SL vs IND 2nd Test: 54 ఫస్ట్ క్లాస్ మ్యాచ్‌లు, 2223 రన్స్.. 33 ఏళ్ల వయసులో టీమిండియాలోకి ఎంట్రీ..?

India Vs Sri Lanka 2nd Test Saransh Jain

India vs Sri Lanka 2nd Test: గాలే వేదికగా ముగిసిన మొదటి టెస్టులో శుభ్‌మన్ గిల్ నేతృత్వంలోని భారత జట్టు అద్భుత విజయాన్ని అందుకుంది. అయితే బ్యాటింగ్ లైనప్‌లో లోతు తగ్గడం, రెండో ఇన్నింగ్స్‌లో భారత్ కేవలం 193 పరుగులకే కుప్పకూలడం టీమ్ మేనేజ్‌మెంట్‌ను ఆలోచనలో పడేసింది. ఈ క్రమంలో 33 ఏళ్ల ఆల్‌రౌండర్ సారాంశ్ జైన్ తుది జట్టులోకి రావడం దాదాపు ఖాయంగా కనిపిస్తోంది. కుల్దీప్ యాదవ్ తొలి టెస్టులో లయ కోల్పోయి ధారాళంగా పరుగులు సమర్పించుకోవడంతో పాటు కేవలం ఒక్క వికెట్ మాత్రమే తీయగలిగాడు. దీంతో జట్టు కూర్పును మరింత బలోపేతం చేసేందుకు ఆఫ్ స్పిన్ బౌలింగ్ వేసే సారాంశ్ వైపు యాజమాన్యం మొగ్గు చూపుతోంది.

లంక బ్యాటర్ల బలహీనత.. ఆఫ్ స్పిన్ అస్త్రం..

లంక జట్టులో కుడిచేతి వాటం బ్యాటర్లు ఎక్కువగా ఉండటం భారత్‌కు కలిసివచ్చే అంశం. వారు ఆఫ్ స్పిన్ బౌలింగ్‌ను ఎదుర్కోవడంలో ఇబ్బంది పడుతున్నారు. ఉదాహరణకు లంక ఓపెనర్ నిషాన్ మదుష్క కేవలం 5 ఇన్నింగ్స్‌ల్లో రెండుసార్లు కుడిచేతి ఆఫ్ స్పిన్నర్లకే వికెట్ సమర్పించుకున్నాడు. గాలేలో అరంగేట్రం చేసిన మానవ్ సుతార్ 10 వికెట్లతో సరికొత్త రికార్డు సృష్టించగా, రవీంద్ర జడేజా 4 వికెట్లతో రాణించారు. మరో ఆఫ్ స్పిన్నర్ తోడైతే లంకను మరింత కట్టడి చేయవచ్చని జట్టు భావిస్తోంది.

ఎక్కువమంది చదివినది: SL vs IND: 7 ఇన్నింగ్స్‌లో ఒకే ఒక్క హాఫ్ సెంచరీ.. వేటుకు సిద్ధమైన గంభీర్?

సారాంశ్ జైన్ గణాంకాలు.. పెరగనున్న బ్యాటింగ్ డెప్త్..

దేశవాళీ క్రికెట్‌లో సుదీర్ఘ అనుభవం ఉన్న సారాంశ్ జైన్ బ్యాట్‌తోనూ రాణించగలడు. ఫస్ట్ క్లాస్ కెరీర్‌లో ఇప్పటివరకు 54 మ్యాచ్‌లు ఆడిన సారాంశ్, 31.75 సగటుతో 2223 పరుగులు చేశాడు. ఇందులో రెండు సెంచరీలు, 14 హాఫ్ సెంచరీలు ఉన్నాయి. లోయర్ ఆర్డర్‌లో అతడు అందించే పరుగుల సహకారం భారత లోయర్ ఆర్డర్‌ను పటిష్టం చేస్తుందనడంలో సందేహం లేదు.

ఎక్కువమంది చదివినది: IPL 2027: ముంబై ఇండియన్స్ సంచలన నిర్ణయం.. హార్దిక్ పాండ్యా సహా 8 మందికి గుడ్‌బై..?

గాలే టెస్టులో కనిపించిన లోపాలను సవరించుకుని రెండో టెస్టులోనూ ఆధిపత్యం ప్రదర్శించాలని భారత జట్టు పట్టుదలతో ఉంది. సీనియర్ బౌలర్ స్థానంలో వస్తున్న సారాంశ్ జైన్ తనకు లభించే ఈ సువర్ణావకాశాన్ని ఎలా ఉపయోగించుకుంటాడో చూడాలి.