AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

WhatsApp: వాట్సాప్‌లో అదిరిపోయే అప్‌డేట్.. కొత్త ఫీచర్‌ రాబోతోంది.. అదేంటో తెలుసా?

WhatsApp: ఇతర వాట్సాప్ ఫీచర్ల మాదిరిగానే, జాప్స్ ఫీచర్‌లో కూడా ఎండ్-టు-ఎండ్ ఎన్‌క్రిప్షన్ ఉంటుందని చెబుతున్నారు. అంటే పంపిన కంటెంట్‌ను పంపినవారు, స్వీకరించినవారు మాత్రమే చూడగలరు. అయితే, ఈ ఫీచర్ అధికారికంగా ప్రారంభమైన తర్వాతే పూర్తి వివరాలు వెల్లడవుతాయి. ప్రస్తుతం జాప్స్ ..

WhatsApp: వాట్సాప్‌లో అదిరిపోయే అప్‌డేట్.. కొత్త ఫీచర్‌ రాబోతోంది.. అదేంటో తెలుసా?
Whatsapp
Subhash Goud
|

Updated on: Nov 17, 2026 | 12:46 PM

Share

WhatsApp: కొత్త ఆప్షన్ ద్వారా పంపిన వీడియోలు చూసిన తర్వాత వాటంతట అవే అదృశ్యమవుతాయి. వాట్సాప్‌లో రాబోతున్న ఈ ఫీచర్‌ను ‘జాప్స్’ అని పిలుస్తున్నారని, ఇది ఇన్‌స్టాగ్రామ్ ‘ఇన్‌స్టంట్స్’ ఫీచర్‌ను పోలి ఉండవచ్చని అంటున్నారు. ఈ ఫీచర్‌లోని అత్యంత ప్రత్యేకమైన విషయం ఏమిటంటే, దీని ద్వారా పంపిన ఫోటో లేదా వీడియోను వినియోగదారుడు ఒక్కసారి మాత్రమే చూడగలరు. ఆ తర్వాత, వారు ఆ కంటెంట్‌ను మళ్లీ తెరవలేరు.

ఈ కొత్త వాట్సాప్ ఫీచర్‌ను WABetaInfo వెల్లడించింది. WABetaInfo నివేదిక ప్రకారం.. ఆండ్రాయిడ్ వినియోగదారుల కోసం వాట్సాప్ బీటా వెర్షన్ 2.26.46.2లో Zaps ఫీచర్‌కు సంబంధించిన కొన్ని సూచనలు కనుగొన్నారు. ఈ ఫీచర్ ప్రస్తుతం అభివృద్ధి దశలో ఉందని, ఇంకా బీటా వినియోగదారులకు విడుదల కాలేదని గమనించాలి. దీని విడుదలకు సంబంధించి మెటా ఎలాంటి అధికారిక వివరాలను పంచుకోలేదు.

వాట్సాప్ జాప్స్ ఫీచర్ ఎలా పనిచేస్తుంది?

నివేదిక ప్రకారం.. వాట్సాప్ ‘జాప్స్’ కోసం ఒక కొత్త ఇన్‌స్టంట్ కెమెరా ఫీచర్‌ను ప్రవేశపెట్టవచ్చు. వినియోగదారులు చాట్ ట్యాబ్‌లోని మెరుపు చిహ్నంపై క్లిక్ చేయడం ద్వారా ఈ కెమెరాను తెరవవచ్చు. ఆ తర్వాత వారు నేరుగా ఫోటో తీయవచ్చు లేదా ఒక చిన్న వీడియోను రికార్డ్ చేసి ఎవరికైనా పంపవచ్చు. ఈ ఫీచర్‌లోని అత్యంత ముఖ్యమైన విషయం ఏమిటంటే, పంపిన ఫోటోలు, వీడియోలను స్వీకరించిన వినియోగదారు వాటిని ఒక్కసారి మాత్రమే చూడగలరు. ఒకసారి చూసిన తర్వాత ఆ కంటెంట్ మళ్లీ అందుబాటులో ఉండదు. అయితే పంపిన వినియోగదారు మాత్రం. వారు చాట్‌లో పంపిన ‘జాప్స్’ను చూడగలుగుతారు.

ఇవి కూడా చదవండి

జ్యాప్‌లను చాట్‌లు, గ్రూపులు, ఛానెల్‌లకు కూడా పంపవచ్చు:

ఈ వాట్సాప్ ఫీచర్ ఇద్దరు వినియోగదారుల మధ్య సంభాషణలకు మాత్రమే పరిమితం కాదు. వినియోగదారులు దీనిని తమ కాంటాక్ట్‌లకు, గ్రూపులకు, ఛానెళ్లకు కూడా పంపవచ్చని నివేదిక చెబుతోంది. అంటే అవతలి వ్యక్తి ఉమ్మడి కాంటాక్ట్ అయి ఉండాల్సిన అవసరం లేదు.

ఒక వినియోగదారుడు ఒకేసారి అనేక Zapలను పంపితే WhatsApp వాటిని వేర్వేరు సందేశాలుగా చూపించకుండా ఒకే సమూహంగా చూపిస్తుంది. దీనివల్ల చాట్‌లలో పదేపదే వచ్చే ఫోటోలు, వీడియోల వలన కలిగే గందరగోళం తగ్గుతుంది. చూసేవారు ఎమోజీలు లేదా టెక్స్ట్‌తో కూడా స్పందించవచ్చు.

ఫోటోలు, వీడియోలు గోప్యంగా..

ఇతర వాట్సాప్ ఫీచర్ల మాదిరిగానే, జాప్స్ ఫీచర్‌లో కూడా ఎండ్-టు-ఎండ్ ఎన్‌క్రిప్షన్ ఉంటుందని చెబుతున్నారు. అంటే పంపిన కంటెంట్‌ను పంపినవారు, స్వీకరించినవారు మాత్రమే చూడగలరు. అయితే, ఈ ఫీచర్ అధికారికంగా ప్రారంభమైన తర్వాతే పూర్తి వివరాలు వెల్లడవుతాయి. ప్రస్తుతం జాప్స్ ఫీచర్ ఇంకా డెవలప్‌లోనే ఉంది. అందువల్ల కంపెనీ దీన్ని వినియోగదారులందరికీ ఎప్పుడు విడుదల చేస్తుందో స్పష్టంగా తెలియదు. వినియోగదారులు ఎన్ని సెకన్ల వీడియోను పంపగలరనే దానిపై కూడా ఇంకా ఎలాంటి సమాచారం లేదు.

మరిన్ని టెక్ వార్తల కోసం ఇక్కడ క్లిక్ చేయండి

Follow Us