GT vs RR Live Score, IPL 2026: 4వ వికెట్ కోల్పోయిన రాజస్థాన్.. శనక ఔట్..

11 ఓవర్లకు

11 ఓవర్లు ముగిసే సరికి రాజస్థాన్ 3 వికెట్లు కోల్పోయి 109 పరుగులు చేసింది. వైభవ్ 47 పరుగులతో నిలిచాడు.

100కు చేరిన స్కోర్..

9 ఓవర్లు ముగిసే సరికి 100 పరుగులు చేసింది.

ముగిసిన పవర్ ప్లే..

పవర్ ప్లే ముగిసే సరికి రాజస్థాన్ టీం 2 వికెట్లు కోల్పోయి 70 పరుగులు చేసింది. వైభవ్ 31, జడేజా 26 పరుగులతో నిలిచారు.

700 పరుగులు పూర్తి చేసిన వైభవ్

ఐపీఎల్ 2026 సీజన్‌లో రాజస్థాన్ రాయల్స్ యువ ఓపెనర్ వైభవ్ సూర్యవంశీ సరికొత్త రికార్డులతో దూసుకుపోతున్నాడు. తాజా మ్యాచ్‌లో విధ్వంసకర బ్యాటింగ్‌తో చెలరేగిన ఈ యువ సంచలనం, ఈ సీజన్‌లో ఏకంగా 700 పరుగుల మైలురాయిని అధిగమించి చరిత్ర పుటల్లోకెక్కాడు. దీంతో స్టేడియం మొత్తం సూర్యవంశీ నినాదాలతో హోరెత్తిపోయింది.

4 ఓవర్లు ముగిసే సరికి

4 ఓవర్లు ముగిసేసరికి రాజస్థాన్ 2 వికెట్ల నష్టానికి 45 పరుగులు చేసింది. క్రీజులో వైభవ్ సూర్యవంశీ, రవీంద్ర జడేజా ఉన్నారు.

రెండో వికెట్ డౌన్

టాస్ గెలిచిన రాజస్థాన్ జట్టు నిర్ణయం అంతగా అనుకూలించడంలేదు. రెండో ఓవర్‌లో మరో వికెట్ కోల్పోయింది. ప్రస్తుతం 1.5 ఓవర్లకు 2 వికెట్లు కోల్పోయి 9 పరుగులు చేసింది. జురేల్7, జైస్వాల్ 1 పరుగు చేసి పెవిలియన్ చేరారు.

తొలి వికెట్ కోల్పోయిన రాజస్థాన్..

టాస్ గెలిచి బ్యాటింగ్ చేస్తోన్న రాజస్థాన్ జట్టుకు తొలి ఓవర్‌లో షాక్ తగిలింది. జైస్వాల్ సింగిల్ డిజిట్‌కే పెవిలియన్ చేరాడు.

GT vs RR: ఈ రోజు మ్యాచ్‌లో కీలక అంశాలు..

ఐపీఎల్‌లో గుజరాత్ టైటాన్స్ తరపున రషీద్ ఖాన్ ఆడుతున్న 76వ మ్యాచ్ ఇది. దీంతో అతను తన మాజీ ఫ్రాంచైజీ అయిన సన్‌రైజర్స్ హైదరాబాద్ తరపున ఆడిన మ్యాచ్‌ల సంఖ్యను సమం చేశాడు.

కగిసో రబడాకు ఈ రాత్రి 100వ ఐపీఎల్ మ్యాచ్.

ఐపీఎల్ ప్లేఆఫ్స్/నాకౌట్స్‌లో అత్యధిక మ్యాచ్‌లు ఆడినవారు:

28 – ఎంఎస్ ధోని

25 – రవీంద్ర జడేజా*

24 – రవిచంద్రన్ అశ్విన్, సురేష్ రైనా

23 – రోహిత్ శర్మ, అంబటి రాయుడు

19 – డ్వేన్ బ్రావో

గుజరాత్ టైటాన్స్ ప్లేయింగ్ XI:

శుభమన్ గిల్ (కీపర్), బి సాయి సుదర్శన్, జోస్ బట్లర్ (కీపర్), వాషింగ్టన్ సుందర్, నిశాంత్ సింధు, జాసన్ హోల్డర్, రషీద్ ఖాన్, రవిశ్రీనివాసన్ సాయి కిషోర్, కగిసో రబడ, ప్రసిధ్ కృష్ణ, మహ్మద్ సిరాజ్.

రాజస్థాన్ రాయల్స్ ప్లేయింగ్ XI:

వైభవ్ సూర్యవంశీ, యశస్వి జైస్వాల్, ధ్రువ్ జురెల్ (కీపర్), రియాన్ పరాగ్ (కెప్టెన్), డోనోవన్ ఫెరీరా, దసున్ షనక, రవీంద్ర జడేజా, జోఫ్రా ఆర్చర్, నాంద్రే బర్గర్, బ్రిజేష్ శర్మ, యశ్ పుంజా.

టాస్ గెలిచిన రాజస్థాన్..

కీలక మ్యాచ్‌లో రాజస్థాన్ టాస్ గెలిచిన బ్యాటింగ్ ఎంచుకుంది. దీంతో గుజరాత్ తొలుత బ్యాటింగ్ చేయనుంది.

ఒకే ఒక్కసారి సింగిల్ డిజిట్

వైభవ్ ఇటీవలి ఫామ్ అద్భుతంగా ఉంది. అతను తన చివరి ఐదు ఇన్నింగ్స్‌లలో కేవలం ఒక్కసారి మాత్రమే సింగిల్‌కు అవుటయ్యాడు. మిగిలిన నాలుగు ఇన్నింగ్స్‌లలో, వైభవ్ రెండు అర్ధ సెంచరీలు సాధించాడు. అతను 250.9 స్ట్రైక్ రేట్‌తో 276 పరుగులు చేశాడు. ఇదిలా ఉండగా, ఈ సీజన్‌లో గుజరాత్‌కు చెందిన ఐదుగురు బౌలర్లు కనీసం 15 వికెట్లు పడగొట్టారు.

అందరి చూపు బుడ్డోడిపైనే..

వైభవ్ గుజరాత్‌పై మూడు మ్యాచ్‌లు ఆడి, ఒక సెంచరీతో సహా 233.33 స్ట్రైక్ రేట్‌తో 168 పరుగులు చేశాడు. అతను 15 ఫోర్లు, 15 సిక్సర్లు కొట్టాడు. మహమ్మద్ సిరాజ్, రషీద్ ఖాన్, ప్రసిద్ధ్ కృష్ణల బౌలింగ్‌లో అతను ఒక్కోసారి అవుటయ్యాడు.

వెదర్ రిపోర్ట్

న్యూ చండీగఢ్‌లో ఉష్ణోగ్రతలు 23°C నుంచి 37°C మధ్య ఉండే అవకాశం ఉంది. అయితే, మ్యాచ్‌కు వర్షం ముప్పు పొంచి ఉంది. చండీగఢ్ వాతావరణ కేంద్రంలోని వాతావరణ శాస్త్రవేత్త శివేంద్ర సింగ్, చండీగఢ్, మొహాలీలో 60% నుంచి 70% వర్షం పడే అవకాశం ఉందని తెలిపారు. ఇక్కడ మధ్యాహ్నం వర్షం కురిసే అవకాశం ఉంది. ఒకవేళ వర్షం కారణంగా మ్యాచ్‌కు అంతరాయం కలిగితే, మ్యాచ్ రద్దు కావడం రాజస్థాన్ రాయల్స్‌కు నష్టమే. పాయింట్ల పట్టిక ఆధారంగా, జీటీ ఫైనల్‌కు చేరుకుంటుంది. ఎలిమినేటర్ 2 కోసం ఎలాంటి రిజర్వ్ డే కేటాయించలేదు.

బ్యాట్స్‌మెన్‌లకు అనుకూలం

మహారాజా యాదవేంద్ర సింగ్ స్టేడియం పిచ్ సాధారణంగా బ్యాట్స్‌మెన్‌లకు అనుకూలంగా ఉంటుంది. అయితే, రెండు రోజుల క్రితం, మే 27న, పేసర్లు రాణించారు. ఆ మ్యాచ్‌లో పడిన 18 వికెట్లలో, 12 వికెట్లు పేసర్లకే దక్కగా, ఇద్దరు బ్యాట్స్‌మెన్లు రనౌట్ అయ్యారు. జోఫ్రా ఆర్చర్ తన లెంగ్త్, వేగాన్ని ఉపయోగించి హైదరాబాద్ టాప్ ఆర్డర్‌ను కుప్పకూల్చాడు. అయితే, పాట్ కమిన్స్ నేతృత్వంలోని పేస్ బౌలింగ్ దాడి వైభవ్ బౌలింగ్‌ను ఎదుర్కోవడంలో విఫలమైంది.

మరో భారీ స్కోరింగ్ మ్యాచ్

ముల్లన్‌పూర్‌లోని మహారాజా యాద్విందర్ సింగ్ క్రికెట్ స్టేడియంలో మరో భారీ స్కోరింగ్ మ్యాచ్ జరగవచ్చని అంచనా వేస్తున్నారు. ఇక్కడ జరిగిన గత నాలుగు మ్యాచ్‌లలో 200 పరుగులకు పైగా స్కోర్లు నమోదయ్యాయి. వీటిలో రెండు ఛేజింగ్‌లు, రెండు డిఫెండింగ్‌లు జరిగాయి. గత మ్యాచ్‌లో రాజస్థాన్ 243 పరుగులు చేయగా, దానికి ప్రతిస్పందనగా హైదరాబాద్ 196 పరుగులకే ఆలౌట్ అయింది.

ఆధిపత్యం ఎవరిది

ముఖాముఖి రికార్డులో గుజరాత్‌దే పైచేయిగా ఉంది. ఇప్పటివరకు ఈ రెండు జట్ల మధ్య 10 మ్యాచ్‌లు జరగ్గా, వాటిలో గుజరాత్ ఏడింటిలో గెలుపొందగా, రాజస్థాన్ మూడింటిలో గెలిచింది. ఈ సీజన్‌లో ఇరు జట్లు డ్రా చేసుకున్నాయి. గత మ్యాచ్‌లో గుజరాత్ 77 పరుగుల తేడాతో విజయం సాధించింది. అంతకుముందు, రాజస్థాన్ ఆరు వికెట్ల తేడాతో గెలిచింది.