Pro Kabaddi: ఒకే మ్యాచ్‌లో 20 పాయింట్లు సాధించిన యువ రైడర్‌లు.. లిస్ట్‌లో డేంజరస్ ప్లేయర్

Pro Kabaddi 2024: ప్రో కబడ్డీ లీగ్ 11వ సీజన్ ప్రారంభమై 20 రోజులకు పైగా గడిచింది. హైదరాబాద్‌‌లో ఈ టోర్నీ ముగియనుంది. ఆ తర్వాత నోయిడా లెగ్ మొదలుకానుంది. ఈ సమయంలో, చాలా మంది ఆటగాళ్లు అద్భుతంగా రాణించగా, కొంతమంది ఆటగాళ్ల ప్రదర్శన అంతగా లేదు. కొంతమంది యువ రైడర్లు అద్భుతమైన ప్రదర్శన కనబరిచారు. ఈ రైడర్లు కేవలం ఒక్క మ్యాచ్‌లోనే పాయింట్ల వర్షం కురిపించారు.

ప్రో కబడ్డీ లీగ్ 11వ సీజన్‌లో ఒక మ్యాచ్‌లో 20 లేదా అంతకంటే ఎక్కువ పాయింట్లు సాధించిన ఇద్దరు రైడర్‌ల గురించి ఇప్పుడు తెలుసుకుందాం.. ఈ జాబితాలో ఇద్దరు అద్భుతమైన డిఫెండర్లు చేరారు.

2. అర్జున్ దేశ్వాల్ – 20 పాయింట్లు vs పాట్నా పైరేట్స్..

గత రెండు సీజన్‌ల మాదిరిగానే, జైపూర్ పింక్ పాంథర్స్‌కు చెందిన అర్జున్ దేశ్వాల్ ఈ సీజన్‌లో కూడా అద్భుతంగా రాణిస్తున్నాడు. పాట్నా పైరేట్స్‌తో జరిగిన మ్యాచ్‌లో 20 పాయింట్లు సాధించాడు. ఈ మ్యాచ్‌లో అర్జున్ దేశ్వాల్ కూడా సూపర్ రైడ్ కొట్టాడు. అర్జున్ దేశ్వాల్ ఒకే రైడ్‌లో ఐదు పాయింట్లు సాధించాడు. అయినప్పటికీ, అతని జట్టు ఓటమిని ఎదుర్కోవలసి వచ్చింది. ఆ మ్యాచ్‌లో జట్టు ఓడిపోయినా.. అర్జున్ దేశ్వాల్ తన ఆటతీరుతో అందరి మనసులు గెలుచుకున్నాడు. ఓవరాల్‌గా ఇప్పటి వరకు 7 మ్యాచ్ లాడి 73 పాయింట్లు సాధించాడు. అతను టాప్-5 రైడర్ల జాబితాలో కొనసాగుతున్నాడు.

1. దేవాంక్- 25 పాయింట్లు vs తమిళ్ తలైవాస్..

సీజన్ ప్రారంభానికి ముందు పాట్నా పైరేట్స్‌కు చెందిన దేవాంక్ ఇలా రాణిస్తాడని ఎవరూ ఊహించలేదు. ఈ సీజన్‌లో దేవాంక్‌ ఆడిన తీరు అందరినీ ఆశ్చర్యానికి గురి చేసింది. ఈ సీజన్‌లో రైడర్‌లందరిలో అతని సగటు అత్యుత్తమం. దేవాంక్ కేవలం 7 మ్యాచ్‌ల్లో 87 పాయింట్లు సాధించాడు. వీరిలో దేవాంక్ ఒకే ఒక్క మ్యాచ్‌లో 25 పాయింట్లు సాధించాడు. తమిళ్ తలైవాస్‌తో జరిగిన మ్యాచ్‌లో 25 పాయింట్లు సాధించిన ఘనత సాధించాడు. ఈ సీజన్‌లో ఒక మ్యాచ్‌లో అత్యధిక రైడ్ పాయింట్లు సాధించిన ఆటగాడిగా నిలిచాడు.

మరిన్ని క్రీడా వార్తల కోసం ఇక్కడ క్లిక్ చేయండి..