హానర్ ఎక్స్5డీఎస్లో కేకపెట్టించే ఫీచర్! తక్కువ బడ్జెట్‌లో స్మార్ట్ఫోన్ కొనాలంటే ఇదే బెస్ట్‌
డ్యూయల్ స్క్రీన్ ఫోన్లు అనగానే ఇప్పటివరకు ఖరీదైన మోడళ్లే గుర్తొచ్చేవి. అయితే Honor X5dsతో ఈ టెక్నాలజీని బడ్జెట్ విభాగంలోకి తీసుకొచ్చింది Honor. సౌత్ ఆఫ్రికా మార్కెట్లో విడుదలైన ఈ ఫోన్ వెనుక భాగంలో ప్రత్యేకమైన చిన్న స్క్రీన్‌ను కలిగి ఉంది. రూ.14,500 ధరలో లభించే ఈ ఫోన్ పెద్ద బ్యాటరీతోనూ ఆకట్టుకుంటోంది.
బడ్జెట్‌లో కొత్తగా కనిపించే స్మార్ట్ఫోన్ కోసం చూస్తున్నవారికి Honor X5ds ఆసక్తికరమైన ఎంపికగా నిలవనుంది. ముందు పెద్ద 120Hz డిస్‌ప్లేతో పాటు వెనుక 2.01 అంగుళాల స్క్రీన్‌ను అందించారు. నోటిఫికేషన్లు చూడటం, పాటలు మార్చడం వంటి పనులతో పాటు వెనుక కెమెరాతో సెల్ఫీలు తీసుకునేటప్పుడు ఈ చిన్న స్క్రీన్‌ను ఉపయోగించుకోవచ్చు.
రెండు స్క్రీన్లతో ప్రత్యేక డిజైన్
Honor X5dsలో ముందు వైపు 6.78 అంగుళాల LCD డిస్‌ప్లే ఉంది. ఇది 120Hz రిఫ్రెష్ రేట్, 600 nits బ్రైట్‌నెస్‌ను అందిస్తుంది. వెనుక భాగంలో 2.01 అంగుళాల చిన్న స్క్రీన్ ఉంటుంది. దీని ద్వారా ఫోన్‌ను పూర్తిగా తెరవకుండా నోటిఫికేషన్లు చూసుకోవచ్చు. మ్యూజిక్ కంట్రోల్ చేసుకోవడంతో పాటు ప్రధాన కెమెరాతో సెల్ఫీలు తీసుకునే సమయంలో ఈ స్క్రీన్ రియర్ వ్యూ మానిటర్‌లా పనిచేస్తుంది.
కెమెరా విషయానికి వస్తే వెనుక భాగంలో 50MP మెయిన్ కెమెరా ఉంది. ఇది 4X డిజిటల్ జూమ్‌కు సపోర్ట్ చేస్తుంది. ముందు వైపు సెల్ఫీలు, వీడియో కాల్స్ కోసం 5MP కెమెరా అందించారు. డ్యూయల్ స్క్రీన్ డిజైన్‌తో పాటు కెమెరా సెటప్ కూడా రోజువారీ అవసరాలకు సరిపోయేలా ఉంది.
6000mAh బ్యాటరీ..
Honor X5dsలో 6000mAh భారీ బ్యాటరీని అందించారు. 15W ఛార్జింగ్ సపోర్ట్ ఉండటంతో బాక్స్‌లో ఛార్జర్ కూడా లభిస్తుంది. సాధారణ వినియోగంలో ఎక్కువ సమయం బ్యాటరీ బ్యాకప్ కోరుకునేవారికి ఇది ఉపయోగకరంగా ఉంటుంది.
పనితీరు కోసం Unisoc T610 ప్రాసెసర్‌ను ఉపయోగించారు. Android 16 Go ఆపరేటింగ్ సిస్టమ్‌పై పనిచేసే ఈ ఫోన్‌లో 4GB RAM, 64GB స్టోరేజ్ ఉన్నాయి. MicroSD కార్డ్ ద్వారా స్టోరేజ్‌ను పెంచుకోవచ్చు. డస్ట్, వాటర్ స్ప్లాష్ నుంచి రక్షణ కోసం IP52 రేటింగ్ ఇచ్చారు. Forest Green, Midnight Black రంగుల్లో లభించే ఈ ఫోన్ ధర 2,499 ర్యాండ్‌లు. భారత కరెన్సీలో ఇది సుమారు రూ.14,500గా ఉంటుంది.