6, 6, 6, 6, 6లతో జీరో నుంచి హీరోగా.. కట్‌చేస్తే.. ఆసియా కప్‌ నుంచి టీమిండియా సెన్సేషన్ ఔట్

Asia Cup 2025: ఆసియా కప్ 2025 కోసం కౌంట్‌డౌన్ ప్రారంభమైంది. అన్ని జట్లలో సన్నాహాలు జోరుగా సాగుతున్నాయి. భారత అభిమానులు కూడా టీం ఇండియా స్వ్కాడ్‌ను తెలుసుకోవడానికి ఆసక్తిగా ఉన్నారు. జట్టు ప్రకటనకు ముందే, ఒక షాకింగ్ న్యూస్ బయటకు వచ్చింది. టీం ఇండియా యువ ఫినిషర్‌ను ఆసియా కప్ నుంచి తొలగించబోతున్నారని తెలుస్తోంది. ఈ బ్యాటర్ సిక్సర్ కింగ్‌గా తనదైన ముద్ర వేశాడు. టీం ఇండియాలో ఎంతో పేరును సంపాదించాడు. కానీ, ఫామ్ గ్రాఫ్ పడిపోవడం వల్ల, ఈ ఆటగాడిని ఆసియా కప్ నుంచి తొలగించే అవకాశం ఉంది.

టీం ఇండియా ఎప్పుడు ప్రకటిస్తారు?

PTI నివేదిక ప్రకారం, ఆగస్టు 19న ఆసియా కప్ టీ20 కోసం టీమిండియాను ప్రకటించే అవకాశం ఉంది. ఈ విషయంలో సెలెక్టర్లు కొన్ని కఠినమైన నిర్ణయాలు తీసుకోవచ్చని చెబుతున్నారు. IPL 2025లో అద్భుతంగా రాణించిన శుభ్‌మాన్ గిల్, యశస్వి జస్వాల్‌లపై కూడా సందేహం ఉంది. అదే సమయంలో, టీమ్ ఇండియాలోని ఇతర యువ ఆటగాళ్లపై కూడా దృష్టి ఉంటుంది.

సిక్సర్ కింగ్‌ను తప్పిస్తారా..?

రింకూ సింగ్‌ను స్వ్కాడ్ నుంచి బయటకు పంపవచ్చని నివేదిక పేర్కొంది. ఐపీఎల్ 2023లో కేకేఆర్ తరపున ఆడుతున్నప్పుడు, చివరి ఓవర్‌లో వరుసగా ఐదు సిక్సర్లు కొట్టడం ద్వారా అతను వార్తల్లో నిలిచాడు. ఆ తర్వాత, తన అద్భుతమైన ప్రదర్శన ఆధారంగా టీమ్ ఇండియాలో అరంగేట్రం చేశాడు. కానీ, ఆ తర్వాత అతని గ్రాఫ్ పడిపోవడం కనిపించింది. అతనికి ఫినిషర్ హోదా ఇస్తున్నప్పటికీ, టీమ్ ఇండియాలో రింకూ అంచనాలను అందుకోలేకపోయాడు. ఇప్పుడు ఆసియా కప్ 2025లో అతని స్థానం ప్రమాదంలో ఉన్నట్లు కనిపిస్తోంది. అతను ఐపీఎల్ 2024, 2025లో పరాజయం పాలయ్యాడు.

ఇవి కూడా చదవండి

ఫ్యాన్స్‌కు బ్యాడ్‌న్యూస్.. ఆసియాకప్ నుంచి సూర్య కుమార్ ఔట్..?

శాంసన్ కోసం ఆ ముగ్గురిలో ఒకరిని వదులుకోనున్న చెన్నై

బాబర్ ఆజంకు ఇచ్చిపడేసిన రోహిత్ శర్మ..

ఆ మాజీ ప్లేయర్ కారణంగా రాజస్థాన్ ను వీడనున్న శాంసన్

టాప్-5 బ్యాటర్స్ ఎవరు?

PTI నివేదిక ప్రకారం, ఆసియా కప్ గురించి మాట్లాడితే రింకు సింగ్ అవుట్ కావచ్చు. మరోవైపు, అభిషేక్ శర్మ, సంజు శాంసన్ (బ్యాట్స్‌మన్-వికెట్ కీపర్), తిలక్ వర్మ, కెప్టెన్ సూర్యకుమార్ యాదవ్, హార్దిక్ పాండ్యా టాప్-5 బ్యాట్స్‌మెన్‌లలో ఎంపిక కావడం ఖాయం.

జితేష్‌ ఎంట్రీకి రంగం సిద్ధం..

‘రింకు స్థానంపై ఇప్పటికీ సందేహాలు కనిపిస్తున్నాయి. ఎందుకంటే కొంతమంది టాప్ ఆర్డర్ బ్యాటర్లు సత్తా చాటుతున్నారు. జైస్వాల్ టాప్ ఆర్డర్‌లో అగ్రస్థానంలో నిలుస్తాడు. శివం దుబే (ఎందుకంటే నితీష్ రెడ్డి ఫిట్‌గా ఉండే అవకాశం లేదు), జితేష్ శర్మ (రెండవ వికెట్ కీపర్) జట్టులోకి వచ్చే ఛాన్స్ కనిపిస్తోంది. వీరు ఫినిషర్ పాత్రను బాగా పోషించగలరని అంతా భావిస్తున్నారు.