494, 475, 409.. ఒకరిద్దరు కాదు భయ్యో.. ఏకంగా ముగ్గురు.. ఈ మెంటలోళ్లతో కష్టమేనయ్యో..!
IPL 2026 Orange Cap Race: ఐపీఎల్ 2026 సీజన్లో పరుగుల వరద పారుతోంది. ముఖ్యంగా కావ్య మారన్ సారథ్యంలోని సన్రైజర్స్ హైదరాబాద్ బ్యాటర్లు ఆరెంజ్ క్యాప్ రేసులో ప్రకంపనలు సృష్టిస్తున్నారు. ఒకే జట్టుకు చెందిన ముగ్గురు ఆటగాళ్లు టాప్-5 జాబితాలో నిలవడంతో ఈ పోరు ఇప్పుడు అత్యంత ఆసక్తికరంగా మారింది. హెన్రిక్ క్లాసెన్, అభిషేక్ శర్మ, ఇషాన్ కిషన్ మధ్య జరుగుతున్న ఈ పోరాటం అభిమానులను అలరిస్తోంది.
IPL 2026 Orange Cap Race: ప్రస్తుత సీజన్లో బ్యాటర్ల ఆధిపత్యం స్పష్టంగా కనిపిస్తోంది. ఇప్పటివరకు ఆరుగురు ఆటగాళ్లు 400 పరుగుల మైలురాయిని దాటేశారు. బుధవారం పంజాబ్ కింగ్స్తో జరిగిన మ్యాచ్కు ముందు వరకు ఢిల్లీ క్యాపిటల్స్ సారథి కేఎల్ రాహుల్ వద్ద ఉన్న ఆరెంజ్ క్యాప్, ఇప్పుడు వేరే చేతుల్లోకి వెళ్లిపోయింది. ఆశ్చర్యకరమైన విషయం ఏమిటంటే, ప్రస్తుతం అత్యధిక పరుగులు చేసిన మొదటి ఐదుగురు ఆటగాళ్లలో ముగ్గురు హైదరాబాద్ జట్టుకు చెందినవారే ఉండటం విశేషం.
అభిషేక్ శర్మ మెరుపులు.. క్లాసెన్ జోరు..
పంజాబ్ కింగ్స్తో జరిగిన మ్యాచ్లో అభిషేక్ శర్మ విధ్వంసకర ఇన్నింగ్స్ ఆడాడు. కేవలం 13 బంతుల్లోనే 35 పరుగులు చేసి సన్రైజర్స్కు అదిరిపోయే ఆరంభాన్ని ఇచ్చాడు. ఈ పరుగులతో ఆయన కాసేపు రాహుల్ను వెనక్కి నెట్టి ఆరెంజ్ క్యాప్ను దక్కించుకున్నాడు. అయితే, ఆ సంతోషం ఎంతో సేపు నిలవలేదు. అదే జట్టుకు చెందిన హెన్రిక్ క్లాసెన్ మైదానంలోకి దిగి తన బ్యాట్తో జుగల్బందీ ప్రదర్శన చేశాడు. 4వ స్థానంలో బ్యాటింగ్కు వచ్చిన క్లాసెన్ 69 పరుగుల మెరుపు ఇన్నింగ్స్తో అగ్రస్థానానికి చేరుకున్నారు.
గణాంకాల్లో క్లాసెన్, ఇషాన్ కిషన్..
హెన్రిక్ క్లాసెన్ ప్రస్తుతం 11 ఇన్నింగ్స్ల్లో 494 పరుగులతో మొదటి స్థానంలో ఉన్నాడు. ఆయన స్ట్రైక్ రేట్ 157.32గా ఉండగా, ఇప్పటివరకు 23 సిక్సర్లు బాదాడు. ఇదే రేసులో ఇషాన్ కిషన్ కూడా ఏమాత్రం తగ్గడం లేదు. ఆయన 11 ఇన్నింగ్స్ల్లో 409 పరుగులు చేసి నాలుగో స్థానంలో కొనసాగుతున్నాడు. ఒకే జట్టులోని ముగ్గురు ఆటగాళ్ల మధ్య ఈ విధంగా ఆరెంజ్ క్యాప్ కోసం పోటీ పడటం ఐపీఎల్ చరిత్రలో అరుదైన విషయమని విశ్లేషకులు భావిస్తున్నారు.
ప్రస్తుత టాప్-5 బ్యాటర్ల జాబితా:
హెన్రిక్ క్లాసెన్: 11 ఇన్నింగ్స్లు – 494 పరుగులు
అభిషేక్ శర్మ: 11 ఇన్నింగ్స్లు – 475 పరుగులు
కేఎల్ రాహుల్: 10 ఇన్నింగ్స్లు – 445 పరుగులు
ఇషాన్ కిషన్: 11 ఇన్నింగ్స్లు – 409 పరుగులు
వైభవ్ సూర్యవంశీ: 10 ఇన్నింగ్స్లు – 404 పరుగులు
పర్పుల్ క్యాప్ రేసులో భువనేశ్వర్ కుమార్..
బ్యాటింగ్లో మాత్రమే కాదు, బౌలింగ్లోనూ హైదరాబాద్ ముద్ర కనిపిస్తోంది. ప్రస్తుతం రాయల్ ఛాలెంజర్స్ బెంగళూరు తరపున ఆడుతున్న భువనేశ్వర్ కుమార్ 9 మ్యాచ్ల్లో 17 వికెట్లు పడగొట్టి పర్పుల్ క్యాప్ రేసులో అగ్రస్థానంలో ఉన్నాడు. చెన్నైకి చెందిన అన్షుల్ కాంబోజ్ కూడా 17 వికెట్లతో సమానంగా ఉన్నప్పటికీ, సగటు విషయంలో భువీ ముందంజలో ఉన్నాడు. గుజరాత్ టైటాన్స్ బౌలర్ కగిసో రబడా 16 వికెట్లతో మూడో స్థానంలో కొనసాగుతున్నాడు.
మరిన్ని క్రీడా వార్తల కోసం ఇక్కడ క్లిక్ చేయండి..