హైదరాబాద్ లో ఏఐ డేటా సెంటర్ క్లస్టర్.. కీలక ఒప్పందం చేసుకున్న కంట్రోల్ ఎస్ (CtrlS)
పెట్టుబడులు రాబట్టడమే టార్గెట్‌గా దావోస్‌లో రేవంత్ బృందం వేట కొనసాగుతోంది. తాజాగా మరో ఒప్పందం కుదిరింది. ఈ ఒప్పంద ద్వారా 10 వేల కోట్ల రూపాయల పెట్టుబడులు రాబోతున్నాయి. తెలంగాణ ప్రభుత్వంతో కంట్రోల్ ఎస్ సంస్థ ఒప్పందం కుదుర్చుకుంది. -- 400 మెగావాట్ల సామర్థ్యంతో ఈ డేటా సెంటర్ రాబోతుంది.
తెలంగాణలో అత్యాధునిక AI డేటాసెంటర్ క్లస్టర్‌ను నెలకొల్పేందుకు కంట్రోల్ ఎస్ డేటా సెంటర్స్ లిమిటెడ్ కంపెనీ అవగాహన ఒప్పందం (ఎంవోయూ)పై సంతకం చేసింది.
దావోస్‌లో జరుగుతున్న ప్రపంచ ఆర్థిక వేదిక సదస్సు సందర్భంగా ఈ ఒప్పందం కుదిరింది. తెలంగాణ ఐటీ, పరిశ్రమల మంత్రి శ్రీధర్ బాబుతో కలిసి CtrlS సీఈవో శ్రీధర్ పిన్నపురెడ్డి ఎంవోయూపై సంతకాలు చేశారు.
అర్టిఫిషియల్ డేటా సెంటర్ క్లస్టర్ ఏర్పాటుకు ఈ కంపెనీ రూ. 10,000 కోట్ల పెట్టుబడులు పెట్టనుంది. 400 మెగా వాట్ల సామర్థ్యంతో ఈ డేటా సెంటర్ నెలకొల్పుతుంది. అర్టిఫిషియల్ డేటా సెంటర్ క్లస్టర్ ఏర్పాటుతో దాదాపు 3,600 మందికి ప్రత్యక్షంగా, పరోక్షంగా ఉద్యోగాలు లభిస్తాయి.
రాష్ట్రంలో డిజిటల్ మౌలిక సదుపాయాల అభివృద్దిలో ఈ డేటా సెంటర్ ఏర్పాటు మరో మైలురాయిగా నిలుస్తుందని మంత్రి శ్రీధర బాబు అన్నారు. ఐటీ సేవల సామర్థ్యం పెరుగుఉందని, ఉపాధి అవకాశాలు మెరుగుపడుతాయని అన్నారు.
డేటా సెంటర్ల ఏర్పాటు తెలంగాణలో ఐటీ సేవల ప్రమాణాలు మరింత వృద్ది సాధిస్తాయని కంట్రోల్ ఎస్ సీఈవో శ్రీధర్ పిన్నపురెడ్డి అన్నారు. తెలంగాణ ప్రభుత్వంతో భాగస్వామ్యం పంచుకోవటం గర్వంగా ఉందన్నారు. సంతోషం వ్యక్తం చేశారు.
తెలంగాణలో అత్యాధునిక AI డేటాసెంటర్ క్లస్టర్‌ను నెలకొల్పేందుకు కంట్రోల్ ఎస్ డేటా సెంటర్స్ లిమిటెడ్ కంపెనీ అవగాహన ఒప్పందం (ఎంవోయూ)పై సంతకం చేసింది.