Video: విరాట్ కోహ్లీతో ఫైటింగ్.. రోహిత్‌తో ముసి ముసి నవ్వుల మీటింగ్.. వైరలవుతోన్న వీడియో..

Rohit Gambhir

LSG vs MI: ఐపీఎల్ 2023 (IPL 2023)లో భాగంగా 63వ మ్యాచ్ లక్నో సూపర్ జెయింట్ వర్సెస్ ముంబై ఇండియన్స్ (LSG vs MI) మధ్య నేడు పోరు జరగనుంది. మే 16న లక్నో హోమ్‌ గ్రౌండ్‌ ఎకానా స్టేడియంలో ఇరు జట్లు తలపడనున్నాయి. ఈ మ్యాచ్ కోసం రోహిత్ శర్మ బృందం లక్నో చేరుకుంది. ఇంతలో, ప్రాక్టీస్ సెషన్‌లో హిట్‌మాన్ మాజీ భారత ఆటగాడు, లక్నో మెంటర్ గౌతమ్ గంభీర్‌తో ప్రత్యేకంగా సమావేశమయ్యాడు. వీరిద్దరి ఫోటో, వీడియో సోషల్ మీడియాలో వైరల్ అవుతోంది.

రోహిత్ శర్మ, గౌతమ్ గంభీర్ చాలా కాలం పాటు టీమ్ ఇండియా కోసం కలిసి ఆడారు. అయితే ఇద్దరూ ఐపీఎల్‌లో వేర్వేరు లీగ్‌ల్లోనూ తలపడ్డారు. ఈ మెగా లీగ్‌లో రోహిత్, ఎంఎస్ ధోనీ తర్వాత అత్యంత విజయవంతమైన కెప్టెన్ గంభీర్. అతని నాయకత్వంలో కోల్‌కతా నైట్ రైడర్స్ రెండుసార్లు ఐపీఎల్ టైటిల్‌ను గెలుచుకుంది. ప్రస్తుతం గంభీర్ ఎల్‌ఎస్‌జీ ఫ్రాంచైజీలో మెంటార్‌గా ఉన్నాడు.

మంగళవారం లక్నో జట్టు IPL చరిత్రలో అత్యంత విజయవంతమైన జట్టుతో తలపడుతుంది. ఋ మేరకు ముంబై కెప్టెన్ రోహిత్, గంభీర్ మ్యాచ్‌కు ఒక రోజు ముందు ఒకరినొకరు కలుసుకున్నారు. ఇందులో ఇద్దరి మధ్య అద్భుతమైన స్నేహం కనిపించింది. ఈ సమావేశానికి సంబంధించిన ఫొటో, వీడియోలను LSG తన సోషల్ మీడియా ఖాతాలో పంచుకుంది.

విశేషమేమిటంటే ఈ ఐపీఎల్ సీజన్‌లో గౌతమ్ గంభీర్ RCB కీలక ఆటగాడు విరాట్ కోహ్లీతో వాగ్వాదంతో వార్తల్లో నిలిచాడు. ఈ కారణంగా గంభీర్ చాలాసార్లు కోహ్లీ అభిమానుల నుంచి విమర్శలను ఎదుర్కొన్నాడు. అయితే, ఈ ఫొటోలో రోహిత్ శర్మతో పాటు నవ్వుతూ ఉండటం చూసి అభిమానులు చాలా సంతోషిస్తున్నారు.

రోహిత్ శర్మ గురించి మాట్లాడితే, 16వ సీజన్‌లో ప్రదర్శన ఇప్పటివరకు అంత బాగా లేదు. రోహిత్ 12 మ్యాచ్‌ల్లో 18.33 సగటుతో 220 పరుగులు చేశాడు. ఇందులో కేవలం ఒక అర్ధ సెంచరీ కూడా ఉంది.

మరిన్ని క్రీడా వార్తల కోసం ఇక్కడ క్లిక్ చేయండి..