ఆపిల్ ఐఫోన్లకు ప్రజల నుంచి ఉన్న ఆదరణ, డిమాండ్ గురించి ప్రత్యేకంగా చెప్పనక్కర్లేదు. ప్రతి ఒక్కరూ వీటిని కొనుగోలు చేయాలని ఎంతో ఆశపడతారు. అలాగే తమ స్టేటస్ కు సింబల్ గా కూడా వీటిని భావిస్తారు. ఐఫోన్లలో అనేక ప్రత్యేకతలు ఉంటాయి. వాటిని కూడా ఎప్పటికప్పుడు ఆపిల్ కంపెనీ అప్ డేట్ చేస్తూ వినియోగదారులకు మరింత మెరుగైన సేవలు అందజేస్తోంది.
సాధారణంగా ఐఫోన్ల ధర సామాన్య, మధ్య తరగతి ప్రజలకు భారంగా ఉంటుంది. దాన్ని కొనుగోలు చేయాలన్నా ఎంత ఆశ ఉన్నా అంత సొమ్ము వెచ్చించడం కష్టంగా మారుతుంది. అయితే ఐఫోన్ 15 అత్యంత తక్కువ ధరకు వినియోగదారులకు అందుబాటులోకి వచ్చింది. ఈ ఫోన్ విడుదలైన నాటి నుంచి వినియోగదారుల ఆదరణ పొందుతోంది. దీనిపై తరచూ తగ్గింపు ఆఫర్లు అందజేస్తున్నారు. ప్రస్తుతం అమెజాన్ లో కేవలం రూ.20,150కు ఈ ఫోన్ లభిస్తుంది. అదెలాగో ఇప్పుడు చూద్దాం..
ఈ రోజుల్లో అన్ని ప్రత్యేకతలు ఉన్న స్మార్ట్ ఫోన్ కొనాలంటే కనీసం రూ.20 వేలు పెట్టుబడి పెట్టాలి. ఒక్కోసారి దీనికంటే ఎక్కువగా ఖర్చు చేయాల్సి ఉంటుంది. కానీ అదే ధరకు ఐఫోన్ లభించడం నిజంగా బంపర్ ఆఫర్. కొత్తగా ఫోన్ కొనుగోలు చేయాలనుకునే వారికీ, ఐఫోన్ ను ఉపయోగించాలనే కోరిక ఉన్నవారికి ఇదే మంచి అవకాశం.
అమెజాన్ లో ప్రస్తుతం ఐఫోన్ 15 (128 జీబీ, బ్లాక్)ను కేవలం రూ. 20,150కు సొంతం చేసుకోవచ్చు. ఈ మోడల్ను కొనుగోలు చేయాలనుకునే వారికి గొప్ప అవకాశం. అయితే ఈ ధరలో ఫోన్ ను పొందడానికి కొన్ని మార్గాలు ఉన్నాయి. ముందుగా ఆఫర్ నిబంధనలను తెలుసుకుందాం.
అమెజాన్ లో ఆపిల్ ఐఫోన్ 15 (128 జీబీ, బ్లాక్) ప్రస్తుతం రూ.79,900కు అందుబాటులో ఉంది. దీనిపై 11 శాతం తగ్గింపును ప్రకటించారు. దీంతో రూ.70,999కు ధర తగ్గింది. అలాగే వినియోగదారులు తమ పాత ఫోన్ను మంచి స్థితిలో ట్రేడింగ్ చేయడం ద్వారా 44,925 వరకూ ఆదా చేసుకోవచ్చు. దానితో ఐఫోన్ 15ను రూ. 26,074కి తగ్గించే అవకాశం కలుగుతుంది. అదనంగా అమెజాన్ పే, ఐసీఐసీఐ బ్యాంక్ క్రెడిట్ కార్డు ఉన్నవారికి రూ.5,924 వరకూ తగ్గింపు అందిస్తున్నారు. దీంతో ఐఫోన్ 15ను చివరకూ రూ.20,150 సొంతం చేసుకోవచ్చు.
మరిన్ని టెక్నాలజీ వార్తల కోసం ఇక్కడ క్లిక్ చేయండి..