Video: సంచలన బౌలింగ్ వెనుక ‘రజనీ సర్’ మ్యాజిక్.. టీమిండియా ఫాస్ట్ బౌలర్ కీలక వ్యాఖ్యలు..!
Mayank Yadav Comeback: గాయం నుంచి కోలుకొని దాదాపు రెండేళ్ల తర్వాత టీమ్ ఇండియాలోకి పునరాగమనం చేసిన టీమ్ ఇండియా ఎక్స్ప్రెస్ పేసర్ మయాంక్ యాదవ్ తొలి బంతికే వికెట్ తీసి సంచలనం సృష్టించాడు. జింబాబ్వేతో జరిగిన తొలి టీ20లో 149 కిలోమీటర్ల వేగంతో అదరగొట్టిన ఈ స్పీడ్స్టర్, తన ఈ సూపర్ ఫిట్నెస్ క్రెడిట్ అంతా ట్రైనర్ 'రజనీ సర్'కే దక్కుతుందని వెల్లడించాడు.
Updated on: Jul 24, 2026 | 8:25 PM
Mayank Yadav Comeback: భారత యువ ఫాస్ట్ బౌలర్ మయూంక్ యాదవ్ మళ్లీ తన గంటకి 150 కిలోమీటర్ల వేగంతో ప్రత్యర్థి బ్యాటర్ల గుండెల్లో గుబులు రేపాడు. సుదీర్ఘకాలం పాటు గాయాల సమస్యతో జట్టుకు దూరమైన మయాంక్ యాదవ్, జింబాబ్వేతో జరిగిన తొలి టీ20 మ్యాచ్లో గ్రాండ్ రీ-ఎంట్రీ ఇచ్చాడు. మ్యాచ్ వేసిన తొలి బంతికే ఓపెనర్ బ్రయాన్ బెన్నెట్ను పెవిలియన్కు పంపి చరిత్ర సృష్టించాడు.
ఇది కూడా చదవండి: Team India: ఆ టీం దెబ్బకు నలుగురి కెరీర్ క్లోజ్.. ఇక టీమిండియాలో చోటు కష్టమే..!
తొలి బంతికే వికెట్.. 149 కిలోమీటర్ల వేగం..!
హరారే స్పోర్ట్స్ క్లబ్ మైదానంలో టాస్ గెలిచిన భారత్ బౌలింగ్ ఎంచుకోగా, ఇన్నింగ్స్ తొలి ఓవర్ వేసే బాధ్యతను కెప్టెన్ శ్రేయస్ అయ్యర్ మయాంక్ యాదవ్కు అప్పగించాడు.
మొదటి బంతికి వికెట్: మయాంక్ 149 కిమీల వేగంతో విసిరిన బంతిని డిఫెండ్ చేసుకోబోయిన బెన్నెట్, కీపర్ ఈషాన్ కిషన్ చేతికి క్యాచ్ ఇచ్చాడు. మొదట అంపైర్ నాటౌట్ అని ప్రకటించినా, డీఆర్ఎస్ సమీక్ష ద్వారా అవుట్గా తేలడంతో జింబాబ్వేకు కోలుకోలేని షాక్ తగిలింది.
4 ఓవర్లలో 2/18: తన 4 ఓవర్ల కోటాలో కేవలం 18 పరుగులు మాత్రమే ఇచ్చి 2 కీలక వికెట్లు పడగొట్టి ప్రత్యర్థిని తక్కువ స్కోరుకే పరిమితం చేశాడు.
‘రజనీ సర్’ లేకపోతే నేను ఇక్కడ ఉండేవాడిని కాదు..!
🚨Mayank Yadav on Harare Pitch🚨
What was special about mayank last night🤔🤔??
Instead of relying only on 150+ km/h speed, he consistently hit the right length, extracted bounce, that’s what needed on Harare Pitch ❤️💯#INDvsZIM #MayankYadav #T20Is pic.twitter.com/1s6LfzAeot
— VEER SA (@veersaa007) July 24, 2026
మ్యాచ్ అనంతరం తన ఫిట్నెస్ సాధనపై స్పందించిన మయాంక్ యాదవ్, స్ట్రెచ్ ఫ్రాక్చర్ గాయం నుంచి బయటపడటానికి తన ట్రైనర్ ‘రజనీ సర్’ (రజనీకాంత్ శివజ్ఞానం) ఎంతగానో శ్రమించారని భావోద్వేగానికి గురయ్యాడు.
ఇది కూడా చదవండి: Team India: ఆ టీం దెబ్బకు నలుగురి కెరీర్ క్లోజ్.. ఇక టీమిండియాలో చోటు కష్టమే..!
“గాయపడిన సమయంలో మైదానంలోకి ఎప్పుడు వస్తానో తెలియని నిరాశలో ఉన్నాను. కానీ ఎన్సీఏ (NCA) లో రజనీ సర్ నా ఫిట్నెస్పై ప్రత్యేకం శ్రద్ధ తీసుకున్నారు. నా బౌలింగ్ రన్-అప్, బాడీ మెకానిజంలో మార్పులు చేసి నన్ను మళ్లీ ఈ స్థాయిలో సిద్ధం చేశారు. నా ఈ అద్భుతమైన కమ్బ్యాక్ వెనుక ఆయన శ్రమ ఎంతగానో ఉంది” అని మయూంక్ పేర్కొన్నాడు.
భారత్ ఘన విజయం..
మయాంక్ యాదవ్ (2/18), ప్రిన్స్ యాదవ్ (2/19) ధాటికి జింబాబ్వే నిర్ణీత 20 ఓవర్లలో 125/7 పరుగులకే పరిమితమైంది. అనంతరం లక్ష్యాన్ని భారత్ కేవలం 13.2 ఓవర్లలోనే 3 వికెట్లు కోల్పోయి ఛేదించి 1-0 ఆధిక్యంలోకి దూసుకెళ్లింది. మయాంక్ తిరిగి పాత వేగంతో బౌలింగ్ చేస్తుండటంతో భారత అభిమానులు తీవ్ర సంతోషం వ్యక్తం చేస్తున్నారు.
మరిన్ని క్రీడా వార్తల కోసం ఇక్కడ క్లిక్ చేయండి..
