ఒక్క బంతికి 18 పరుగులు.. క్రికెట్ చరిత్రలోనే అత్యంత చెత్త ఓవర్.. ఆ బౌలర్ మరెవరో కాదు.!

Tnpl 2023

ప్రస్తుతం తమిళనాడు ప్రీమియర్ లీగ్ జరుగుతోంది. ఐపీఎల్‌లో ఆడిన విజయ్ శంకర్, నటరాజన్, సాయి సుదర్శన్, షారూఖ్ ఖాన్, రవిచంద్రన్ అశ్విన్ లాంటి కీలక ప్లేయర్స్.. ఈ లీగ్‌లో ప్రధాన ఆకర్షణగా నిలవనున్నారు. ఇదిలా ఉంటే.. మంగళవారం ఈ లీగ్‌లో భాగంగా సేలం స్పార్టాన్స్, చెపాక్ సూపర్ గిల్లీస్ జట్ల మధ్య మ్యాచ్ జరిగింది. ఇందులో మొదట బ్యాటింగ్ చేసిన చెపాక్ జట్టు 20 ఓవర్లలో 5 వికెట్లకు 217 పరుగులు చేసింది. రంజన్ పాల్(88) టాప్ స్కోరర్ కాగా, కెప్టెన్ నారాయణ్ జగదీశన్(35), సంజయ్ యాదవ్(31 నాటౌట్) మెరుపు ఇన్నింగ్స్‌లతో ఆకట్టుకున్నారు.

అయితే ఈ మ్యాచ్‌లో బౌలింగ్ చేసిన సేలం కెప్టెన్ అభిషేక్ తన్వార్ క్రికెట్ చరిత్రలోనే అత్యంత చెత్త ఓవర్ వేశాడు. చెపాక్ బ్యాటింగ్ చేస్తున్న సమయంలో 20 ఓవర్ వేసిన అతడు.. ఆ ఓవర్ ఆఖరి బంతికి ఏకంగా 18 పరుగులు సమర్పించుకున్నాడు. వరుసగా మూడు నో బాల్స్‌తో పాటు వైడ్ అలాగే ఆ నోబాల్స్‌లో 8 పరుగులతో పాటు చివరిగా వేసిన సరైన బంతికి 6 పరుగులు ఇచ్చి.. ఏకంగా ఒక్క బంతికి 18 పరుగులు ఇచ్చిన బౌలర్‌గా రికార్డుల్లోకి ఎక్కాడు. కాగా, అనంతరం బ్యాటింగ్‌కు దిగిన సేలం జట్టు 20 ఓవర్లలో 9 వికెట్లకు 165 పరుగులు మాత్రమే చేయగలిగింది. ముహమ్మద్ అద్నాన్ ఖాన్(47), ఆకాశ్ సుమ్ర(24) రాణించారు. చెపాక్ బౌలర్లలో బాబా అపరజిత్, రాకీ భాస్కర్, విజు అరుల్ తలో రెండు వికెట్లు పడగొట్టారు.