Rohit Wishes To Virat: విరుష్క జంటకు శుభాకాంక్షలు చెప్పిన రోహిత్ శర్మ.. మిమ్మల్ని దేవుడు చల్లగా చూడాలంటూ దీవెన

Rohit Wishes To Virat:  టీమిండియా కెప్టెన్ విరాట్ కోహ్లీ అనుష్కల జీవితంలోకి కొత్త ఏడాది కొత్త వెలుగు తెచ్చింది. ఈ దంపతులకు లక్ష్మి దేవి పుట్టింది. ఈ నేపథ్యంలో తన సహచర ఆటగాడు కోహ్లీకి .. వైస్ కెప్టెన్ రోహిత్ శర్మ శుభాకాంక్షలు చెప్పాడు. ట్విట్టర్ వేదికగా విరుష్క జంటకు విషెష్ తెలిపాడు. కూతురు పుట్టిన సంతోషాన్ని కోహ్లీ ట్విట్టర్ వేదికగా పంచుకున్నాడు. ఈ ట్వీట్ ను రీట్వీట్ చేస్తూ రోహిత్ శర్మ ఇది గొప్ప అనుభూతి విరుష్క జంటకు అభినందనలు.. మీ కుటుంబానికి ఆ దేవుడి ఆశీస్సులు ఎల్లప్పుడూ ఉండాలని కోరుకున్నాడు.

కోహ్లీ జంటకు సినీ రాజకీయ క్రీడాకారుల నుంచి శుభాకాంక్షలు వచ్చినా .. అందరి దృష్టిని ఆకర్షించింది మాత్రం రోహిత్ శర్మనే .. ఎందుకంటే గత కొంత కాలంగా రోహిత్ శర్మ, విరాట్‌ల మధ్య విభేదాలున్నాయని వార్తలు వినిపించాయి. అందుకు నిదర్శనంగా రోహిత్ శర్మ ట్విట్టర్ అకౌంట్ ఫాలోవర్స్ నుంచి విరుష్క జంట తొలగిపోవడం.. కోహ్లీ కి పుట్టిన రోజు శుభాకాంక్షలు చెప్పక పోవడం.. ఆస్ట్రేలియా టూర్‌కి రోహిత్ ఎంపిక కాకపోవడం .. అనంతరం ఎంపికైనా ఆసీస్‌కు వెళ్ళక పోవడం వంటి అనేక విషయాలు వీరిద్ది మధ్య కోల్డ్ వార్ జరుగుతుంది అని అందరు భావించేలా చేశాయి అయితే విరుష్క జంటకు పుట్టిన బిడ్డ వీరిద్దరి మధ్య సయోధ్యను కుదిర్చినట్లయింది. తండ్రైన విరాట్‌కు రోహిత్ శర్మ శుభాకాంక్షలు చెబుతూ ట్విట్ చేయడంతో అభిమానులు హర్షం వ్యక్తం చేస్తున్నారు. ఈ ట్విట్‌తో తమ ఇద్దరి మధ్య ఎలాంటి విభేదాలు లేవనే సంకేతాలిచ్చినట్లు అయ్యింది.

Also Read: తాను అలా మాట్లాడడం తప్పే.. భవిష్యత్ లో ఇలాంటి పనులు చేయనన్న కంగారూల కెప్టెన్