Telangana: ప్రైవేట్స్కూల్ ప్రిన్సిపల్కారు డ్రైవర్ కీచక పర్వం.. నాలుగేళ్ల చిన్నారిపై అఘాయిత్యం
బంజారాహిల్స్లో ఓ కీచకుడి అరాచకం వెలుగులోకి వచ్చింది. చాలా కాలంగా బాలిక ప్రవర్తనలో మార్పు రావడం గమనించామని తల్లిదండ్రులు చెబుతున్నారు.
హైదరాబాద్లో మరో దారుణ ఘటన చోటు చేసుకుంది. బంజారాహిల్స్లో ఓ కీచకుడి అరాచకం వెలుగులోకి వచ్చింది. ఓ ప్రైవేట్ స్కూల్లో చిన్నారులపై లైంగిక వేధింపులకు పాల్పడుతున్నారనే ఆరోపణలు వచ్చాయి.. ఎల్కేజీ చదువుతున్న నాలుగేళ్ల చిన్నారిపై స్కూల్ ప్రిన్సిపాల్ కారు డ్రైవర్ అఘాయిత్యానికి పాల్పడ్డాడని చిన్నారి తల్లిదండ్రులు ఆరోపించారు. మహిళలు అతడిని పట్టుకుని చితకబాదారు. కాగా, గత రెండు నెలలుగా బాలికపై లైంగిక వేధింపులకు పాల్పడుతున్నాడని, చాలా కాలంగా బాలిక ప్రవర్తనలో మార్పు రావడం గమనించామని తల్లిదండ్రులు చెబుతున్నారు. అయితే తాము ఏ విషయంలోనూ ఏమీ మాట్లాడలేదని, అమ్మాయి ప్రవర్తనలో వచ్చిన మార్పును చూసి ఈ విషయాన్ని ఖరారు చేశామన్నారు.
కాగా, నిన్నటి నుంచి ఆమె నీరసంగా, విలపిస్తున్న విషయం తెలుసుకున్న తల్లిదండ్రులు బంజారాహిల్స్ పోలీసులకు ఫిర్యాదు చేశారు. ప్రిన్సిపాల్ కారు డ్రైవర్గా ఉన్న వ్యక్తి డిజిటల్ క్లాస్ రూమ్లోకి వచ్చి పిల్లలను ఇబ్బందులకు గురిచేస్తున్నాడని వారి ఫిర్యాదులో పేర్కొన్నారు. చాలా మంది పిల్లలు డ్రైవర్ రజనీకుమార్కు భయపడుతున్నారని, అతని చేష్టల నుండి పిల్లలను రక్షించాలని వారు కోరారు. డ్రైవర్ రజనీకుమార్ను కఠినంగా శిక్షించాలని డిమాండ్ చేశారు.
మరిన్ని తెలంగాణ న్యూస్ కోసం ఇక్కడ క్లిక్ చేయండి