Raja Singh: బీజేపీ నేత రాజాసింగ్ అరెస్టు.. ఓ వర్గంపై వివాదాస్పద వ్యాఖ్యలు చేశారంటూ పోలీసులు చర్యలు

Mla Raja Singh

బీజేపీ నేత, గోషా మహల్ ఎమ్మెల్యే రాజాసింగ్ (Rajasingh) అరెస్ట్ అయ్యారు. ఓ వర్గంపై వివాదాస్పద వ్యాఖ్యలు చేశారన్న ఆరోపణలతో ఆయనను పోలీసులు అదుపులోకి తీసుకుని అరెస్టు చేశారు. పక్కా వ్యూహంతో రాజాసింగ్ ను అరెస్టు చేసేందుకు షాహినాయత్‌ గంజ్‌ పోలీసులు ఆయన ఇంటి వద్దకు భారీగా చేరుకున్నారు. వివాదాస్పద వ్యాఖ్యలు చేశారంటూ ఆయనపై భవానీనగర్‌, డబీర్‌పురా, రెయిన్‌ బజార్‌ పీఎస్‌లలో ఫిర్యాదులు చేయడంతో రాజాసింగ్‌పై ఎఫ్‌ఐఆర్‌ నమోదు చేశారు. సోషల్‌ మీడియాలో రాజాసింగ్‌ పెట్టిన వీడియోపై ఎంఐఎం శ్రేణులు ఆందోళనలు చేపట్టాయి. వారి మనోభావాలు దెబ్బతీశారంటూ పోలీసుస్టేషన్ల ఎదుట నిరసనలు చేశాయి. రాజాసింగ్ పై చర్యలు తీసుకోవాలని డిమాండ్ చేశాయి. ఈ క్రమంలో ఎమ్మెల్యే రాజాసింగ్ అరెస్టు అవడం హాట్ టాపిక్ గా మారింది.

మరిన్ని తెలంగాణ వార్తల కోసం ఈ లింక్ క్లిక్ చేయండి..