత్తమైన ఎమ్మెల్యే సుభాష్‌ రెడ్డి సెక్యూరిటీ.. సిబ్బందిని పిలిచి లిఫ్టు తలుపులను తెరిపించారు. ఈ ప్రమాదంలో ఎలాంటి ప్రాణ నష్టం లేకపోవడంతో ఆసుపత్రి యాజమాన్యం, అందరూ ఊపిరి పీల్చుకున్నారు.

Also Read:

Chittoor Murder : చిత్తూరు కలెక్టరేట్ అటెండర్ మృతిలో కొత్త ట్విస్ట్.. ప్రియుడి ప్రేమ కోసం భర్త గొంతు నులిమి..

Hyderabad Police: తగ్గేదేలే అంటే తాట తీస్తాం.. రౌడీషీటర్లకు హైదరాబాద్ పోలీసుల హెచ్చరిక..