యాపిల్ యూజర్లకు గుడ్న్యూస్! సిరిలో కీలక మార్పులు
యాపిల్ తన AI వ్యూహాన్ని విస్తరిస్తూ iOS 27తో అప్డేటెడ్ Siriని ప్రవేశపెడుతోంది. ఇది గూగుల్ జెమిని మోడళ్ల ఆధారంగా పనిచేయనుంది. Siri ఎక్స్టెన్షన్స్ ద్వారా థర్డ్-పార్టీ AI చాట్బాట్లను సిరిలోనే ఉపయోగించుకోవచ్చు. దీనికి ప్రత్యేక AI యాప్ స్టోర్ ఉంటుంది.
టెక్నాలజీ రంగంలో AIపై పోటీ వేగంగా పెరుగుతున్న సమయంలో యాపిల్ తన AI వ్యూహాన్ని మరింత విస్తరించేందుకు సిద్ధమవుతోంది. తాజా నివేదికల ప్రకారం సంస్థ iOS 27తో అప్డేటెడ్ Siriను ప్రవేశపెట్టే ప్రణాళికలో ఉంది. ఈ కొత్త సిరి, గూగుల్ జెమినీ మోడళ్ల ఆధారంగా పనిచేసే అవకాశం ఉందని సమాచారం. ఈ మార్పుల్లో అత్యంత ముఖ్యమైనది Siri Extensions అనే కొత్త ఫీచర్. దీని ద్వారా వినియోగదారులు సిరిలోనే థర్డ్-పార్టీ AI చాట్బాట్లను ఉపయోగించగలరు. ఉదాహరణకు క్లౌడ్ వంటి సేవలను నేరుగా సిరిలో అమలు చేసే అవకాశం ఉంటుంది. ఈ ఎక్స్టెన్షన్లను ఒక ప్రత్యేక AI యాప్ స్టోర్ ద్వారా యాక్సెస్ చేసే విధంగా ప్లాన్ చేస్తున్నట్లు తెలుస్తోంది.
ఈ చర్య ద్వారా యాపిల్ తన ప్లాట్ఫారమ్ ఆధిపత్యాన్ని ఉపయోగించి కొత్త ఆదాయ వనరులను సృష్టించాలనే దిశగా అడుగులు వేస్తోంది. OpenAI, గూగుల్ వంటి సంస్థలతో నేరుగా పోటీ పడటానికి బదులుగా, వాటి సేవలను తన ఎకోసిస్టమ్లోకి తీసుకురావడం ద్వారా కమిషన్ల రూపంలో లాభాలు పొందే వ్యూహాన్ని అనుసరిస్తున్నట్లు విశ్లేషకులు భావిస్తున్నారు. ఇదిలా ఉండగా యాపిల్ ఇప్పటికే జెమినీ ఆధారిత సిరి కోసం ఒక కీలక ఒప్పందాన్ని కుదుర్చుకున్నట్లు సమాచారం. కాంపో అనే కోడ్నేమ్తో అభివృద్ధి చేస్తున్న ఈ కొత్త వెర్షన్ను WWDC 2026లో జూన్ 8న ప్రకటించే అవకాశం ఉంది. అయితే వినియోగదారులకు ఇది పూర్తి స్థాయిలో అందుబాటులోకి రావాలంటే iOS 27 విడుదల వరకు, అంటే 2026 చివరి వరకు వేచి చూడాల్సి ఉంటుంది.
ఈ కొత్త సిరి మరింత అధునాతన సామర్థ్యాలతో, పనులను స్వయంగా పూర్తి చేయడం, వివరమైన సమాచారాన్ని అందించడం వంటి ఫీచర్లతో రానుంది. అదనంగా యాపిల్ ప్రత్యేక సిరి యాప్ను కూడా పరీక్షిస్తున్నట్లు సమాచారం, ఇది చాట్బాట్ మాదిరిగా పని చేసే విధంగా రూపుదిద్దుకుంటోంది. మొత్తంగా Apple AI రంగంలో ప్రత్యక్ష పోటీకి బదులుగా, ఓపెన్ ఎకోసిస్టమ్ను నిర్మిస్తూ, వినియోగదారులకు విస్తృత ఎంపికలు అందించే దిశగా కీలక వ్యూహాత్మక మార్పులు చేస్తోందని ఈ పరిణామాలు సూచిస్తున్నాయి.
మరిన్ని టెక్ వార్తల కోసం ఇక్కడ క్లిక్ చేయండి