Team India: టెస్ట్లు ఆడితే కాసుల వర్షం.. ఇన్సెంటివ్ స్కీమ్ ప్రకటించిన జైషా.. ఒక్కో మ్యాచ్కు ఎంతొస్తదంటే?
Test Cricket Incentive Scheme: ధర్మశాల టెస్ట్ మ్యాచ్లో రోహిత్ శర్మ సారథ్యంలోని టీమిండియా ఇన్నింగ్స్ మరియు 64 పరుగుల తేడాతో ఇంగ్లండ్ను ఓడించి సిరీస్ను 4-1తో కైవసం చేసుకుంది. ఇది జరిగిన కొద్దిసేపటికే బీసీసీఐ సెక్రటరీ జై షా పెద్ద ప్రకటన చేసి ఆటగాళ్ల ఫీజులను భారీగా పెంచారు.
Test Cricket Incentive Scheme: ఇంగ్లండ్తో ధర్మశాలలో జరిగిన ఐదో టెస్టు మ్యాచ్లో టీమిండియా ఇన్నింగ్స్, 64 పరుగుల తేడాతో ఘన విజయం సాధించిన విషయం తెలిసిందే. అయితే, ఆ వెంటనే భారత క్రికెట్ కంట్రోల్ బోర్డు సెక్రటరీ జై షా కీలక నిర్ణయం తీసుకున్నారు. టెస్టు క్రికెట్ను ప్రోత్సహించేందుకు బీసీసీఐ టెస్ట్ క్రికెట్ ప్రోత్సాహక పథకాన్ని ప్రారంభించిందని జైషా ప్రకటించారు. ఈ పథకం కింద భారత ఆటగాళ్లు టెస్టులు ఆడేందుకు పొందుతున్న ఫీజుల్లో భారీగా పెరుగుదల కనిపించింది. దీని కింద ఒక సీజన్లో 75 శాతం మ్యాచ్లు ఆడే ఆటగాడికి ఒక్కో మ్యాచ్కు రూ.45 లక్షలు ఇవ్వనున్నారు. ప్లేయింగ్-11లో లేని ఆటగాడికి రూ.22.5 లక్షలు లభిస్తాయి.
ఐదు టెస్టు మ్యాచ్ల సిరీస్లో భారత్ 4-1 తేడాతో ఇంగ్లండ్ను ఓడించింది. తొలి టెస్టులో భారత్ ఓడిపోయి, ఆ తర్వాత వరుసగా నాలుగు విజయాలు సొంతం చేసకుంది. భారత అగ్రశ్రేణి ఆటగాళ్లు కూడా ఈ సిరీస్లో లేరు. దీని తర్వాత బీసీసీఐ తీసుకున్న నిర్ణయం కచ్చితంగా ఆటగాళ్లకు ఎంతో సంతోషాన్ని కలిగించి ఉండాలి.
ఇదీ పథకం..
ఈ పథకం ప్రకారం, ఒక సీజన్లో జట్టు మొత్తం టెస్ట్ మ్యాచ్లలో 75 శాతం ప్లేయింగ్-11లో చేరిన ఆటగాళ్లకు ఇవ్వనుంది. అంటే ఒక్కో మ్యాచ్కి మొత్తం రుసుము రూ. 45 లక్షలు అన్నమాట. అలాగే, 75 శాతం మ్యాచ్ల్లో జట్టులో భాగమైన ఆటగాళ్లకు ఒక్కో మ్యాచ్కు రూ.22.5 లక్షలు లభిస్తాయి. 50 శాతం మ్యాచ్ల్లో ప్లేయింగ్-11లో భాగమైన ఆటగాళ్లకు ఒక్కో మ్యాచ్కు మొత్తం రూ. 30 లక్షలు అందనుంది. అదే సంఖ్యలో మ్యాచ్ల్లో జట్టులో భాగమైన ఆటగాళ్లకు ఒక్కో మ్యాచ్కు రూ.15 లక్షలు లభిస్తాయి. దీని కంటే తక్కువకు ఈ పథకం వర్తించదు. అలాంటి వాళ్లు ప్రస్తుత మ్యాచ్ ఫీజును పొందుతారు. ప్రస్తుతం ప్లేయింగ్-11లో భాగమైన ఆటగాళ్లకు ఒక్కో మ్యాచ్కు రూ.15 లక్షలు లభిస్తున్నాయి. దీన్ని మరింత సరళంగా వివరిస్తే.. టీమ్ ఇండియా ఒక సీజన్లో మొత్తం 9 మ్యాచ్లు ఆడితే, ఈ మ్యాచ్లలో 75 శాతం మ్యాచ్లు 7గా ఉంటాయి. ఈ మ్యాచ్లలో ప్లేయింగ్-11లో చేరిన ఆటగాళ్లకు రూ.45 లభిస్తుందని బీసీసీఐ తెలిపింది. ప్లేయింగ్-11లో లేని ఆటగాళ్లకు రూ.22.5 లక్షలు లభిస్తాయన్నమాట.
I am pleased to announce the initiation of the ‘Test Cricket Incentive Scheme’ for Senior Men, a step aimed at providing financial growth and stability to our esteemed athletes. Commencing from the 2022-23 season, the ‘Test Cricket Incentive Scheme’ will serve as an additional… pic.twitter.com/Rf86sAnmuk
— Jay Shah (@JayShah) March 9, 2024
ఒక ఆటగాడు టీమ్ ఇండియా ప్లేయింగ్-11లో తొమ్మిది మ్యాచ్లలో 50 శాతం అంటే 5-6 మ్యాచ్లలో భాగమైతే, అతను ఒక్కో మ్యాచ్కు రూ. 30 లక్షలు, జట్టులో ఉన్న ఆటగాడికి రూ. 15 లక్షలు అందుకుంటారు. దీని కంటే తక్కువ ఉన్న వారికి పాత రుసుములే అందుతాయి. జై షా సోషల్ మీడియా సైట్ ఎక్స్లో పోస్ట్ చేయడం ద్వారా ఈ సమాచారాన్ని అందించారు. ఈ పథకం 2022-23 నుంచి ప్రారంభమైందని ఆయన ప్రకటించారు.
ఇదీ కారణం..
ఇటీవల కొంతమంది ఆటగాళ్లు టెస్ట్ క్రికెట్, దేశవాళీ క్రికెట్ను పూర్తిగా విస్మరించి, ఐపీఎల్పైనే ఫోకస్ చేశారు. ఐపీఎల్కు సిద్ధమవుతున్నారు. దీన్ని ఎదుర్కోవడానికి బీసీసీఐ బహుశా ఈ పథకాన్ని ప్రారంభించింది. దేశవాళీ టోర్నీల మ్యాచ్ ఫీజులను పెంచాలని బీసీసీఐ పట్టుబట్టిందని, ఈ టోర్నీలను విస్మరించలేమని కొద్దిరోజుల క్రితం మీడియాలో వార్తలు వచ్చిన సంగతి తెలిసిందే.
మరిన్ని క్రీడా వార్తల కోసం ఇక్కడ క్లిక్ చేయండి..