భారీ వర్షాలకు హైదరాబాద్ పాతబస్తీ మొఘల్ పురలో ఓ బిల్డింగ్ పేకమేడలా కూలిపోయింది. అయితే అక్కడే రోడ్డుపై నడచుకుంటూ వెళ్తున్న మహిళ పక్కనే అది కూలిన దృశ్యం కెమెరా కళ్లకు చిక్కింది. పెద్దగా శబ్దమేదీ లేకుండానే చడీ చప్పుడు లేకుండా ఆ భవనం అలా కూలిందో లేదో.. అప్రమత్తంగా ఉన్న ఆ మహిళా భయంతో అక్కడి నుంచి పరుగులు తీసి తన ప్రాణాలను రక్షించుకుంది. హైదరాబాద్ లో ఎడతెరిపిలేని భారీ వర్షాలు మిగిల్చిన ఎన్నో ఘటనల్లో ఇదీ ఒకటి.