Breaking News
  • కాశ్మీర్లో ఉగ్రవాదుల గ్రనేడ్ దాడి. అనంత్‌నాగ్ సమీపంలోని బిజ్‌బెహారా వద్ద ఘటన. సీఆర్పీఎఫ్ క్యాంపుపై గ్రనేడ్ విసిరిన ఉగ్రవాదులు. ఘటనలో ఎవరూ గాయపడలేదని సీఆర్పీఎఫ్ వెల్లడి.
  • మూడోరోజు రాత్రి శ్రీవేంకటేశ్వర స్వామి వారికి జరిగే సుకుమార సేవగా ముత్యపుపందిరి వాహనాన్ని చెప్పవచ్చు. ముక్తి సాధనకు ముత్యం లాంటి స్వచ్ఛమైన మనసు కావాలని లోకానికి ఈ వాహనం ద్వారా స్వామివారు చాటి చెబుతారు. శ్రీనివాసుడు ముత్యపు పందిరిపై మనోరంజకంగా దర్శనమిస్తూ భక్తులకు కనువిందు చేస్తాడు.
  • రానున్న జిహెచ్ఎంసి ఎన్నికల నేపథ్యంలో అన్ని రాజకీయ పార్టీలకు రాష్ట్ర ఎన్నికల సంఘం లేఖ. కోవిడ్ నేపథ్యంలో బ్యాలెట్ పేపర్ లేదా ఈవీఎంల ద్వారా ఎన్నికల నిర్వహణకు సంబంధించి పార్టీల అభిప్రాయం తెలపాలని సూచన. ఈనెల 30వ తేదీ లోపు తమ అభిప్రాయాలు, సూచనలు ఇవ్వాలని లేఖలో పేర్కొన్న రాష్ట్ర ఎన్నికల సంఘం. ఈనెల 30వ తేదీ తరువాత ఇచ్చే సూచనలు పరిగణనలోకి తీసుకోబడవని తేల్చి చెప్పిన రాష్ట్ర ఎన్నికల సంఘం.
  • కోవిడ్ సమయంలో ఎన్నికల నిర్వహణపై ముగిసిన అంతర్జాతీయ సదస్సు. వీడియో కాన్ఫరెన్సు ద్వారా చర్చించుకున్న పలు దేశాల ఎన్నికల సంఘాలు. స్వేచ్ఛాయుతంగా, పారదర్శకంగా సకాలంలో ఎన్నికల నిర్వహణపై చర్చ. కోవిడ్ సమయంలో ఎన్నికల నిర్వహణపై అభిప్రాయాలు, అనుభవాలు, ఆలోచనలను పంచుకున్న ఎన్నికల సంఘాలు. మహమ్మారి సందర్భంగా అనుసరించాల్సిన ప్రొటోకాల్స్‌పై మేథోమధనం.
  • 2021-22 సంవత్సరానికి ఆరు రబీ పంటలకు కనీస మద్దతు ధరను పెంచుతూ కేంద్రం నిర్ణయం. లోక్ సభలో ప్రకటన చేసిన కేంద్ర వ్యవసాయ శాఖ మంత్రి నరేంద్రసింగ్ తోమర్. మద్దతు ధర తొలగించబడుతుందనే అసత్యాలు తొలగించడానికి కేంద్ర ప్రభుత్వం స్పష్టమైన సందేశాన్ని ఇస్తుంది. గోధుమలకు క్వింటాకు 50రూ పెంపు. శెనగలు క్వింటాకు 225 రు పెంపు. మసూర్ దాల్ క్వింటాకు 300రూ పెంపు. ఆవాలు క్వింటాకు 225రూ పెంపు. బార్లీ క్వింటాకు 75రూ పెంపు. కుసుమలు క్వింటాకు 112 రూ పెంపు.
  • ఈనెల 28,29న తెలంగాణ ఎంసెట్ అగ్రికల్చర్, మెడికల్ ప్రవేశ పరీక్ష. ఆన్లైన్ ద్వారా పరీక్ష నిర్వహించనున్న జేఎన్టీయూ. మొత్తం 84 పరీక్ష కేంద్రాల్లో 67 తెలంగాణ,17 ఏపీ పరీక్ష కేంద్రాల ఏర్పాటు. పరీక్ష కు హాజరుకానున్న 78970 మంది విద్యార్థులు. రెండు రోజులు రెండు సెషన్స్ లో ఎక్జాం. నేటి నుండి ఈనెల 25 హాల్ టికెట్స్ వెబ్ సైట్ లో అందుబాటు.
  • మాజీ అడ్వకేట్ జనరల్ దమ్మాలపాటి శ్రీనివాస్ కేసులో సుప్రీం కోర్టులో పిటిషన్ దాఖలు చేసిన ఏపీ ప్రభుత్వం . ఏపీ హైకోర్టు ఇచ్చిన స్టే ఎత్తివేయాలని పిటిషన్ లో వినతి. దర్యాప్తును నిలిపివేస్తూ కొద్ది రోజుల క్రితం తీర్పునిచ్చిన హైకోర్టు. కేసు దర్యాప్తుపై స్టే విధించడం వల్ల కీలకమైన ఆధారాలను నిందితులు నాశనం చేసే అవకాశం ఉందని పిటిషన్లో వాదన.

‘మన్కడింగ్ ఔట్’ అంటే ఏంటి..!

Mankading Out, ‘మన్కడింగ్ ఔట్’ అంటే ఏంటి..!

సోమవారం రాజస్థాన్ రాయల్స్, కింగ్స్ పంజాబ్‌ మధ్య జరిగిన ఐపీఎల్ మ్యాచ్‌లో జోస్ బట్లర్‌ను రవిచంద్రన్ అశ్విన్ మన్కడింగ్ ఔట్ చేశాడు. దీంతో ఈ పదంపై ఇప్పుడు సోషల్ మీడియాలో చర్చ జరుగుతోంది. అయితే ఈ విధంగా ఔట్ జరగడం ఇది మొదటిదేం కాదు. గతంలో కపిల్ శర్మ, గేల్ వంటి క్రీడాకారులు మన్కడింగ్ ఔట్ ద్వారా బ్యాట్స్‌మన్‌లను ఔట్ చేశారు.

‘మన్కడింగ్ ఔట్’ వెనుక కథ
1947-48 ఆస్ట్రేలియా పర్యటనలో భారత దిగ్గజ బౌలర్ వినూ మన్కడ్ బౌలింగ్ చేస్తున్న సమయంలో ఆసీస్ బ్యాట్స్‌మన్ బిల్ బ్రౌన్ పదేపదే బంతి వేయకముందే క్రీజు వదిలి పరుగుకు ప్రయత్నించాడు. దీంతో పలుమార్లు అతడిని వారించాడు మన్కడ్. దీంతో బ్రౌన్ క్రీజు దాటిన తరువాత మన్కడ్ అతడిని రనౌట్ చేయడంతో అతడిపై తీవ్ర విమర్శలు చెలరేగాయి. ఈ పర్యటనలో మరోసారి బ్రౌన్‌ను మన్కడ్‌ను ఔట్ చేశాడు. అప్పటి నుంచి ఆయన పేరు మీద మన్కడింగ్ ఔట్‌గా పిలుస్తున్నారు.

Mankading Out, ‘మన్కడింగ్ ఔట్’ అంటే ఏంటి..!

అయితే తొలుత నిబంధన 42.15 ప్రకారం బౌలర్ బంతి విసరకముందే నాన్ స్ట్రయికర్ క్రీజ్ దాటినప్పుడు మాత్రమే అతడిని అవుట్ చేసే అవకాశం కలిగేది. కానీ ఎంసీసీ(మెరిలిన్ క్రికెట్ క్లబ్) బౌలర్లకు అనుకూలంగా ఈ నిబంధనను 41.16గా మార్చేసింది. సవరించిన నిబంధన ప్రకారం బంతి విడుదలకు ముందు చేయి పూర్తిగా తిరిగినా ఔట్ చేసే వెసులుబాటు కల్పించారు. అయితే ఇది క్రీడాస్ఫూర్తికి విరుద్ధమని, ఈ నిబంధనను వెంటనే తొలగించాలని డిమాండ్ చేస్తున్నారు.

Mankading Out, ‘మన్కడింగ్ ఔట్’ అంటే ఏంటి..!

మరోవైపు ఈ మన్కడింగ్‌ పదాన్నే పూర్తిగా తొలిగించాలని భారత మాజీ కెప్టెన్ సునీల్ గవాస్కర్ ఆగ్రహం వ్యక్తం చేస్తూ ఏసీసీకి సూచించారు. క్రీడాస్ఫూర్తిగా విరుద్ధమైన రనౌట్‌గా పరిగణించే ఈ ప్రక్రియకు భారత క్రికెట్ దిగ్గజం పేరును కొనసాగించడాన్ని ఆయన తప్పుబట్టారు. అంతగా అవసరమైతే తొలిసారిగా ఔటైన బిల్ బౌన్ పేరు మీదుగా బౌన్డ్ అని పిలువాలంటూ ఆయన పేర్కొన్నారు.

Related Tags