AI Privacy Alert: ఏఐతో చాటింగ్ చేస్తున్నారా?.. పొరపాటున కూడా ఈ రహస్యాలను పంచుకుంటే సర్వనాశనమే!
ప్రస్తుత డిజిటల్ యుగంలో ఆర్టిఫిషియల్ ఇంటెలిజెన్స్ హవా నడుస్తోంది. విద్యార్థుల ప్రాజెక్టుల నుండి ఆఫీస్ పనుల వరకు చాలా మంది చాట్జీపీటీ, గూగుల్ జెమిని వంటి ఏఐ చాట్బాట్లను విరివిగా ఉపయోగిస్తున్నారు. ఇవి మన ప్రశ్నలకు తక్షణమే సమాధానాలు ఇస్తూ, స్నేహితుడిలా సహాయం చేస్తుండటంతో.. చాలా మంది వీటికి అలవాటుపడి తమ వ్యక్తిగత విషయాలను కూడా షేర్ చేస్తున్నారు. అయితే, ఏఐ చాట్బాట్లతో మనం చేసే సంభాషణలు పూర్తిగా సురక్షితం కావని, మనం ఇచ్చే ప్రతి సమాచారం వాటి సర్వర్లలో రికార్డ్ అవుతుందని సైబర్ సెక్యూరిటీ నిపుణులు హెచ్చరిస్తున్నారు. దాం.
సాంకేతిక నిపుణుల నివేదికల ప్రకారం.. ఏఐ టూల్స్ అనేవి మన డేటా ఆధారంగానే తమను తాము అప్గ్రేడ్ చేసుకుంటాయి. కాబట్టి మనం ప్రైవేట్గా అనుకుని ఎంటర్ చేసే సమాచారం ఇతరులకు చేరే ప్రమాదం ఉంది. ఏఐ చాట్బాట్లలో అస్సలు ఎంటర్ చేయకూడని ఆ 5 వస్తువులు ఇవే..మీ ప్రైవసీకి భంగం కలగకుండా ఉండాలంటే, ఏఐ చాట్బాట్లతో ఎప్పటికీ పంచుకోకూడని ఆ 5 ముఖ్యమైన విషయాలు ఏంటో ఇప్పుడు తెలుసుకుం
1. బ్యాంకింగ్, ఆర్థిక వివరాలు
చాలా మంది బడ్జెట్ ప్లాన్ చేసుకోవడానికో లేదా పన్నుల గురించిన సమాచారం కోసమో తమ బ్యాంక్ ఖాతా సంఖ్యలు, క్రెడిట్/డెబిట్ కార్డ్ నంబర్లు, సీవీవీ లేదా పర్సనల్ ఐడెంటిఫికేషన్ నంబర్లను చాట్బాట్లో టైప్ చేస్తుంటారు. ఇలా చేయడం అత్యంత ప్రమాదకరం. ఏఐ ప్లాట్ఫారమ్లలో డేటా లీక్ జరిగితే మీ ఆర్థిక సమాచారం సైబర్ నేరగాళ్ల చేతికి చిక్కి బ్యాంక్ ఖాతాలు ఖాళీ అయ్యే ముప్పు ఉంది.
2. పాస్వర్డ్లు, లాగిన్ ఐడీలు
మీ సోషల్ మీడియా అకౌంట్లు, ఈమెయిల్ లేదా నెట్ బ్యాంకింగ్కు సంబంధించిన పాస్వర్డ్లను ఎట్టి పరిస్థితుల్లోనూ ఏఐ చాట్బాట్లకు చెప్పకూడదు. అలాగే పాత పాస్వర్డ్లను మార్చడం ఎలాగో తెలుసుకోవడానికి మీ ప్రస్తుత లాగిన్ వివరాలను అందులో పేస్ట్ చేయవద్దు. పాస్వర్డ్ల భద్రత కోసం కేవలం విశ్వసనీయమైన పాస్వర్డ్ మేనేజర్లను మాత్రమే వాడాలి.
3. ఆఫీస్ రహస్యాలు, కంపెనీ డాక్యుమెంట్లు:
ఉద్యోగులు తమ ఆఫీస్ పనులను సులువుగా ముగించడానికి కంపెనీకి సంబంధించిన అంతర్గత నివేదికలు, కోడింగ్ వివరాలు, క్లయింట్ లిస్టులు లేదా భవిష్యత్తు బిజినెస్ ప్లాన్లను ఏఐ టూల్స్లో అప్లోడ్ చేస్తుంటారు. చాలా కంపెనీలు తమ డేటా లీక్ కాకుండా ఉండేందుకు ఇప్పటికే ఏఐ వినియోగంపై నిషేధం లేదా కఠిన నిబంధనలు పెట్టాయి. ఆఫీస్ డేటాను ఏఐతో షేర్ చేయడం వల్ల కంపెనీ ట్రేడ్ సీక్రెట్స్ బయటకు వచ్చే ప్రమాదం ఉంది.
4. వ్యక్తిగత గుర్తింపు కార్డులు
మీ ఆధార్ కార్డ్, పాన్ కార్డ్, పాస్పోర్ట్, డ్రైవింగ్ లైసెన్స్ లేదా మీ పూర్తి పేరు, ఇంటి అడ్రస్ వంటి వ్యక్తిగత వివరాలను ఏఐ చాట్లో షేర్ చేయకూడదు. పిడిఎఫ్ ఫైళ్లను ఎడిట్ లేదా సమరైజ్ చేయడానికి ఇలాంటి ఐడీ కార్డులను అప్లోడ్ చేస్తే, డిజిటల్ లీక్స్ ద్వారా మీ ఐడెంటిటీని దొంగిలించి మీ పేరుతో ఇతరులు మోసాలకు పాల్పడే అవకాశం ఉంది.
5. వైద్య, వ్యక్తిగత ఆరోగ్య సమాచారం
శరీరంలో ఏదైనా అనారోగ్య లక్షణాలు కనిపించినప్పుడు వైద్యుడి దగ్గరికి వెళ్లకుండా.. చాలా మంది ఏఐ చాట్బాట్లలో తమ మెడికల్ రిపోర్టులను అప్లోడ్ చేసి సలహాలు అడుగుతుంటారు. ఏఐ చాట్బాట్లు వైద్య నిపుణులు కావు, అవి ఇచ్చే సమాచారం కొన్నిసార్లు తప్పుగా ఉండవచ్చు. పైగా మీ హెల్త్ డేటా లీక్ అయితే, భవిష్యత్తులో ఇన్సూరెన్స్ కంపెనీలు లేదా యాడ్ ఏజెన్సీలు మిమ్మల్ని టార్గెట్ చేసే అవకాశం ఉంటుంది.
సురక్షితంగా ఉండటానికి గోల్డెన్ రూల్:
ఏఐ చాట్బాట్ను వాడుతున్నప్పుడు సెట్టింగ్స్లోకి వెళ్లి ‘డేటా ట్రైనింగ్’ ఆప్షన్ను ఆఫ్ చేసి ఉంచడం మంచిది. అలాగే, ఇంటర్నెట్లో అందరి ముందు చెప్పడానికి వీల్లేని ఏ విషయాన్నీ ఏఐ చాట్బాట్ స్క్రీన్ పైన టైప్ చేయకపోవడమే మీ ప్రైవసీకి శ్రీరామరక్ష!
గమనిక : ఇది కేవలం సమాచారం మాత్రమే. పైన పేర్కొన్న వివరాలు అంతర్జాతీయ సైబర్ సెక్యూరిటీ నిపుణుల నివేదికలు మరియు సాంకేతిక అధ్యయనాల ప్రాతిపదికన అందించబడ్డాయి. ఏఐ టూల్స్ వాడేటప్పుడు ఆయా సంస్థల ప్రైవసీ పాలసీలను గమనించడం శ్రేయస్కరం. దీనికి సంస్థ ఎలాంటి బాధ్యత వహించదు.