Team India: ముంబైలో చరిత్ర సృష్టించిన టీమిండియా.. 16 ఏళ్ల తర్వాత తొలిసారి.. అదేంటంటే?
IND vs AUS: ఆస్ట్రేలియా తొలుత బ్యాటింగ్ చేసి 188 పరుగులకు ఆలౌట్ అయింది. 189 పరుగుల లక్ష్యంతో బరిలోకి దిగిన హార్దిక్ సేన 5 వికెట్ల తేడాతో ఘన విజయం సాధించింది.
రోహిత్ శర్మ గైర్హాజరీలో హార్దిక్ పాండ్యా సారథ్యంలో ఆస్ట్రేలియాతో జరిగిన తొలి వన్డేలో టీమిండియా ఘన విజయం సాధించింది. ముంబైలోని వాంఖడే స్టేడియంలో ఆస్ట్రేలియాతో జరిగిన తొలి వన్డేలో 5 వికెట్ల తేడాతో విజయం సాధించింది.
ఆస్ట్రేలియా తొలుత బ్యాటింగ్ చేసి 188 పరుగులకు ఆలౌట్ అయింది. 189 పరుగుల లక్ష్యంతో బరిలోకి దిగిన హార్దిక్ సేన 5 వికెట్ల తేడాతో ఘన విజయం సాధించింది.
ఈ మ్యాచ్‌లో టీమిండియా బౌలర్లు ముందుగా కంగారూలను తెగ కంగారు పెట్టేశారు. ఆ తర్వాత కేఎల్ రాహుల్, రవీంద్ర జడేజా ఆస్ట్రేలియా ఓటమిలో కీలక పాత్ర పోషించారు.
తొలి వన్డేలో విజయంతో మూడు మ్యాచ్‌ల సిరీస్‌లో టీమిండియా 1-0 ఆధిక్యంలో నిలిచింది. అలాగే ఈ విజయంతో టీమ్ ఇండియా గొప్ప ఫీట్ సాధించింది. దాదాపు 16 ఏళ్ల తర్వాత టీమిండియా ఈ ఘనత సాధించింది.
16 ఏళ్ల తర్వాత వాంఖడే స్టేడియంలో ఆస్ట్రేలియాపై టీమిండియాకు ఇదే తొలి విజయం. ఇప్పటి వరకు ఇరు జట్లు మొత్తం 5 మ్యాచ్‌లు ఆడాయి. ఈ 5 మ్యాచ్‌ల్లో టీమ్ ఇండియాకు ఇది రెండో విజయం.
2007 అక్టోబర్ 17న ఆస్ట్రేలియాపై టీమ్ ఇండియా చివరి వన్డే విజయం సాధించింది. ఈ మ్యాచ్‌లో ఆస్ట్రేలియాపై టీమిండియా 2 వికెట్ల తేడాతో విజయం సాధించింది.