Azharuddin: సుప్రీంకోర్టులో అజారుద్దీన్కు ఎదురుదెబ్బ.. కోర్టు ధిక్కరణ నోటీసులు జారీ..
హైదరాబాద్ క్రికెట్ అసోసియేషన్ (హెచ్‌సిఎ), నల్గొండ జిల్లా క్రికెట్ అసోసియేషన్ (ఎన్‌డిసిఎ) మధ్య వివాదంలో తెలంగాణ హైకోర్టు జారీ చేసిన ధిక్కార నోటీసుపై అజారుద్దీన్ చేసిన పిటిషన్‌ను స్వీకరించడానికి సుప్రీంకోర్టు శుక్రవారం నిరాకరించింది.
కోర్టు ధిక్కరణ నోటీసులుపై అజారుద్దీన్కు సుప్రీంకోర్టులో ఎదురుదెబ్బ తగిలింది. హైదరాబాద్ క్రికెట్ అసోసియేషన్ (హెచ్‌సిఎ), నల్గొండ జిల్లా క్రికెట్ అసోసియేషన్ (ఎన్‌డిసిఎ) మధ్య వివాదంలో తెలంగాణ హైకోర్టు జారీ చేసిన ధిక్కార నోటీసుపై అజారుద్దీన్ చేసిన పిటిషన్‌ను స్వీకరించడానికి సుప్రీంకోర్టు శుక్రవారం నిరాకరించింది. ఇది కేవలం ధిక్కరణ నోటీసును వ్యతిరేకిస్తూ చేసిన అభ్యర్థన మాత్రమేనని.. ఈ దశలో పిటిషన్‌ను విచారణకు స్వీకరించలేమని సుప్రీం కోర్టు స్పష్టం చేసింది. ఈ దశలో అజహరుద్దీన్‌ పిటిషన్‌ను స్వీకరించేందుకు న్యాయమూర్తులు బిఆర్‌ గవాయ్ , ప్రశాంత్‌ కుమార్‌ మిశ్రాలతో కూడిన ధర్మాసనం విముఖత చూపింది.
అయితే హైకోర్టు ధిక్కార నోటీసును మాత్రమే జారీ చేసింది. అయితే ఈ విషయాన్ని కోర్టులో తీసుకోవాలని ఆయన న్యాయవాది గట్టిగా కోరినప్పటికీ. “ఈ విజ్ఞప్తి కేవలం నోటీసుకు వ్యతిరేకంగా ఉంది. మీరు ధిక్కారానికి పాల్పడ్డారా?” అని జస్టిస్ గవాయ్ న్యాయవాదిని ప్రశ్నించారు. తెలంగాణ హైకోర్టు కోఆర్డినేట్ బెంచ్ ముందు రిట్ పిటిషన్ పెండింగ్‌లో ఉందని, వాటిని కలిసి విచారించాలని న్యాయవాది ధర్మాసనానికి తెలియజేశారు.
హెచ్‌సిఎ నిర్వహించే లీగ్‌ మ్యాచ్‌ల్లో పాల్గొనేందుకు తమను అనుమతించేలా ఆదేశాలివ్వాలని కోరుతూ నల్గొండ జిల్లా క్రికెట్ అసోసియేషన్ 2021లో తెలంగాణ హైకోర్టులో పిటిషన్ దాఖలు చేసింది.
2022 నాటి హైకోర్టు ఉత్తర్వులను హెచ్‌సీఏ ఉద్దేశపూర్వకంగా పాటించట్లేదని.. అంతేగాక, నల్గొండ క్రికెట్ అసోసియేషన్ ఆటగాళ్ల రిజిస్ట్రేషన్‌ను కూడా అజహరుద్దీన్‌ అనుమతించలేదని తెలిపింది. దీంతో తెలంగాణ హైకోర్టు అజారుద్దీన్కు ధిక్కర నోటీసులు జారీ చేసింది.
మరిన్ని క్రికెట్ న్యూస్ కోసం