Hyderabad: ఏకాంతంగా గడిపిన వీడియో చక్కర్లు.. షాక్కు గురైన లేడీ డ్యాన్సర్.. అసలేం జరిగిందంటే..?
ఇద్దరు డ్యాన్సర్ల మధ్య ప్రైవేట్ వీడియో వివాదం పోలీసుల దరికి చేరింది. ఎక్స్ బాయ్ ఫ్రెండ్ పనేనన్న యువతి ఫిర్యాదుతో కేసు ఫైల్ అయింది. డ్యాన్సర్ సచిన్ను అరెస్ట్ చేసి రిమాండ్కు తరలించారు పోలీసులు. ఐతే వీడియో ఎలా సర్క్యులేట్ అయింది? ఎవరి కుట్ర?.. పరస్పర వాదనల్లో నిజం ఎవరిది?
Telangana: అతను, ఆమె ఒకానొక టైమ్లో క్లోజ్గా వుండేవాళ్లు. ఇద్దరి ప్రొషెషన్ ఒకటే. ఆమెది పశ్చిమబెంగాల్(West Bengal). అతనిది మహారాష్ట్ర(Maharashtra). ఆ ఇద్దర్నీ కలిపింది డ్యాన్స్.. ప్రొఫెషన్ రీత్యా హైదరాబాద్లో వాలారు. పరిచయం ..స్నేహం.. ప్యార్.. ఆపై కొన్నాళ్లు రిలేషన్ షిప్గా సాఫీగా సాగింది. కాలం మారిన కొద్దీ కలర్స్ షేడ్ అయ్యాయి. కొత్త పరిచయాలు యాడ్ అయ్యాయి. కట్ చేస్తే ఇద్దరి మధ్య బ్రేకప్ వరకు వెళ్లింది వ్యవహారం. ఎవరి దారి వాళ్లు చూసుకున్నారు. కానీ నాటి ఏకాంత వీడియో నేడు వివాదంగా మారి పంజాగుట్ట పీఎస్(Panjagutta Police Station)కు చేరింది. తన ఎక్స్ బాయ్ఫ్రెండ్ సచిన్పై పోలీసులకు ఫిర్యాదు చేసింది బెంగాల్ యువతి. తన పర్సనల్ వీడియోను వాట్సాప్ గ్రూప్లో షేర్ చేస్తున్నాడనేది ఆమె అభియోగం. ఆమె ఫిర్యాదు మేరకు డ్యాన్సర్ సచిన్ను అదుపులోకి తీసుకున్నారు పంజాగుట్ట పోలీసులు. ఐతే తామిద్దరి ఇష్ట ప్రకారమే కలిసి వున్నప్పుడు తన మొబైల్తో వీడియా రికార్డ్ చేశామని, కానీ అదెలా బయటకు వచ్చిందో తనకు తెలియదంటున్నాడు సచిన్. తనకు విషయం తెలిశాక సైబర్ క్రైమ్ పోలీసులను ఆశ్రయిద్దామని చెప్పానని..కానీ ఆమె విన్లేదన్నాడు. తనపై ఫిర్యాదు వెనుక కుట్ర వుందనేది సచిన్ వెర్షన్.
ఐతే మొబైల్ రిపేర్కు ఇచ్చాను. అలా వీడియో లీకై వుంటుందని సచిన్ బేస్లెస్ కట్టుకథలు విన్పిస్తున్నాడని ఆరోపించారు యువతి తరుపువారు. పక్కా పథకంతోనే సచిన్ ఇదంతా చేశాడంటున్నారు. మ్యాటర్ కేసు వరకు వెళ్లింది. ఇక నిజానిజాలేంటో దర్యాప్తులో తేలాలి.
మరిన్ని తెలంగాణ వార్తల కోసం ఈ లింక్ క్లిక్ చేయండి