Google Meet: గూగుల్ మీట్‌లో ఇంట్రెస్టింగ్ ఫీచర్‌.. మీటింగ్స్‌ సమయంలో రియాక్షన్స్‌ కోసం..
ప్రముఖ సెర్చ్‌ ఇంజన్‌ గూగుల్.. గూగుల్ మీట్‌లో కొత్త ఫీచర్‌ను పరిచయం చేస్తోంది. ఎమోజీ రియాక్షన్ పేరుతో ఈ ఫీచర్‌ను పరిచయం చేయనుంది. ప్రస్తుతం టెస్టింగ్ స్టేజ్‌లో ఉన్న ఈ ఫీచర్‌ను త్వరలోనే అందరికీ అందుబాటులోకి తీసుకురానున్నారు..
కరోనా తదనంతర పరిణామాల తర్వాత గూగుల్ మీట్ వినియోగం భారీగా పెరిగింది. ముఖ్యంగా వర్క్‌ ఫ్రమ్‌ హోమ్‌ కల్చర్‌ వచ్చిన తర్వాత గూగుల్ మీట్ వంటి వీడియో కాలింగ్‌ సాఫ్ట్‌వేర్‌లకు డిమాండ్‌ పెరిగింది.
పెరిగిన ఈ పోటీని తట్టుకునే క్రమంలో గూగుల్ తాజాగా గూగుల్ మీట్‌లో ఆసక్తికరమైన ఫీచర్లను తీసుకొస్తోంది. ఇప్పటికే స్క్రీన్ షేరింగ్, రియల్-టైమ్ క్యాప్షన్స్‌ వంటి ఫీచర్లను పరిచయం చేసిన గూగుల్ తాజాగా మరో కొత్త ఫీచర్‌ను తీసుకొచ్చే పనిలో పడింది.
ఎమోజీ రియాక్షన్ పేరుతో పరిచయం చేయనున్న ఈ ఫీచర్‌తో సమయంలో సహోద్యోగులకు సైలెంట్‌గా రియాక్షన్లు పంపడానికి ఉపయోగపడుతుంది. అలానే ఒకరితో ఒకరు కనెక్ట్ అవ్వడానికి, ఎంగేజ్ అవ్వడానికి చాలా సహాయపడుతుంది.
గూగుల్ మీట్ వెబ్‌ వెర్షన్‌తో పాటు, ఐఓస్‌లతో ఈ ఫీచర్‌ను ఉపయోగించుకోవచ్చు. ప్రస్తుతం టెస్టింగ్ స్టేజ్‌లో ఉన్న ఈ ఫీచర్‌ను త్వరలోనే అందుబాటులోకి తీసుకునురానున్నారు.
గూగుల్ మీట్‌లో కాల్ సమయంలో ఈ ఫీచర్‌ను ఉపయోగించుకోవచ్చు. కాల్ మాట్లాడుతున్న సమయంలో ఎమోజీ రియాక్షన్ల వరుస స్క్రీన్ ఎడమ వైపున కనిపిస్తుంది. చిన్న ఎమోజీ బ్యాడ్జ్‌లు యూజర్ల వీడియో టైల్‌కు టాప్ లెఫ్ట్ కార్నర్‌లో కూడా కనిపిస్తాయి. దీనిద్వారా యూజర్లు ఏ ఎమోజీ రియాక్షన్ వాడారో ఈజీగా తెలుస్తుంది.